Մուտք

Invalid username or password

Մոռացե՞լ եք գաղտնաբառը

Եվրոպական ներդրումային բանկը 50 մլն եվրո կտրամադրի Հայաստանի ՓՄՁ ոլորտին

Վերադարձ լուրերի բաժին

Հեղինակ

B4B.am

Խորագրեր

Պաշտոնական

15:47 , 18 Նոյեմբեր 2016

Եվրոպական ներդրումային բանկը կտրամադրի 50 մլն եվրո վարկ հայկական փոքր և միջին ձեռնարկությունների տարբեր ծրագրեր ֆինանսավորելու նպատակով` հիմնականում գյուղմշակման, գյուղատնտեսության և զբոսաշրջության ոլորտներում:

Վարկը կտրամադրվի ՀՀ կենտրոնական բանկին, որն այդ միջոցները հասանելի կդարձնի ՓՄՁ-երին` միջնորդ ֆինանսական կազմակերպությունների միջոցով: Վարկը հիմնականում ուղղված կլինի գյուղմշակման և զբոսաշրջության ոլորտներին, որոնք կարևոր դեր են խաղում Հայաստանի տնտեսության զարգացման գործում:

Եվրոպական ներդրումային բանկի փոխնախագահ Յան Վապավուրին, որը պատասխանատու է Հայաստանում եվրոպական ներդրումայի բանկի վարկավորման համար, նշեց. «Եվրոպական Ներդրումային Բանկի միջոցները, որոնք տրամադրվում են մեր հուսալի գործընկեր ՀՀ կենտրոնական բանկին, կբարելավեն հայաստանյան փոքր և միջին ձեռնարկությունների` տեղական արժույթով և բարենպաստ պայմաններով երկարաժամկետ ֆինանսական միջոցների հասանելիությունը: Այն նաև կնպաստի հայկական տնտեսության դիվերսիֆիկացմանը, մասնավոր հատվածի զարգացմանը և դրականորեն կազդի երկրում աշխատատեղերի ստեղծման վրա»:

ՀՀ կենտրոնական բանկի նախագահ Արթուր Ջավադյանը նշեց. «Վստահ եմ, որ այս վարկն իր արդյունավետությամբ կամրապնդի նախորդ վարկի հաջողությունը Հայաստանում փոքր և միջին ձեռնարկությունների ֆինանսական հասանելիության բարձրացման գործում»:

cb-eib

Այս վարկով Եվրոպական Ներդրումային Բանկը և ՀՀ Կենտրոնական բանկը շարունակում են իրենց հաջող համագործակցությունը հայաստանյան փոքր և միջին ձեռնարկություններին աջակցելու ծրագրի շրջանակներում: Փոքր և միջին ձեռնարկությունների համար նախատեսված նախորդ 50 մլն եվրո վարկը, որը տրամադրվել է 2014 թվականին, ամբողջությամբ տեղաբաշխվել և մինչև այսօր այս միջոցներով ֆինանսավորվել են ավելի քան 100 նախագծեր, մասնավորապես տուրիզմի և ագրո-սննդի ոլորտներում: Տրամադրված վարկի շրջանակներում մասնակից ֆինանսական միջնորդները, ինչպես նաև մանր և միջին ձեռնարկությունները նաև հնարավորություն են ունեցել օգտվել Արևելյան Գործընկերության Տեխնիկական Աջակցության Թրասթ Ֆոնդի (EPTAFT) կողմից ֆինանսավորվող տեխնիկական աջակցությունից:

 

Ընդհանուր տեղեկություններ

 Եվրոպական Ներդրումային Բանկը (Եվրամիության բանկ) Հայաստանում ֆինանսավորում է նախագծեր Եվրոմիության խորհրդի և Եվրոխորհրդարանի՝ Արևելյան Հարևանության երկրների համար մանդատի շրջանակներում: 2014-2020 թթ. մանդատը թույլ է տալիս Եվրոպական Ներդրումային Բանկին տրամադրել 4,8 միլիարդ եվրո ֆինանսավորում Եվրոմիության երաշխիքով՝ նպատակ ունենալով օժանդակել այն նախագծերին, որոնք համատեղ հետաքրքրություն են ներկայացնում և՛ Եվրոմիության, և՛ իր Արևելյան Հարևանների համար մասնավոր հատվածի զարգացման, սոցիալական և տնտեսական ենթակառուցվածքների, ինչպես նաև կլիմայի փոփոխության ոլորտներում:

ԱՄԵՆԱԿԱՐԴԱՑՎԱԾ ԼՈՒՐԵՐ

«Հայաստան» համահայկական հիմնադրամի ֆինանսական միջոցների ծախսերի մասին տեղեկատվություն

Հաշվի առնելով այս օրերին լրատվամիջոցներից ստացված բազմաթիվ հարցումները, հարկ ենք համարում հրապարակել «Հայաստան» համահայկական հիմնադրամի կողմից կառավարությանը նվիրաբերած դրամական միջոցների տրամադրման կարգի ու այլ մանրամասների վերաբերյալ տեղեկատվությունը։

Կենտրոնական բանկը ՀՀ արտարժութային շուկայում կիրականցնի գործառնություններ

ՀՀ կենտրոնական բանկն անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների և ֆինանսական կայունությունը։

20.11.2020: Շաբաթական ամփոփ տվյալներ կենտրոնական բանկից

Նոյեմբերի 9-15-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 34.6 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 10.2 մլն ԱՄՆ դոլար: