Եվրոպական հանձնաժողովն արգելել է Եվրոպայի երկու խոշորագույն բորսային օպերատորների՝ Deutsche Boerse-ի և London Stock Exchange (LSE)-ի միաձուլումը, ասվում է Եվրահանձնաժողովի մամուլի հաղորդագրության մեջ:

Հետաքննության արդյունքներով՝ Եվրահանձնաժողովը եկել է եզրակացության, որ բորսաների միաձուլումը կհանգեցնի ֆիքսված եկամուտով արժեթղթերի քլիրինգի շուկայի փաստացի մոնոպոլիզացիայի:

«Քանի որ կողմերը չեն առաջարկել որոշումներ, որոնք պահանջում են մեր մտավախությունների ցրումը մրցակցության խախտման հարցում, հանձնաժողովը որոշել է արգելել միաձուլումը»,- հայտարարել է Եվրահանձնաժողովի մրցակցության հարցերով ներկայացուցիչ Մարգրեթ Վեստագերը:

Deutsche Boerse-ն և LSE-ն պայմանավորվել էին փոխանակել բաժնետոմսերը 2016թ. մարտին: Գործարքի հաջող ավարտի դեպքում կստեղծվեր Եվրոպայում արժեթղթերի շուկայում խոշորագույն օպերատորը՝ ավելի քան 29 մլրդ դոլար կապիտալիզացիա ունեցող արժեթղթերով:

Արդեն փետրվարին LSE-ն նախազգուշացրել էր Deutsche Boerse-ի հետ գործարքի հնարավոր ձախողման մասին: