Մուտք

Invalid username or password

Մոռացե՞լ եք գաղտնաբառը

«Դուք պետք է անհամբերությամբ արթնանաք առավոտյան». Իլոն Մասկի բացառիկ հարցազրույցը (տեսանյութ)

Վերադարձ լուրերի բաժին

16:20 , 28 Մարտ 2017

SpaceX ու Tesla ընկերությունների ղեկավար Իլոն Մասկը Դուբայում անցկացված WGS 2017-ի (World Government Summit) շրջանակում հարցազրույց է տվել, որտեղ խոսել է իր պլանների, տեսլականի, լավատեսության, այլ մոլորակներ ու գալակտիկաներ նվաճելու ու երազանքի մասին: Իլոն Մասկի խոսքով՝ կյանքում ամենակարևորը ճիշտ հարցեր տալն է: «Եվ որքան բարձր կլինի մարդու գիտակցությունը, այնքան ավելի ճիշտ կլինեն տրվող հարցերը»,- ասում է գործարարը:

«Դուք պետք է անհամբերությամբ արթնանաք առավոտյան: Կյանքը չի կարող բաղկացած լինել միայն խնդիրների լուծումից: Պետք է լինի ինչ-որ բան, որի նկատմամբ դուք կիրք ունեք, հանուն որի պատրաստ եք ապրել»,- համոզված է գործարարը: Խոսելով մոլորակներ նվաճելու իր մտադրության մասին՝ Մասկը հույս է հայտնում, որ մարդիկ մի օր կհայտնվեն Մարսի, գուցե, նաև Յուպիտերի արբանյակների վրա:

«Հնարավոր է, որ մենք կանոնավոր չվերթներ իրականացնենք Արեգակնային համակարգի սահմաններում, անգամ պատրաստվում է թռիչք հարևան աստղային համակարգեր: Կարծում եմ՝ այդ բաները հնարավոր են մոտակա 50 տարում: Կարծում եմ՝ մենք ականատես կլինենք ահռելի առաջընթացի աստղագիտության և արհեստական ինտելեկտի ոլորտում»,- ասում է Իլոն Մասկը: Գործարարի խոսքով՝ ինքը ամենևին էլ չի ձգտում մահանալ Մարսի վրա:

«Պարզապես մենք երբևէ կմահանանք և եթե ստիպված լինեինք վայր փնտրել դրա համար, ինչու ոչ՝ Մարսը: Եթե դու ծնվել ես Երկրի վրա, ինչո՞ւ չմահանաս Մարսի վրա»,- համոզված է Մասկը:

ԱՄԵՆԱԿԱՐԴԱՑՎԱԾ ԼՈՒՐԵՐ

Վրաստանը հրապարակել է բեռնատարների տեղաշարժի վերաբերյալ ուղեցույց

Եթե խախտումը կապված է տեղաշարժման ժամկետների հետ, ապա տրանսպորտային միջոցը պետք է անհապաղ լքի Վրաստանի տարածքը, հակառակ դեպքում վարորդը կտեղափոխվի 14-օրյա կարանտին, և տրանսպորտային միջոցը կտեղափոխվի տուգանային հրապարակ:

Բագրատաշենում աշխատում են՝ կուտակումներից խուսափելու համար

ՊԵԿ. Բագրատաշենի անցումային կետում աշխատանքներ են տարվում ինչպես Հայաստանի, այնպես էլ Վրաստանի տարածքում մեքենաների առկա կուտակումները նվազեցնելու ուղղությամբ:

ՀՀ ԿԲ հայտարարությունը «Վարկս Էյ Էմ»-ի դեմ դիմում-բողոքների վերաբերյալ

Հայտարարությունից կարող եք իմանալ, թե ում և ինչպես դիմել: