Մուտք

Invalid username or password

Մոռացե՞լ եք գաղտնաբառը

Գործազրկության մակարդակը Հայաստանում նվազել է. ԱՎԾ

Վերադարձ լուրերի բաժին

18:22 , 04 Փետրվար 2016

ՀՀ ԱՎԾ աշխատակազմի Աշխատանքի վիճակագրության բաժնի պետ Լուսինե Քալանթարյանն այսօր լրագրողների հետ հանդիպման ժամանակ ներկայացրեց աշխատանքի շուկայում զբաղվածության ցուցանիշները` 2015թ.-ի 3-րդ եռամսյակի տվյալներով: Նշենք, որ ներկայացվող վիճակագրական ցուցանիշների աղբյուրը տնային տնտեսություններում իրականացվող աշխատուժի հետազոտությունն է: Տվյալները հիմնված են հանրապետության 15-75 տարեկան առկա բնակչության պատասխանների վրա:

Այսպես, ըստ ԱՎԾ-ի գնահատականների` 2015թ.-ի 3-րդ եռամսյակի տվյալներով` Հայաստանի աշխատանքային ռեսուրսը կազմել է 2.1 մլն մարդ: Պետք է նշել, որ նախորդ եռամսյակի նկատմամբ այդ ցուցանիշը նվազել է 2.9 տոկոսային կետով:

Ըստ 3-րդ եռամսյակի տվյալների` գործազուրկների թվաքանակը կազմել է 220 հազար մարդ, որը նախորդ եռամսյակի համեմատ նվազել է 9 տոկոսային կետով, իսկ  2014թ.-ի նույն եռամսյակի համեմատ` 8 տոկոսային կետով: Ըստ բանախոսի՝ եթե դիտարկենք կին-տղամարդ հարաբերակցությունը, ապա գործազուրկների 56%-ը կազմել են կանայք և 44%-ը` տղամարդիկ: Քաղաք-գյուղ հարաբերակցության մեջ տարբերությունը շատ ավելի մեծ է. գործազուրկների 88%-ը քաղաքում են, և ընդամենը 22%-ը` գյուղական բնակավայրերում:

«2015թ.-ի 3-րդ եռամսյակին գործազրկության մակարդակը ՀՀ-ում կազմել է 16.6%: Ասեմ, որ թվարկված բոլոր այս ցուցանիշների մասով նախորդ եռամսյակի համեմատ գործազրկությունը նվազել է, և դրա ամենապարզ հիմնավորումն այն է, որ 3-րդ եռամսյակում շուկայում որոշակի ակտիվություն է արձանագրվում զբաղվածության առումով. գյուղատնտեսությունն է ակտիվանում, սեզոնային գործունեության տեսակներ կան, որ նույնպես տվյալ ժամանակահատվածում են ակտիվանում և այլն:

Նշեմ նաև, որ եթե 2014թ.-ին միջին տարեկան տվյալը կազմել է 242 հազար 100 գործազուրկ, ապա արդեն 3-րդ եռամսյակում` 219 հազար 700 մարդ, այսինքն` թվի նվազում է դիտվել: 2014թ.-ի տվյալներով` զբաղվածները կազմել են 1 մլն 133 հազար, իսկ 2015թ.-ի 3-րդ եռամսյակի տվյալներով` 1 մլն 105 հազար մարդ, այսինքն` մոտ 52%-ը կազմում են զբաղվածները: Իհարկե, այս պահի դրությամբ սրանք շատ համեմատելի տվյալներ չեն, որովհետև մենք համեմատում ենք տարին 3-րդ եռամսյակի հետ: Բայց երբ ամբողջ տարվա արդյունքները լինեն, արդեն հնարավոր կլինի ստույգ համեմատական վերլուծություն իրականացնել: Իսկ ինչ վերաբերում է ամբողջ տարվա նախնական տվյալներին, ապա դրանք կհրապարակվեն մարտ ամսվա վերջին աշխատանքային օրը»,- ասաց Լուսինե Քալանթրյանը:

Անդրադառնալով նաև զբաղմունքի տեսակներին` նա նշեց, որ ամենամեծ խումբը կազմում են բոլոր տեսակի բարձր որակավորում ունեցող բանվորական մասնագիտությունները` մոտ 50%: Նրանց հաջորդում են բարձր որակավորում ունեցող մասնագետները` 15.1%, սպասարկման ոլորտի աշխատողները` մոտ 10%, և 6.7% էլ կազմում են բոլոր մակարդակների ղեկավարները:

 

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: