Մուտք

Invalid username or password

Մոռացե՞լ եք գաղտնաբառը

Գյումրիում բացվելու է Եվրամիության տուն

Վերադարձ լուրերի բաժին

Հեղինակ

B4B.am

Խորագրեր

Լուրեր

20:49 , 09 Փետրվար 2019

Եվրամիության անդամ պետությունների սովորույթները, ավանդույթն ու մշակույթը այսուհետ կներկայացվեն գյումրեցի երիտասարդներին: Փետրվարի 9-ին Գյումրիում մեկնարկեց «EU at LOFT in Gyumri» ծրագիրը մեկնարկը: «Արմենպրես»-ը տեղեկացնում է, որ ծրագրի մեկնարկն ազդարարող միջոցառմանը ներկա էին Հայաստանում Եվրոպական միության պատվիրակության ղեկավար դեսպան Պյոտր Սվիտալսկին, Շիրակի մարզպետ Տիգրան Պետրոսյանը, Գյումրիի փոխքաղաքապետ Ռուբեն Սանոյանը:

Պյոտր Սվիտալսկին նշեց, որ անչափ ուրախ է հատկապես Գյումրիում ծրագիրը իրականացնելու համար: «Գյումրին ամենաեվրոպամետ քաղաքն է: Սա Հայաստանում միակ քաղաքն է, որն ունի «Եվրոպայի» հրապարակ: Սա շատ լավ նախաձեռնություն է, և դրա համար ծրագրին աջակցելու պատրատակամություն հայտնեցինք»,-նշեց դեսպանը՝ անկեղծանալով, որ ցանկություն կա Գյումրիում բացել նաև «Եվրամիության տուն»: «Գյումրիում Եվրամիության տան ստեղծման ծրագիրը մեր 2019 թվականի գործողությունների մեջ է: Այս գաղտնիքն առաջին անգամ եմ բացահայտում, ու մինչ այս ծրագիրը կյանքի, կկոչվի, EU at LOFT in Gyumri-ն այս ծրագրի «նախապատրաստում կլինի»,-նշեց ՀՀ-ում ԵՄ դեսպանը:

«Լոֆթ Գյումրի»-ի գործադիր տնօրեն Ամալյա Թումասյանը տեղեկացրեց, որ յուրաքանչյուր երկրի համար կազմակերպվելու են տարբեր միջոցառումներ՝ հաշվի առնելով վերջինների առանձնահատկությունները: «Կներկայացվի խոհանոցը, կկազմակերպվեն ազգային խոհանոցի վարպետության դասեր, կկազմակերպվի ազգային երգ ու պարի ուսուցում և այլ: Սա երիտասարդական ծրագիր է, որի նպատակն է աջակցել և ներգրավել գյումրեցի երիտասարդներին ավելի իրազեկվելու Եվրոպական միության ու ԵՄ անդամ երկրների մասին»,-նշեց Ամալյա Թումասյանը:

Ծրագրի պաշտոնական բացումից հետո Եվրամիության անդամ պետությունների հայտնի երգերը ներկայացվեցին երիտասարդների կատարմամբ:

ԱՄԵՆԱԿԱՐԴԱՑՎԱԾ ԼՈՒՐԵՐ

Տիգրան Խաչատրյանը և ՀԲ թիմը քննարկել են «Առևտրի խթանում և որակի ենթակառուցվածք» ծրագրի ընթացքը

Համաշխարհային բանկի ներկայացուցիչները նախարար Խաչատրյանի հետ քննարկել են նաև արտահանման խթանման միջոցառումների և ներդրումների աջակցման պետական իրավասու մարմինների գործունեությունը և առաջիկա ծրագրերը:

Վրաստանի պատվիրակությունը ծանոթացել է Պետական եկամուտների կոմիտեում կիրառվող տեղեկատվական համակարգերին

Հյուրերին տպավորել են Պետական եկամուտների կոմիտեի կողմից կիրառվող տեղեկատվական համակարգերն ու լուծումները: