Մուտք

Invalid username or password

Մոռացե՞լ եք գաղտնաբառը

ԵՄ-ն կմշակի սննդամթերքի որակի միասնական չափորոշիչներ

Վերադարձ լուրերի բաժին

Հեղինակ

B4B.am

Խորագրեր

Աշխարհ

14:01 , 28 Հուլիս 2017

Եվրոպական հանձնաժողովը կանգնել է արևելաեվրոպական պետությունների կողմը սննդամթերքի որակի չափորոշիչների մասին վեճում:

Եվրահանձնաժողովի ղեկավար Ժան-Կլոդ Յունկերը հուլիսի 27-ին Սլովակիայի վարչապետ Ռոբերտ Ֆիցոյի հետ հանդիպումից հետո հայտարարել է այն մասին, որ անընդունելի է տարբեր պետությունների համար տարատեսակ չափորոշիչների առկայությունը:

«Սլովակիայի քաղաքացիները իրավունք ունեն ստանալ մթերք, որը համապատասխանում է որակի միասնական չափորոշիչներին»,- մեկնաբանել է նա:

Ավելի վաղ Արևելյան Եվրոպայի բազմաթիվ այլ երկրներ, մասնավորապես Հունգարիան, Չեխիան և Լեհաստանը, նույնպես հանդես էին եկել «սննդամթերքի ապարտեիդի» դեմ՝ հրաժարվելով «աղբարկղ» լինել Արևմտյան Եվրոպայի համար:

Հունգարիան և Սլովակիան տարեսկզբին ներկայացրել էին փորձաքննության արդյունքները, որոնց համաձայն, այդ երկրներում վաճառվող մթերքի որակը զգալի տարբերվում է արևմտաեվրոպական պետությունների վաճառասեղաններում վաճառվողներից:

Սննդամթերք արտադրողները հերքել էին մեղադրանքները ու առկա տարբերությունները բացատրել տարբեր ազգային խոհանոցների համային նախասիրություններով:

Յունկերը հայտարարել է, որ չի ընդունում նման բացատրությունները ու հայտարարել է Եվրահանձնաժողովի մտադրության մասին՝ «վերջ դնել խտրականությանը սննդային ոլորտում:»

Ներկայիս կանոնների համաձայն՝ սննդամթերք արտադրող ընկերությունները իրավունք ունեն փոխարինել բաղադրիչները՝ անկախ վաճառքի վայրից՝ պայմանով, որ փաթեթավորման վրա նշվի փոփոխված կազմը:
Յունկերը խոստացել է մշակել նոր կանոններ արդեն այս տարվա սեպտեմբերին: Ներկայումս Եվրահանձնաժողովը զբաղվում է ԵՄ 21 պետությունից ստացված բողոքների քննությամբ:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանը Եվրամիության հետ համաձայնագիրը կվավերացնի մինչև մայիս

Եվրանեսթում հունիսի 25-29-ը տեղի ունեցած լիագումար նիստից Հայաստանի պատվիրակությունը գոհ է վերադարձել։

ԱՄՆ պատրաստ է ուսումնասիրել Հայաստանը «Հազարամյակի մարտահրավերներ կորպորացիա»-ի ծրագրում ներառելու հարցը

Այդ մասին ի պատասխան ԱՄՆ Հայ դատի գրասենյակի նամակին՝ հայտարարել է ԱՄՆ պետքարտուղար Մայք Պոմպեոն, ով հանդիսանում է նշված կորպորացիայի խորհրդի ղեկավարը:

ԱՄՆ-ն վերագործարկում է GSP-ն Հայաստանի համար

GSP համակարգում ներառված ապրանքները կարող են մուտք գործել ԱՄՆ շուկա մաքսատուրքի իջեցված կամ զրոյացված դրույքաչափերով։