Մուտք

Invalid username or password

Մոռացե՞լ եք գաղտնաբառը

Գրավատների և փոխանակման կետերի աշխատակիցները կրկին բողոքի ակցիա են անցկացնում կառավարության շենքի մոտ

Վերադարձ լուրերի բաժին

Հեղինակ

B4B.am

Խորագրեր

Լուրեր

12:24 , 20 Մարտ 2019

Գրավատների և փոխանակման կետերի աշխատակիցները կառավարության շենքի մոտ բողոքի ակցիա են անցկացնում՝ իրենց դժգոհությունն արտահայտելով «Պետական տուրքի մասին» օրենքում փոփոխությունների սպասվող նախագծով: Նախատեսվում է գրավատների համար տարեկան պետական տուրքը 100 հազար դրամից դարձնել 6 միլիոն, իսկ փոխանակման կետերի համար՝ 50 հազարից 3 միլիոն դրամ:

B4b.am-ի փոխանցմամբ՝ բողոքողներն ընդգծում են, որ օրենքում նախատեսվող փոփոխությունները կյանքի կոչելու դեպքում ոլորտում մենաշնորհ է հաստատվելու, քանի որ գրավատների և փոխանակման կետերի մեծ մասն այդպիսի պայմաններում չեն կարողանալու աշխատել:

Նրանք պահանջում են վարչապետի հետ հանդիպում կամ ակնկալում են, որ վարչապետը որևէ կերպ կարձագանքի խնդրին: Կառավարության շենքի մոտ հավաքված քաղաքացիները հայտնեցին, որ գրավատների և փոխանակման կետերի մի խումբ աշխատակիցներ Ազգային ժողովում իրենց բարձրաձայնած խնդիրների հետ կապված քննարկման են մասնակցում:

ԱԺ-ում տնտեսական հարցերի մշտական հանձնաժողովում տեղի ունեցած շխատանքային քննարկմանը ներկա տնտեսվարողները նշեցին, որ գրավատան պետական տուրքի այդպիսի բարձր չափ սահմանելու դեպքում գրավատները պարզապես կփակվեն, քանի որ ի վիճակի չեն լինելու վճարել այդ գումարները:

Ըտտ tert.am-ի՝ Արժութային դիլերների միության նախագահ Արամայիս Խաչատրյանը նշեց, որ նման դեպքում փոխանակման կետերը չեն կարող համարժեք մրցակցել բանկերի հետ: Ըստ նրա՝ բանկի մասնաճյուղի պետտուրքը 350 000 դրամ է սահմանվել, նախկինում չէր վճարում, գլխամասը 3 մլն էր տալիս, իսկ փոխանակման կետը 50 000 էր: «Հիմա բանկի գլխամասի պետտուրքը սահմանվել է 7 մլն դրամ, իսկ մասնաճյուղինը՝ 350 000 դրամ: Համեմատենք մասնաճյուղը 15 և ավելի գործառույթներ է իրականացնում ու բոլոր գործառույթներից եկամուտներ է ստանում, իսկ փոխանակման կետն ընդամենը բանկայինի մեկ գործառույթն է իրականացնում, հավասար մրցակցություն չի լինի»,-ասաց նա:

«Պետական տուրքի մասին» օրենքում սպասվող փոփոխություններից դժգոհ քաղաքացիները նշում են, որ ցանկանում են հասկանալ, թե ինչ հաշվարկների հիման վրա է որոշում ընդունվել գրավատների և փոխանակման կետերի տարեկան տուրքն այդպես կտրուկ բարձրացնել: Նրանք սպասում են ֆինանսների նախարարության հիմնավորումներին, որոնք, ինչպես պնդում են, մինչև հիմա չեն ստացել:

ՀԱՅԲԻԶՆԵՍԲԱՆԿ. մրցունակ առաջարկներ «Արմենիա Էքսպո 2021»-ի շրջանակներում

Բանկը կարևորում և գնահատում է իր հաճախորդներին:

Հայտարարություն-հերքում Վիվա-ՄՏՍ-ից

Գնորդի համաձայնությամբ՝ վերջինիս նույնականացման դեպքում, Վիվա-ՄՏՍ-ը պատրաստ է ներկայացնել ողջ եղելությունը՝ փաստերով ու ժամկետներով:

Ucom-ում գործում է «Մատչելին՝ զեղչով» առաջարկը

Հավելենք, որ 36 ամսով ապառիկ ձևակերպելու դեպքում գնորդներն առաջին 12 ամսվա ընթացքում կօգտվեն 0% կանխավճարի, 0% սպասարկման վճարի և 0% տարեկան տոկոսադրույքի հնարավորությունից։