Մուտք

Invalid username or password

Մոռացե՞լ եք գաղտնաբառը

ԵԱԶԲ-ն ընդունել է նոր ռազմավարություն. կընդլայնվի ներդրումային պորտֆելն ու նոր ոլորտների ֆինանսավորումը

Վերադարձ լուրերի բաժին

Հեղինակ

B4B.am

Խորագրեր

ԵՏՄ

15:13 , 26 Հունիս 2018

Եվրասիական զարգացման բանկի խորհուրդը իր հերթական նիստում հաստատել է բանկի 2018-2022 թթ. միջնաժամկետ ռազմավարությունը: Այս մասին «Արմենպրես»-ը տեղեկացավ ԵԱԶԲ մամուլի կենտրոնի տարածած հաղորդագրությունից: Նիստը կայացել է Ղազախստանի վարչապետ Բակիջան Սագինտաևի ղեկավարությամբ: Բանկի խորհուրդը ԵԱԶԲ-ի կառավարման բարձրագույն մարմինն, որը ձևավորվում է անդամ երկրների ներկայացուցիչներից: Աստանայում խորհրդի աշխատանքներում մասնակցություն է ունեցել նաև ՀՀ փոխվարչապետ Մհեր Գրիգորյանը:

Հաստատված ռազմավարության համաձայն՝ բանկը կշարունակի իր գործունեությունը կենտրոնացնել ինտեգրացիոն մեծ արդյունքով և ազգային նախագծերի զարգացմանն ուղղված նախագծերի ֆինանսավորման վրա: Ծրագրվում է, որ 2022-ի վերջում կավելանա ընթացիկ ներդրումային պորտֆելի ծավալը՝ 2.3-ից դառնալով 3.6 միլիարդ դոլար։ Իսկ բանկի նոր նախագծերի ընդհանուր ծավալը կկազմի 4.6 միլիարդ դոլար: Նախագծերում բանկի մասնակցության օպտիմալ չափը ծրագրվում է սահմանել 20-200 միլիոն դոլար, ինչը, սակայն, չի բացառում ավելի քիչ արժողության նախագծերի ֆինանսավորումը, առաջին հերթին՝ համեմատաբար փոքր տնտեսություն ունեցող մասնակից պետություններում:

Բանկը կշարունակի վարել ակտիվ ներդրումային քաղաքականություն ենթակառուցվածքների զարգացման, էլեկտրաէներգետիկայի, մեքենաշինության, մետալուրգիայի, քիմիական, նավթաքիմիական, հանքարդյունաբերության և նավթագազային ոլորտներում: Որպես նոր նպատակային ոլորտներ՝ բանկը կաջակցի նաև ագրովերամշակման և տեղեկատվական տեխնոլոգիաների ոլորտներին, որոնց զարգացումը ռազմավարական նշանակություն ունի անդամ երկրներում։

ԱՄԵՆԱԿԱՐԴԱՑՎԱԾ ԼՈՒՐԵՐ

Ռազմական դրության ժամանակահատվածում սահմանված հարկային արտոնությունները

Լրացուցիչ հարցերի դեպքում կարող եք դիմել ՀՀ պետական եկամուտների կոմիտեի հեռախոսազանգերի կենտրոն՝ 060 544 444 կամ 0 8000 0007 հեռախոսահամարներով։

Կորոնավիրուսի ազդեցությունը տրանսֆերների վրա

Հայաստան փոխանցվող գումարների վրա իրենց ազդեցությունն են թողել մի շարք գործոններ։

ԵՏՀ-ում ՀՀ-ն ներկայացնող նախարար Գ. Վարդանյանի առաջարկությունը հավանության են արժանացրել ՌԴ և ԵԱՏՄ երկրների փոխվարչապետները

Նախաձեռնությունն ուղղված է ինտեգրված տեղեկատվական համակարգի զարգացման ու արդիականացման նոր հնարավոր մոտեցումների մշակմանը: