Մուտք

Invalid username or password

Մոռացե՞լ եք գաղտնաբառը

ԵԱՏՄ-ն նախատեսում է կենսաթոշակային համաձայնագիրը ստորագրել 2019 թ.

Վերադարձ լուրերի բաժին

Հեղինակ

B4B.am

Խորագրեր

ԵՏՄ
Լուրեր

00:13 , 02 Մարտ 2019

Եվրասիական տնտեսական միության կենսաթոշակային ապահովության մասին համաձայնագիրը նախատեսվում է ստորագրել 2019 թվականին: Եվրասիական տնտեսական հանձնաժողովի մամուլի ծառայությունը b4b.am-ին հայտնեցին, որ Երևանում ՀՀ փոխվարչապետ Մհեր Գրիգորյանի հետ հանդիպումից հետո այդ մասին հայտնել է ԵՏՀ կոլեգիայի էկոնոմիկայի և ֆինանսական քաղաքականության հարցերով նախարար Տիմուր Ժակսիլիկովը:

Կողմերը քննարկել են Եվրասիական տնտեսական միությունում կենսաթոշակային ապահովության ոլորտի իրավիճակը: Բացի այդ՝ ԵՏՀ նախարարը նշել է այն առավելությունները, որոնք կստանան աշխատողները համաձայնագրի ընդունումից հետո:

Այս պահին ԵԱՏՄ անդամ երկրներում գործում են կենսաթոշակային տարբեր համակարգեր: Տարբերվում են դրանց մոդելները, կենսաթոշակի իրավունքի պայմանները՝ կենսաթոշակային տարիք, ստաժ, անձնական կենսաթոշակային գործակից: Միության անդամ ոչ բոլոր երկրներում են ձևավորվում ԵԱՏՄ տարածքում աշխատողների կենսաթոշակային իրավունքներ, ինչի արդյունքում քաղաքացիները, ովքեր աշխատել են Միության այլ երկրներում, կորցնում են իրենց կենսաթոշակի մի մասը:

«Համաձայնագրի ուղղությամբ աշխատանք է տարվում մի քանի տարի: 2018թ. դեկտեմբերին ավարտվել է փաստաթղթի ներպետական համաձայնեցումը: Մոտակա ժամանակահատվածում պլանավորվում է այն ուղարկել Միության անդամ երկրներ՝ ներպետական ընթացակարգերի անցկացման նպատակով, որոնք անհրաժեշտ են ստորագրման համար: Մենք հույս ունենք, որ 2019 թվականին փաստաթուղթը կստորագրվի»,- ասել է Տիմուր Ժակսիլիկովը:

Համաձայնագիրը ենթադրում է, որ աշխատողների կենսաթոշակային ապահովությունը իրականացվելու է հավասար պայմաններում՝ անկախ նրանից, թե նրանք ԵԱՏՄ անդամ որ երկրում են աշխատել: Նախատեսվում է, որ յուրաքանչյուր պետություն անձին կենսաթոշակ կվճարի իր տարածքում աշխատելու ընթացքում վաստակած աշխատանքային ստաժի դիմաց: Ժակսիլիկովը նաև նշել է, որ համաձայնագիրը նպաստելու է ԵԱՏՄ-ում քաղաքացիների սոցիալական պաշտպանվածության մակարդակի բարձրացմանը:

ԱՄԵՆԱԿԱՐԴԱՑՎԱԾ ԼՈՒՐԵՐ

ԵԱՏՄ տարածքում գյուղատնտեսական արտադրանքի ծավալն աճել է 19 տոկոսով

Եվրասիական տնտեսական հանձնաժողովի կոլեգիան մարտի 19-ին քննարկել է մի շարք հարցեր, որոնք առնչվում են ԵԱՏՄ երկրներում առևտրի, մաքսային համագործակցությանը, մրցակցությանը, թվայնացմանը, ներքին շուկաների գործունեությանը, վիճակագրությանը, տեխնիկական կարգավորմանը, դեղագործությանը: b4b.am-ը տեղեկացնում է, որ այդ մասին հայտնել է ԵՏՀ պաշտոնական կայքը: Հաստատվել է 2012-2018 թվականներին անդամ պետություններում ագրոարդյունաբերական համալիրի ոլորտում պետական քաղաքականության մասին տեսությունը: Կոլեգիան ԵԱՏՄ երկրների […]

Տիգրան Սարգսյանն ԱՊՀ երկրներին կառավարություններին կոչ է արել միանալ տնտեսության թվայնացման աշխատանքին

Եվրասիական տնտեսական հանձնաժողովի Կոլեգիայի նախագահ Տիգրան Սարգսյանը Անկախ պետությունների համագործակցության անդամ երկրների կառավարություններին տնտեսության թվայնացման համատեղ աշխատանքին միանալու կոչ է արել: Այդ մասին b4b.am-ին տեղեկացրին Եվրասիական տնտեսական հանձնաժողովի մամուլի ծառայությունից: Սարգսյանն այդ մասին ասել է մարտի 15-ին տեղի ունեցած Տնտեսական միջազգային համաժողովի լիագումար նիստի ընթացքումը: «Այսօր, երբ մենք ձևավորում ենք թվային նախագծերի ճարտարապետությունն ու դիզայնը, […]

Տիգրան Խաչատրյանը մասնակցել է ԵԱՏՄ արդյունաբերության նախարարների հանդիպմանը

Մոսկվայում տեղի է ունեցել Եվրասիական տնտեսական միության անդամ երկրների արդյունաբերության ոլորտի նախարարների հանդիպումը, որին մասնակցել են Միության բոլոր երկրների կառավարությունների և Եվրասիական տնտեսական հանձնաժողովի պատվիրակությունները։ Հայաստանի Հանրապետության պատվիրակությունը գլխավորել է ՀՀ տնտեսական զարգացման և ներդրումների նախարար Տիգրան Խաչատրյանը: Այդ մասին b4b.am-ին հայտնեց տնտեսական զարգացման և ներդրումերի նախարարության մամուլի բաժինը: Հանդիպման մասնակիցները քննարկել են տնտեսության գերակա […]