Մուտք

Invalid username or password

Մոռացե՞լ եք գաղտնաբառը

ԵՄ ֆինանսավորմամբ ստեղծված խաղն օգնում է պայքարել կոռուպցիայի դեմ

Վերադարձ լուրերի բաժին

00:01 , 11 Հունվար 2017

Դեկտեմբերի 9-ին` Կոռուպցիայի դեմ պայքարի միջազգային օրը, Հայաստանում ԵՄ դեսպան Պյոտր Սվիտալսկին Թումո ստեղծարար տեխնոլոգիաների կենտրոնում մեկնարկել է «Հաջորդ սերնդի հակակոռուպցիոն խաղը»: Ներկայացվել է նաև խաղի մասին առաջին մանրապատումը:

ԵՄ ֆինանսավորմամբ Թումոյի ստեղծած խաղի թիրախը երիտասարդներն են: Նետո հորինված մոլորակում խաղն ունի մարտահրավերներով լի մակարդակներ, որոնք բարձրացնում են կոռուպցիայի ռիսկերի մասին իրազեկվածությունն ու պարգևատրում են խաղացողներին դրանք հաղթահարելու դեպքում: Խաղը ստեղծել են Թումոյի 16-ից 20 տարեկան ուսանողները: Խաղի մեկնարկը տրվել է «Կանգնեցնենք կոռուպցիան միասին» խորագրի ներքո: Խորագրի ընտրությամբ, ԵՄ-ն վերահաստատում է իր աջակցությունը Հայաստանի կառավարությանը և քաղաքացիական հասարակությանը, կոռուպցիայի դեմ պայքարելու ջանքերում:

Դեսպան Սվիտալսկին բարձր է գնահատել Թումոյի ներգրավվածությունը խաղի ստեղծման մեջ. «Այս միջոցառումը կարևոր է Եվրոպական միության համար, քանի որ այն ցույց է տալիս կոռուպցիայի դեմ պայքարի նոր մոտեցումներ: Մարդիկ ցանկանում են խոսելուց անցնել ակտիվ կանխարգելման: Կանխարգելման լավագույն տարբերակը երեխաներից սկսելն է, քանի որ փոքրուց պետք է զարգացնել մշակույթը, որտեղ կոռուպցիան անընդունելի է: Հուսով ենք, որ երիտասարդ հայերը կհասկանան, որ կոռուպցիան շատ վնասաբեր է: Այս գործընթացում մենք շատ են գնահատում Թումոյի հետ համագործակցությունը: Ձեզանից շատերը կարող են հիշել, որ Արևելյան գործընկերության նախարարական երկխոսության ձևաչափով 8-րդ ոչ պաշտոնական հանդիպմանը մասնակցելու համար մի քանի շաբաթ առաջ Երևանում էր ԵՄ Հետազոտության, գիտության և նորարարության հարցերով հանձնակատար Կառլոս Մոեդասը: Նա այցելեց նաև Թումո և շատ տպավորված էր: Նա նույնիսկ ասաց, որ այն ինչ տեսել է այստեղ, ավելի լավն է, քան այն, ինչ տեսել է Սիլիկոնային հոտվում: Թումոն այժմ ունի դեսպան Եվրոպայում, իսկ Հայաստանը Արարատից և կոնյակից բացի ունի նոր խորհրդանիշ: Այդպես էլ պետք է լիներ, քանի որ հայերը շատ տաղանդավոր են»:

Թումոյի խորհրդի անդամ Բեկոր Փափազյանը գնահատել է ԵՄ-ի աջակցությունը. «Թումոյում մենք հետաքրքրված ենք երկարաժամկետ ձեռքբերումներով և շնորհակալ ենք Եվրոպական միությանը, որ մեզ տվել է հնարավորություն ստեղծելու այս խաղն ու տեղեկացնելու երիտասարդ սերնդին կոռուպցիայի ռիսկերի մասին»:
Խաղի մեկնարկից հետո միջոցառման հյուրերը հնարավորություն են ունեցել խաղալու դեմո տարբերակը:

ԱՄԵՆԱԿԱՐԴԱՑՎԱԾ ԼՈՒՐԵՐ

2019-ին հաջորդող տարիներին տնտեսական քաղաքականությունը պետք է տանի նրան, որ ՀՆԱ-ի տարեկան աճը լինի ոչ պակաս, քան 5%-ը. Տիգրան Խաչատրյան

Տնտեսական քաղաքականության հիմնական նպատակը լինելու է Հայաստանի քաղաքացիների բարեկեցության բարձրացումը

«Հայաստանի էներգետիկայի շաբաթ-2018» միջոցառմանը կմասնակցեն արևային էներգետիկայի միջազգային առաջատար ընկերություններ

«Շտիգեն» ընկերության հիմնադիր-տնօրեն Հայկ Շեկյանը նշեց, որ այս միջոցառումն իրականացվում է ոչ միայն ոլորտի մասնավոր ընկերությունների բիզնեսի զարգացման համար…

ՊԵԿ-ը ստուգողական միջոցառումներ է իրականացրել «Գազպրոմ Արմենիա» ՓԲԸ-ում բացահայտվել են առանձնապես խոշոր չափերով հարկեր չվճարելու դեպքեր

«Գազպրոմ Արմենիա» ՓԲԸ-ն 2016 և 2017 թվականների ընթացքում հարկային մարմին ներկայացված ԱԱՀ-ի և շահութահարկի հաշվարկներում ներառել է ակնհայտ կեղծ տվյալներ