Եվրախորհրդարանը վետո կդնի ԵՄ-ից Մեծ Բրիտանիայի դուրս գալու մասին համաձայնագրի վրա, եթե չպահպանի եվրոպացիների կյանքի և այդ երկիր ուղևորությունների իրավունքը, որը նրանք ունեին մինչ Brexit-ի գործարկումը, հայտնում է The Guardian-ը:

«Եվրամիության՝ Brexit-ի հարցով բանակցային խմբի ղեկավար Միշել Բարնիեն և խորհրդարանի անդամները, ինչպես հասկացվում է, անհանգստացած են այն տեղեկատվությամբ, որ բրիտանական կառավարությունը ցանկանում է, որ մարտի 29-ին, երբ պաշտոնապես տեղեկացնի ԵՄ-ին միությունը լքելու մտադրության մասին, դառնա մարդկանց ազատ տեղաշարժի դադարեցման օր»,- գրում է պարբերականը:

Այդ հարցը Բարնիեն և եվրոպացի խորհրդարանականները քննարկել են երեքշաբթի գիշեր:

Թերթի տեղեկություններով՝ 5-էջանոց բանաձևը, որը բացատրում է Եվրոպական խորհրդարանի դիրքորոշումը, որը կդրվի քվեարկության ապրիլի 5-ին, կազմվել է եվրոպացիների իրավունքի սահմանափակումը բացառելու նպատակով, որոնք պատրաստվում են այցելել Մեծ Բրիտանիա:

Մեծ Բրիտանիայի վարչապետ Թերեզա Մեյը նամակ է գրել ԵՄ-ին Brexit-ի գործարկումն սկսելու համար: Այդ փաստաթուղթը կփոխանցվի Եվրախորհրդի ղեկավար Դոնալդ Տուսկին Մեծ Բրիտանիայի անձնական ներկայացուցիչ Թիմ Բարրոուի միջոցով մարտի 29-ին: