Մուտք

Invalid username or password

Մոռացե՞լ եք գաղտնաբառը

ԵԱՏՄ երկրներում գործազրկության մակարդակը կրճատվել է

Վերադարձ լուրերի բաժին

12:59 , 20 Մայիս 2020

ԵԱՏՄ անդամ երկրներում ընթացիկ տարվա մարտի դրությամբ նախորդ տարվա մարտի համեմատ գործազուրկների թիվը կրճատվել է 8․5 տոկոսով։ Եվրասիական տնտեսական հանձնաժողովը հրապարակել է Միության երկրներում գործազրկության մակարդակի վերաբերյալ ցուցանիշները։

Ըստ հրապարակված ցուցանիշների, ընթացիկ տարվա մարտի վերջի դրությամբ ԵԱՏՄ անդամ երկրներում զբաղվածության գործակալություններում գրանցված է եղել 1 մլն 26 հազար մարդ՝ նախորդ տարվա 1 մլն 121 հազար 400-ի փոխարեն։ Ընդ որում բացի Ղազախստանից, որտեղ գրանցված գործազուրկների թիվն ավելացել է 4․4 տոկոսով, մնացած երկրներում նկատվում է գրանցված գործազուրկների թվաքանակի կրճատում։ Այսպես՝ Հայաստանում գրանցված գործազուրկների թվաքանակը կրճատվել է 5․2 տոկոսով, Բելառուսում՝ 33 տոկոսով, Ղրղզստանում՝ 1․8 տոկոսով, Ռուսաստանում՝ 11․2 տոկոսով։

Աշխատանքի միջազգային կազմակերպության վերջին հասանելի 2019 թվականի 4-րդ եռամսյակի տվյալներով՝ Միությունում գործազրկության մակարդակը կազմել է 4․8 տոկոս, այդ թվում՝ Հայաստանում՝ 17․9 տոկոս, Բելառուսում՝ 4 տոկոս, Ղազախստանում՝ 4․8 տոկոս, Ռուսաստանում՝ 4․6 տոկոս։ 2018 թվականի տվյալներով, Ղրղզստանում գործազրկության մակարդակը կազմել է 6․2 տոկոս։

Համեմատության համար նշենք, որ Հունաստանում գործազրկության մակարդակը 16․6 տոկոս է, Ֆրանսիայում՝ 8․2, ԱՄՆ-ում՝ 3․8 և այլն։

Economood

ԱՄԵՆԱԿԱՐԴԱՑՎԱԾ ԼՈՒՐԵՐ

Կորոնավիրուսը և ուլտրամանուշակագույն ճառագայթները

Վարակը կարող է մահանալ ցածր հաճախականությամբ ուլտրամանուշակագույն ճառագայթի (UVB) ազդեցությամբ։

ՏԵՍԱՆՅՈՒԹ: «Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար»,-վարչապետ

Նիկոլ Փաշինյանը խոստովանել է, որ աջակցության ծրագրերն իրականացնելիս դժվար է եղել տարբերակել, թե իրականում ով դրա կարիքն ունի, ով՝ ոչ:

Վրաստանի իրական ՀՆԱ-ն կրճատվել է 16.6%-ով

Խոսքն այս տարվա Ապրիլի մասին է: