Մուտք

Invalid username or password

Մոռացե՞լ եք գաղտնաբառը

Գործարար վարվելակերպի 10 առանցքային կանոնները (նկարներ)

Վերադարձ լուրերի բաժին

Հեղինակ

B4B.am

Խորագրեր

Դայջեսթ

00:01 , 26 Հունիս 2017

«Ես հաճախ տեսնում եմ լավ հագնված, պատվավոր միջոցառումների հաճախող մարդկանց, որոնք չեն կարողանում օգտվել դանակ-պատառաքաղից, անձեռոցիկից, կամ չեն անջատում հեռախոսները խոսնակի ելույթի ժամանակ»-, ասում է «Լավ վարվելակերպ և գոծարար Էթիկետ» գրքի հեղինակ, ոճաբան Ելենա Բերը և ավելացնում՝ կարևոր է իմանալ գործարար վարվելակերպի ամենապարզ չգրված կանոնները:

Այդ կանոնները, ըստ Բերի, ամենևին էլ մտացածին ու ձևական չեն։ Հակառակը՝ դրանք լրիովին տրամաբանական են, պարզեցնում են կյանքը և հեշտացնում շփումը գործընկերների, աշխատակիցների և պարզաապես անծանոթների միջև: Ինչպես սկսել խոսակցությունը երկու անծանոթ մարդկանց միջև, որին առաջին հերթին ներկայացնել մյուսին: Երբ է հարկավոր և երբ հարկավոր չէ սեղմել գործընկերոջ ձեռքը… Սրանք ամենևին էլ մանրուքներ չեն։

«Газета.Ru»-ն մանրամասն դիտարկել է գործարար վարվելակերպի հիմնական կանոնները և ընտրել առանցքային 10-ը, առանց որոնց հնարավոր չէ ոչինչ անել կարերայի աշխարհում:

1. Ինչպես ներկայացնել

Մարդկանց ծանոթացնելիս շատերն են շփոթվում՝ ում առաջինը ներկայացնել։ Սակայն ամեն ինչ շատ ավելի հեշտ կլինի, եթե հիշեք մեկ-երկու կանոն։
Հավասար կարգավիճակում գտնվող մարդկանց ծանոթացնելիս առաջինը ներկայացրեք նրան, ում ավելի լավ եք ճանաչում:

Հաջորդ կարևոր կանոնը՝ տղամարդուն ներկայացնում են կնոջը (այսինքն՝ ասում են տղամարդու անունը)։

Իսկ նույն սեռի մարդկանց ներկայացնելիս՝ ծառայողական կամ տարիքով կրտսեր զրուցակցին պետք է ներկայացնել ավագին։

etiket01

 

2. Հիշել անունները

Բավականին հաճախ հանդիպող տհաճ իրավիճակներից մեկն այն է, երբ մոռացել եք զրուցակցի անունը, որի հետ ձեզ ծանոթացրել են ընդամենը 10 րոպե առաջ։ Դա առավել հաճախ պատահում է այն դեպքում, երբ անունը շատ տարածված է։ Այս խորհուրդները կարող են օգտակար լինել նման իրավիճակներում։

Նախ, ներկայանալիս փորձեք ինչ-որ հետաքրքիր ասոցիացա ներկայացնել ձեր անվան հետ, որպեսզի այն հեշտ հիշվի։ Օրինակ, «Իմ անունը Լեա է, ինչպես «Աստղային պատերազմներ» ֆիլմի արքայադստեր անունը»:

Նույն կերպ, ինքներդ ինչ-որ ասոցիացիա մտածեք՝ զրուցակցի անունը մտապահելու համար։

Եթե ձեր անունը դժվար է արտասանվում, օգնեք զրուցակցին՝ այն ճիշտ արտաբերել։ Իսկ եթե սխալ են արտասանում, ապա նրբանկատորեն և հանգիստ ուղղեք ձեր զրուցակցին:
Չի կարելի մարդուն ասել՝ ինչ անսովոր անուն ունեք։

Եթե, ամեն դեպքում, մոռացել եք զրուցակցի անունը, նրբանկատ կերպով փորձեք կրկին հարցնել, օրինակ այսպես. «Ներեցեք, ես վերջին ժամանակներս շատ մոռացկոտ եմ դարձել, չե՞ք կարող ինձ հիշեցնել ձեր անունը»:

etiket02

————————————

Ձեզ կարող են հետաքրքրել նաև այս նյութերը

«Լիվա՞յս», թե՞ «Լևիս», «Նա՞յք», թե՞ «Նայքի». ինչպես ճիշտ արտասանել հայտնի բրենդերը

Քանի հարուստ կա Հայաստանում

————————————

3. Չլինել ավելի մոտ, քան պետք է

Ժամանակակից աշխարհում ընդունված է պահպանել, այսպես կոչված, «սոցիալապես ընդունելի տարածությունը»՝ 50սմ։ Զրուցակցին այդ տարածությունից ավելի մոտենալը անթույլատրելի է։

Չի կարելի նաև խոսակցության ժամանակ հայացքը սևեռել զրուցակցի վրա կամ խոնարհվել նրա ուղղությամբ:

Մի թեքեք գլուխը կողքի վրա, եթե, իհարկե, չեք պատրաստվում սիրախաղ սկսել:

etiket03

4. Այդ կարևոր այցեքարտը

Կարծում ենք՝ ավելորդ է ասել, որ ցանկացած գործարար իր մոտ միշտ պետք է այցեքարտ ունենա։ Սակայն միայն ունենալը բավարար չէ, այցեքարտերով փոխանակվելիս պետք է հիշել մի քանի կարևոր բան։

Փորձեք խուսափել այցեքարտի վրա մի սրամիտ բաներ գրելուց (օրինակ՝ «Բիզնեսի աստվածուհի»)։ Ոչ բոլորը կարող են հասկանալ ձեր հումորը։

Չի կարելի այցեքարտը փոխանցել ձախ ձեռքով, նույնիսկ եթե դուք ձախլիկ եք։ Միայն աջով:

Տիրոջ ներկայությամբ պետք չէ այցեքարտը դնել տաբատի հետևի գրպանը կամ որտեղ պատահի, առավելևս՝ մի ճմռթել այն:

etiket04

5. Ինչպես նստել

Այս հարցում ամենակարևորը հարգալից վերաբերմունքն է այլոց անձնական տարածքի հանդեպ. ձեր և զրուցակցի միջև տարածությունը պետք է լինի ձեր պարզած ձեռքի երկարության չափով:

Ճիշտ հեռավորությունը պահպանելը կարևոր է նաև նրանով, որ գործնական շփման ժամանակ չպետք է գոռալ կամ հակառակը՝ խոսել շշուկով:

Նստելով՝ սեղմեք ոտքերը։ Դա կարելի է անել ուղիղ դիրքով կամ թեթևակի թեքել կողքի վրա։

Եթե այս պայմանականությունները ձեր սրտով չեն, և նստելու հետ կապված խիստ կանոններին չեք ցանկանում հետևել, թերևս ավելի լավ կլինի գործընկերներին հրավիրել հարցերը քննարկել, ասենք, չինական թեյարանում, որտեղ բոլորը ոտաբոբիկ են։

etiket05

6. Ափերից դուրս մի եկեք

Զգացմունքային մարդիկ աշխատանքային հարաբերություններում կարող են կորցնել ինքնատիրապետումը և բղավել աշխատակիցների կամ գործընկերների վրա։ Դա, իհարկե, անընդունելի է՝ անկախ նրանից, ինչ սխալ է արել դիմացինը։

Հարկավոր է պարզապես հիշել մի պարզ ճշմարտություն. ցանկացած քննադատության նպատակն է կանխարգելել աշխատանքային խափանումները, այլ ոչ թե ստորացնել աշխատակցին կամ ցուցադել սեփական իշխանությունը:

etiket06

7. Հյուրեր

Եթե ցանկանում եք, որ ձեր գրասենյակ այցելած հյուրն իրեն անկաշկանդ զգա, և միևնույն ժամանակ՝ խոսակցությունը օտար ականջների համար չէ, ապա ամենահարմար վայրը թերևս տնօրենի հանգստի սենյակն է` բազկաթոռներով, բազմոցով և գրասեղանով:

Իհարկե, մինչ այդ պետք է ստուգել՝ արդյոք որևէ մեկը քնած չէ՞ տնօրենի բազմոցի վրա։

Հիշեք նաև, որ հյուրը պետք է նստի ձեր աջ կողմում։

etiket07

8. Կիրթ խոսելը կարևոր է

Ընդհանրապես, ժարգոնային բառերն ու արտահայտությունները վկայում են խոսակցի հանդեպ անհարգալից վերաբերմունքի մասին։ Խուսափեք դրանցից։

Վատ տպավորություն են թողնում նաև արտասանության սխալ շեշտադրումները կամ բառերի անհարկի գործածումը՝ սխալ նշանակությամբ: Այնպես որ, օգտագործեք բառեր, որոնց իմաստը 100%-ով վստահ եք, որ գիտեք։

Իհարկե, «դու տապալեցիր ամբողջ նախագիծը» ամենափողոցային արտահայտությունը չէ, բայց պետք չէ այդ կերպ կոպիտ։ Ինչպես ասում են՝ զսպվածություն և կրկին զսպվածություն:

etiket08

9. Հաճոյախոսություններ

Հաճոյախոսություն ընդունելու ունակությունը ոչ պակաս կարևոր է, քան հաճոյախոսություն անելու։

Երբ հաճոյախոսություն եք լսում ձեր հասցեին, ավելորդ համեստություն մի ցուցաբերեք։ Պետք չէ նաև կաշկանդվել կամ սրամտել։ Պարզապես կարճ շնորհակալություն հայտնեք ձեր զրուցակցին՝ հաճոյախոության համար:

etiket09

10. Հանգիստ թողեք սմարթֆոնը

Հեռախոսներն այսօր այն աստիճանի են ներթափանցել մեր կենցաղ, որ հարկ է դրանց առանձին անդրադառնալ՝ գործարար շփման կանոնների տեսանկյունից։

Նախ ամենակարևորը՝ մի խոսեք հեռախոսով գործնական հանդիպման ժամանակ։ Դա ստիպում է շրջապատին մտածել, որ դուք ունեք ավելի կարևոր գործեր, քան այդ հանդիպումն է:

Ձեր հեռախոսով մի լուսանկարեք մարդկանց, ովքեր չեն ցանկանում լուսանկարվել:

Ավելին, պետք չէ այդ լուսանկարները տարածել սոցիալական ցանցերում կամ առանց թույլտվության նշել, թե որտեղ եք այդ պահին գտնվում տվյալ անձնավորության հետ։

Ի դեպ, ընկերական շրջապատներում սկսել է գործել մի չգրված օրենք։ Ընկերական հավաքի ժամանակ ով առաջինը վերցնում է հեռախոսը, որպեսզի արագ մուտք գործի սոցիալական ցանցերը, նա էլ վճարում է բոլորի համար: Չի բացառվում, որ այս կանոնը առաջիկայում սկսի գործածվել նաև գործարար էթիկետում։ Որովհետև՝ չկա այնպիսի շտապ նորություն, որն արդարացնի ձեր անուշադրությունը զրուցակցի կամ գործընկերոջ նկատմամբ:

Եվ վերջում՝ մի օգտվեք հեռախոսից, երբ ղեկին եք։ Սա ավելի շատ ձեր իսկ անվտանգության համար է։

etiket10

ԱՄԵՆԱԿԱՐԴԱՑՎԱԾ ԼՈՒՐԵՐ

Forbes-ը հրապարակել է տարվա ամենաբարձր վճարվող երգչուհիների ցանկը

Forbes հանդեսը կազմել է ամենաբարձր վճարվող երգչուհիների 2017 թվականի վարկանիշը

Ինչպե՞ս հանդիպել այն տնօրեններին, ում ոչ մի կերպ չեք կարողանում զանգել

Հերթական հետաքրքիր գրառումը Վահագն Դիլբարյանից։

Ինչպես աշխատանքի չընդունվելը դարձավ մեծագույն հաջողության մեկնակետ. PayPal-ի համահիմնադրի հուշերից

2004 թվականին, երբ ստեղծել ու արդեն վաճառել, էի PayPal-ը, ես հանդիպեցի այն մարդուն, ով ինձ հրավիրել էր հարցազրույցի ու չէր ընդունել Վերին ատյանի դատարան