Մուտք

Invalid username or password

Մոռացե՞լ եք գաղտնաբառը

Դրամն արժեզրկվեց

Վերադարձ լուրերի բաժին

19:33 , 24 Օգոստոս 2015

Փոխարժեքի շուկայում տատանումներ են սկսվել։

Ինչպես և սպասվում էր, ռուսական ռուբլու և այլ արժույթների արժեզրկմանը հետևեց նաև հայկական դրամի թուլացումը։

Այսպես, հայկական դրամն այսօր արժեզրկվել է բոլոր հիմնական արժույթների նկատմամբ՝ բացի ռուբլուց։

Ըստ ՀՀ Կենտրոնական բանկի այսօրվա պաշտոնական փոխարժեքի՝ 1 ԱՄՆ դոլարը թանկացել է 5,73 կետով և կազմել 483.43։

Եվրոն թանկացել է 16,56 դրամով. 1 եվրոյի պաշտոնական փոխարժեքն այսօր հասել է 554.83 դրամի։

Բրիտանական ֆունտի պաշտոնական փոխարժեքը բարձրացել է 9,96 կետով և կազմել 759,42 դրամ։

Էժանացել է միայն ռուսական ռուբլին։ 1 ռուբլու պաշտոնական փոխարժեքը 6,82 դրամ է, որը 0,19 կետով ցածր է նախորդ օրվա ցուցանիշից։

Ֆինանսական շուկան այս պահին անորոշության մեջ է։ Դա երևում է բորսայական անցուդարձից։ «Նասդաք ՕԷՄԷՔՍ Արմենիա» բորսայուսմ այսօր արտարժույթ չի վաճառվել։ Գնորդները պատրաստ են եղել 1 ԱՄՆ դոլարի համար վճարել 486,6 դրամ, սակայն դոլարի առաջարկ ընդհանրապես չի եղել։

Առևտրային բանկերը, ըստ rate.am համակարգի, այսօր օրվա վերջում 1 ԱՄՆ դոլարը գնում էին 482 դրամով, վաճառում 488,1 դրամով։ Առքի և վաճառքի գնի տարբերությունը մեծացել է, ինչը ևս վկայում է անորոշության մասին։

ԱՄԵՆԱԿԱՐԴԱՑՎԱԾ ԼՈՒՐԵՐ

Ինչքանո՞վ պետությունը նպաստեց ՀՆԱ-ի անկման մեղմմանը 2020թ-ին

Կարող ենք ասել, որ պետական ծախսերի աճի շնորհիվ պետությունը 2020թ-ին ավելի քան 2%-ային կետով նպաստել է ՀՆԱ-ի անկման մեղմմանը:

Առանց պետության աջակցության ՓՄՁ ոլորտը չի կայանալու

Լևոն Սարդարյանն ու տնտեսագետ Կարեն Գևորգյանը խոսել են Հայաստանում փոքր ու միջին ձեռնարկատիրության զարգացման անհրաժեշտության, ծագած ու հնարավոր խնդիրների և դրանց լուծման հնարավորությունների մասին:

Իրանի հավանական անդամակցությունը ԵԱՏՄ-ին

Իրանի հավանական անդամակցությունը ԵԱՏՄ-ին վերլուծել է տնտեսագետ Պանդուխտ Մարտիրոսյանը: