Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: Գյումրիում ընդարձակ գործառույթներ ունեցող մաքսային կայանի կառուցման նախագծային գործընթացը մեկնարկել է. ՀՀ վարչապետ

Վերադարձ լուրերի բաժին

00:43 , 20 Հունիս 2019

Գյումրիում կկառուցվի ընդարձակ գործառույթներ ունեցող մաքսային կայան՝ արտաքին տնտեսական գործունեության կենտրոն: Նախագծային գործընթացն արդեն սկսված է: Այս մասին ԱԺ-ում կառավարության անդամների հետ հարց ու պատասխանի ժամանակ հայտնեց ՀՀ վարչապետ Նիկոլ Փաշինյանը՝ պատասխանելով Լուսավոր Հայաստան խմբակցության պատգամավոր Մանե Թանդիլյանի հարցին:

Թանդիլյանը հիշեց, որ Նիկոլ Փաշինյանը Երևանի ավտոմաքսատանը հանձնարարական էր տվել, որ ավտոմաքսատունը տեղափոխվի Գյումրի: Պատգամավորը հետաքրքրվեց, թե արդյոք կա հաստատված գործողությունների պլան և երբ է վերջնաժամկետը:

Փաշինյանը նախ նշեց, որ ցանկացած հանձնարարական և գաղափար կյանքի կոչվելու համար որոշակի ընթացակարգեր և ժամանակ է պահանջում: «Երեկ մենք կառավարությունում քննարկել ենք ՊԵԿ-ի ռազմավարությունը, և դրա մեջ տեղ ունի արտաքին տնտեսական գործունեության կենտրոններ բացելու գաղափար: Կոնկրետ Գյումրիում արդեն տարածքն ընտրվել է, թե այն որտեղ է գտնվելու: Եվ այնտեղ, ըստ ամենայնի, շատ ավելի ընդարձակ գործառույթներ ունեցող մաքսային կայան կկառուցվի, որը մենք կոչում ենք արտաքին տնտեսական գործունեության կենտրոն»,-ասաց վարչապետը:

Նրա խոսքով՝ քննարկված ռազմավարությամբ նախատեսվում է Գյումրիից բացի այդպիսի մի կենտրոն ունենալ նաև Սիսիանում: Եվ գաղափարն այն է, որ դրանք երկուսը տեղակայված լինեն Հյուսիս-հարավ ճանապարհին զուգահեռ: Եվ այդ գործընթացն ընթացքի մեջ է: Վարչապետը վստահեցրեց, որ դա հնարավորինս արագ կյանքի կկոչվի: «Ոչ թե ուղղակի մաքսատունը տեղափոխվում է, այլ հսկայական շինարարություն է իրականացվելու: Հույս ունեմ, որ մենք չենք մտածում, որ այն նույն վիճակը, որն ունենք Նորագավիթի ավտոմաքսատանը, նույնը պետք է տեղափոխենք Գյումրի: Այսինքն` պետք է լուրջ ներդրումներ արվեն, և նախագծային գործընթացն արդեն սկսված է »,-ասաց վարչապետը:

Մանե Թանդիլյանը նշեց, որ ուզում է կոնկրետ ժամկետներ լսել: Փաշինյանը տեղեկացրեց, որ ռազմավարության մեջ կա կոնկրետ միջոցառումների ցանկ, և երեկ դա քննարկելիս առաջարկություն է եղել, որ միջոցառումներից յուրաքանչյուրի կողքին դրվեն վերջնաժամկետները: Եվ երբ դրանք կդրվեն, այդ ծրագիրը նախատեսվում է ընդունել կառավարության նիստում հրապարակային: Վարչապետն առաջարկեց չստեղծել միջավայր, որ քաղաքական ուժերը, կառավարությունը վախենան գաղափարներ, հանձնարարականներ բարձրաձայնելուց, որ բոլորը չմտածեն, թե հայտարարելու հաջորդ օրն անմիջապես պետք է դա արվի:

ԱՄԵՆԱԿԱՐԴԱՑՎԱԾ ԼՈՒՐԵՐ

Այս տարի նվազել է առաջին անգամ Եմ երկրներում ապաստն հայցած ՀՀ քաղաքացիների թիվը

Անցած երեք տարիներին առաջին անգամ այդ թիվը 2000-ից պակաս է եղել:

Արմեն Սարգսյանն ընդունել է HSBC բանկի միջազգային հարցերով գործադիր տնօրենին

Քրիստոֆեր Դեյվիսն իր հերթին նշել է, որ HSBC-ն Հայաստանում ներդրել է լավագույն չափանիշները, և բանկի հայաստանյան թիմը համարվում է ամենապատրաստվածներից մեկը: