Մուտք

Invalid username or password

Մոռացե՞լ եք գաղտնաբառը

ԵԱՏՄ տարածքում կստեղծվի փորձագիտական գրասենյակ՝ ԵԱՏՀ կոլեգիայի ղեկավարությամբ

Վերադարձ լուրերի բաժին

Հեղինակ

B4B.am

Խորագրեր

ԵՏՄ

19:51 , 25 Հոկտեմբեր 2017

Եվրասիական տնտեսական միության տարածքում թվային օրակարգի  իրականացման  շրջանակներում ԵԱՏՀ կոլեգիայի ղեկավարությամբ  կստեղծվի  փորձագիտական գրասենյակ:

«Արմենպրես»-ի փոխանցմամբ` այս մասին  լրագրողներին  տեղեկացրեց  Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանը:

«Փորձագետները լիազորություն կունենան կատարելու վերլուծություններ մեր նախաձեռնությունների վերաբերյալ ու տալ խորհուրդներ որոշում կայացնելու համար: Գրասենյակի աշխատանքը թույլ կտա կուտակել համապատասխան գիտելիքներ և հետևել երկրներում թվային օրակարգի իրականացման գործընթացին»,-ասաց պաշտոնյան:

Տիգրան Սարգսյանի տեղեկացմամբ` կձևավորվի նաև նախաձեռնությունների կենտրոնների միասնական ռեեստր: Դա ենթադրում է ուղղակի կապի հաստատում ԵԱՏՄ անդամ-երկրների բոլոր կենտրոնների հետ, որոնք զբաղվում են թվային նախաձեռնություններով: «Այս հարթակը նպաստի ինֆորմացիայի փոխանակմանը, մեր աշխատանքների կոորդինացմանն ու համաձայնեցված քաղաքականության իրականացմանը»,-հայտնեց Տիգրան Սարգսյանը:

Նա նշեց, որ Սոչիում գերագույն խորհրդի նիստի ժամանակ նախագահներն արդեն հստակեցրել էին թվային օրակարգի հիմնական ուղղությունները, ինչի հիման վրա էլ իրականացվում է թվային վերափոխման ոլորտում համաձայնեցված քաղաքականությունը: Սահմանվել են չորս հիմնական ուղղություններ` տնտեսության ոլորտների, ապրանքների, ծառայությունների, կապիտալի ու աշխատուժի թվայնացում, կառավարման գործընթացների և ինտեգրացիոն գործընթացների վերափոխում, թվային ենթակառուցվածքների զարգացում և թվային գործընթացների պաշտպանություն:

ԱՄԵՆԱԿԱՐԴԱՑՎԱԾ ԼՈՒՐԵՐ

Խորհրդային տարիներին գործող ենթակառուցվածքների վերականգնման մասին է խոսքը. փոխվարչապետ

Փոխվարչապետի խոսքով՝ հիմնականում քննարկվում է երկաթգծերի, ավտոճանապարհների՝ խորհրդային տարիներին գործող ենթակառուցվածքների վերականգնման հարցը՝ բոլոր հնարավոր ուղղություններով:

Իրանի հավանական անդամակցությունը ԵԱՏՄ-ին

Իրանի հավանական անդամակցությունը ԵԱՏՄ-ին վերլուծել է տնտեսագետ Պանդուխտ Մարտիրոսյանը:

ԵՄ-ում և Համաշխարհային մաքսային կազմակերպությունում Հայաստանը կունենա նոր մաքսային կցորդ

Բրյուսելում տեղակայված միջազգային կառույցների հետ նախատեսվում է իրականացնել ակտիվ աշխատանք: