Մուտք

Invalid username or password

Մոռացե՞լ եք գաղտնաբառը

Դանիլ Խաչատուրովը «Ռոսգոսստրախը» փոխանցում է Վադիմ Բելյաեւին

Վերադարձ լուրերի բաժին

16:38 , 18 Օգոստոս 2017

Դեռեւս նախորդ տարվա դեկտեմբերին տեղեկատվություն հայտնվեց, որ «Ռոսգոսստրախի» սեփականատեր է դառնում «Открытие» հոլդինգը։ Այժմ տեղեկատվությունը ճշգրտվել է. ինչպես գրում է Vedomosti-ն, «Ռոսգոսստրախի» սեփականատեր է դառնում ոչ թե «Открытие»-ն, այլ դրա սեփականատեր Վադիմ Բելյաեւը։

Մասնավորապես, «Открытие-информ» ընկերությունը (որը 100%-ով պատկանում է «Открытие холдинг»-ին) եւ «Открытие» բանկը դիմել են Ռուսաստանի հակամենաշնորհային ծառայությանը, որպեսզի վերջինս կարողանան հստակեցնել «Ռոսգոսստրախի» աշխատանքի պայմանները։

Այս երկու ընկերությունները մտադիր են «Ռոսգոսստրախ» ապահովագրականի վերահսկողությունը իրենց ձեռքը վերցնել՝ ձեռք բերելով «РГС-холдинге», «РГС-активы» եւ «РГСН» («РГС-недвижимость») ընկերությունների 100% բաժնետոմսերը։

«РГС-холдинг»-ը «Ռոսգոսստրախի» հիմնական բաժնետերն է (31.7%)։

Vedomosti-ն հիշեցնում է, որ «Ռոսգոսստրախը» ժամանակին ԱՊՊԱ շուկայի առաջատարն էր, սակայն 2017 թվականի 1-ին եռամսյակի արդունքներով՝ երրորդ տեղում է (48.2 մլրդ ռուբլի ապահովագրավճարներով)։ 2016 թվականին ԱՊՊԱ-ի վնասաբերության հետեւանքով «Ռոսգոսստրախի» մաքուր վնասը կազմել է 33 մլրդ ռուբլի, իսկ բացասական գործառնական դրամական հոսքը՝ 54 մլրդ։

Սա առաջին պաշտոնական հաստատումն է այն գործարքի, որի մասին հայտնի էր դարձել դեռ անցյալ տարվա դեկտեմբերին։ Այն ժամանակ նշվում էր, որ «Ռոսգոսստրախի» սեփականատեր Դանիլ Խաչատուրովը իր ընկերությունը փոխանցում է «Открытие холдинг»-ին՝ դրա փոխարեն որոշակի բաժնեմաս ստանալով «Открытие холдинг»-ում (չափը դեռ հայտնի չէ)։

Գործարքի արդյունքում կձեւավորվի իր ակտիվներով երկրի խոշորագույն մասնավոր ֆինանսական կառույցը (4-5 տրլն ռուբլի)։

Խաչատուրովը «Ռոսգոսստրախից» հեռացել է այս տարվա տարվա հունիսի վերջին, սակայն «Открытие»-ի թիմը ընկերության կառավարմանը փաստացի մասնակցում էր արդեն գարնանից՝ միաժամանակ ուսումնասիրելով ընկերության ակտիվները։

«Ռոսգոսստրախը» եւ «Открытие холдинг»-ը մեկնաբանություններից հրաժարվել են։ Սակայն Vedomosti-ի աղբյուրը տեղեկացրել է, որ «РГС-холдинг», «РГС-активы» եւ «РГСН»  ընկերությունները ձեռք կբերվեն նվազագույն գնով. այն կարող է տատանվել 1 ռուբլուց մինչեւ մի քանի հազար ռուբլի։

Վադիմ Բելյաեւը Vedomosti-ին հաստատել է, որ «Открытие-информ»-ը իր ընկերությունն է, սակայն հրաժարվել է խոսել պատճառների մասին, թե ինչու է որոշել ընկերությունը վերաձեւակերպել իր անունով։

«Открытие»-ին պատկանող կառույցները արդեն դե-ֆակտո վերահսկում են «Ռոսգոսստրախի» բաժնետոմսերի 50%-ից ավելին. դրանք, ինչպես նշել է վարկանիշային գործակալություններից մեկի փորձագետը, փոխանցվել են որպես գրավ։

«Ռոսգոսստրախի» բաժնետոմսերը մասնատվում եւ մաս-մաս են փոխանցվում «Открытие»-ի հետ փոխկապակցված մարդկանց եւ ընկերություններին հավանաբար այն պատճառով, որ ավելի հեշտ լինի ստանալ հակամենաշնորհային մարմնի եւ կարգավորիչների համաձայնությունը։

ԱՄԵՆԱԿԱՐԴԱՑՎԱԾ ԼՈՒՐԵՐ

Փոքր վարկերի մեծ վտանգը և համակարգային լուծումների պահանջը. ICHD-ի համառոտագիրը

«Վարկ 10 րոպեում», «Վարկ միայն անձնագրով», «Անտոկոս շտապ վարկեր». այսօրինակ գովազդներով լեփ լեցուն են սոցիալական ցանցերն ու կայքերը:

QWERTY ստեղնաշարը ստեղծվել է անգլերեն տեքստը հնարավորինս դանդաղ տպելու համար

Պատճառն այն է, որ առաջին տպամեքենաներ ստեղծողները չէին ենթադրում, թե …

Բարձր վարձատրվող մասնագետը չպետք է ընկալվի որպես հանրության թշնամի․ Վարդան Արամյան (տեսանյութ). Sputnik Armenia

Ըստ Արամյանի` եթե արտագաղթի հետ մեկտեղ տեղի ունենա նաև ուղեղների արտահոսք, սա արդեն լուրջ խնդիր կդառնա երկրի համար։