Մուտք

Invalid username or password

Մոռացե՞լ եք գաղտնաբառը

ԵԱՏՄ երկրները հիմնական ապրանքների գծով պարենային ապահովության խնդիր չունեն

Վերադարձ լուրերի բաժին

18:25 , 30 Ապրիլ 2020

Եվրասիական տնտեսական միությունում, անդամ երկրներում պարենային ապահովության առումով հիմնական ապրանքների գծով դեֆիցիտ չկա, կա անգամ շաքարի ավելցուկ: Այդ մասին վստահեցրեց Եվրասիական տնտեսական հանձնաժողովի արդյունաբերության և ագրոարդյունաբերական համալիրի հարցերով նախարար Արտակ Քամալյանը՝ պարենային անվտանգության ոլորտում ԵԱՏՄ երկրների իրավիճակի վերաբերյալ՝ Երևան-Մոսկվա-Մինսկ առցանց տեսակամուրջի ընթացքում:

«Մենք ունենք առաջարկի և պահանջարկի հաշվարկներ, և վստահեցնում եմ, որ միությունում, միության երկրներում ոչ մի դեֆիցիտ գոյություն չունի: Ապրանքային խմբերի ճնշող մեծամասնության պարագայում մենք ամենուրեք ունենք ավելցուկ, մենք ունենք ավելցուկ՝ շաքարի, յուղի, մսի: Եզակի ապրանքային խումբը, որի առումով միությունում այսօր դեֆիցիտ կա, մրգերն ու հատապտուղներն են: Մրգերի և հատապտուղների առումով միությունն իրեն ապահովում է 40-45 տոկոսով, մնացածը ներմուծում է: Ապրանքային մնացած խմբերում պարենային անվտանգության խնդիր չկա»,-վստահեցրեց Քամալյանը:

Նա նշեց՝ ըստ իրենց կանխատեսումների՝ եթե ֆորս մաժոր չլինի, 2020 թվականին սննդի մատակարարման առումով մտահոգվելու առիթ չկա: Քամալյանը նկատեց՝ ֆորս մաժոր ասելով նկատի չունի կորոնավիրուսը, նա նշեց՝ կորոնավիրուսն արդեն ֆորսմաժոր չէ, այն իրականություն է:

Կորոնավիրուսը լայն տարածում է գտել աշխարհի շատ երկրներում՝ այդ թվում ԵԱՏՄ անդամ երկրներում: Հայաստանում ապրիլի 30-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 2066 դեպք, որոնցից 929-ն` առողջացած: Կորոնավիրուսային հիվանդությամբ այս պահին փաստացի բուժում է ստանում 1103 պացիենտ: Ընդհանուր առմամբ, կորոնավիրուսային հիվանդությամբ վարակվածների շրջանում արձանագրվել է մահվան 32 դեպք: Միության անդամ երկրներից Ռուսաստանում հիվանդության հաստատված դեպքերի թիվն անցել է 106 հազարը:

Արմենպրես

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: