Մուտք

Invalid username or password

Մոռացե՞լ եք գաղտնաբառը

Դադարեցվել են գործող փորձարկման 5 լաբորիատորիների հավատարմագրումները

Վերադարձ լուրերի բաժին

Հեղինակ

B4B.am

Խորագրեր

Պաշտոնական

20:09 , 24 Մայիս 2017

Տեղական արտադրանքի որակի նկատմամբ վստահության բարձրացման, արտահանման ծավալների ավելացման և շուկայում իրացվող արտադրանքի անվտանգությունը ապահովելու նպատակով՝ առաջնային է պարենային և ոչ պարենային արտադրանքի փորձարկման լաբորատորիաների գործունեությունը և նրանց հավատարմագրումը միջազգայնորեն ընդունված լավագույն գործելակերպին համապատասխանեցնելը։

Գործող օրենսդրության համաձայն, լաբորատորիաները մինչև 2017 թվականը պետք է ամբողջովին ապահովեն ՀՍՏ ԻՍՕ/ԻԷԿ 17025 ստանդարտի պահանջները, մասնավորապես՝ փորձարկման լաբորատորիաների կողմից պետք է իրականացվեն  չափիչ սարքերի ճշգրիտ աշխատանքի ապահովմանն ուղղված ստուգաճշտումներ և անցկացվեն միջլաբորատոր փորձարկումներ, որոնց միջոցով հավաստվում է այդ փարձարկման չափիչ սարքերի ճշգրտությունը:

2017 թվականի մայիսի 15-ի դրությամբ ՀՀ-ում գործում էր 37 փորձարկման լաբորատորիա, այդ թվում` պարենային և ոչ պարենային արտադրանքի, հեռահաղորդակցության միջոցների, համակարգերի և էլեկտրատեխնիկական ապրանքների, գազաբալոնների պարբերական վկայագրման, նավթամթերքի և շինարարական փորձարկման լաբորատորիաներ:

«Հավատարմագրման ազգային մարմին» ՊՈԱԿ-ի կողմից իրականացվում են համապատասխանության գնահատման մարմինների (լաբորատորիաների) պարբերական և արտահերթ գնահատումներ, որոնց արդյունքում վերոգրյալ պահանջներին չհամապատասխանող, ինչպես նաև հավատարմագրման ոլորտից դուրս (առանց համապատասխան կարողությունների) և խախտումով փորձարկումներ իրականացնող լաբորատորիաների հավատարմագրումը դադարեցվում է։

Արդեն իսկ դադարեցվել են գործող 37 լաբորատորիաներից 5-ի, սննդի, ցածր լարման էլեկտրական սարքավորումների և շինանյութի փորձարկման լաբորատորիաների հավատարմագրումները:

Հաշվի առնելով հայկական արտադրանքի անվտանգությունը և արտադրանքի որակի նկատմամբ վստահության կարևորությունը արտահանմանն ուղղված քաղաքականության զարգացման համար ՀՀ տնտեսական զարգացման և ներդրումների նախարարությունը հորդորում է բոլոր փորձարկման լաբորատորիաներին խստորեն հետևել օրենքի պահանջին և միաժամանակ տեղեկացնում, որ ձեռնարկվելու են միջոցառումներ` մինչև 2017 թվականի ավարտը շուկայում բարեխիղճ աշխատող, միջազգային չափանիշներին համապատասխանող, օբյեկտիվ փորձաքննություն իրականացնող լաբորատորիաներ ունենալու համար:

Օրենքով նախատեսվում է նաև արբիտրաժային լաբորատորիայի ինստիտուտի ներդնում: Փորձարկումների վեճերի, տարակարծությունների դեպքում  սպառողները և արտադրողները կարող են դիմել արբիտրաժային լաբորատորիա, որը ռեֆերենտ մեթոդիկայով կիրականացնի փորձաքննություն:

ԱՄԵՆԱԿԱՐԴԱՑՎԱԾ ԼՈՒՐԵՐ

Չինաստանում բացվել է ՀՀ համագործակցության գրասենյակ

Հայ գործարարները հնարավորություն կստանան հիմնելու իրենց ձեռնարկությունների ներկայացուցչությունները

Լևոն Արոնյանի կինը նշանակվել է ՀՀ վարչապետի խորհրդական

ՀՀ վարչապետ Կարեն Կարապետյանի որոշմամբ՝ Արիաննե Բո Կնուպպե Կաոիլիին նշանակվել է ՀՀ վարչապետի խորհրդական

ՊԵԿ-ը պարզաբանում է հիպոթեքային վարկի տոկոսների գումարների չափով վճարված եկամտային հարկի գումարների վերադարձման մասին լուրերը

Վերջին շրջանում հասարակության որոշ խմբերում քննարկվում են ՀՀ ԿԱ պետական եկամուտների կոմիտեի կողմից կիրառվող «Եկամտային հարկի մասին» ՀՀ օրենքի համաձայն հիպոթեքային վարկի սպասարկման համար…