Մուտք

Invalid username or password

Մոռացե՞լ եք գաղտնաբառը

Գյուղատնտեսությունն ունի ցածր արտադրողականություն

Վերադարձ լուրերի բաժին

14:42 , 10 Հունիս 2020

Հայաստանում գյուղատնտեսությունը տնտեսության մյուս ոլորտների համեմատ շարունակում է ցածր արտադրողականություն ունենալ, պետությունն արտադրողականությունը բարձրացնելու ուղղությամբ շարունակում է խթանող քաղաքականությունը: Այդ մասին ասաց ՀՀ էկոնոմիկայի նախարար Տիգրան Խաչատրյանը՝ ՀՀ ԱԺ մշտական հանձնաժողովների համատեղ նիստում «Հայաստանի Հանրապետության 2019թ. պետական բյուջեի կատարման մասին» տարեկան հաշվետվության` եկամուտների և ծախսերի կատարողականի նախնական քննարկմանը:

«2019-ին տնտեսության միակ ոլորտը, որտեղ ունեինք տնտեսական ակտիվության նվազում, գյուղատնտեսությունն էր: Ունեցել ենք մոտ 4 տոկոս նվազում՝ 2018-ի համեմատությամբ, ընդ որում նվազումն արձանագրվել է թե բուսաբուծության, թե անասնաբուծության բնագավառներում: Գյուղատնտեսությունը տնտեսության այն ոլորտն է, որտեղ այսօր ունենք դեռևս ամենաընդգծված ձևով տարբերվող ցածր արտադրողականությունը՝ տնտեսության մյուս ոլորտների համեմատությամբ: Եվ, բնականաբար, կառավարության կողմից իրականացվող բոլոր ծրագրերը և այն միջոցառումները, որոնք ֆինանսավորվել են պետական բյուջեով, իրենց հիմքում ունեն քաղաքական այն նպատակը, որ տնտեսությունները ֆինանսական միջոցների ներգրավումը օգտագործեն արտադրողականությունը բարձրացնելու, արդյունավետ գյուղատնտեսություն վարելու նպատակով»,-ասաց նախարարը:

Նա վստահեցերց՝ մնացած ծրագրերը ևս ուղղված են այդ նպատակին: Դրանք կամ անհատական ներդրումային ծրագեր են, կամ էլ բարելավում են ենթակառուցվածքները, որ գյուղատնտեսական գործունեությամբ զբաղվող տնտեսություններն ունենան ավելի բարենպաստ միջավայր՝ արդյունավետ գյուղատնտեսություն վարելու համար: Կա, օրինակ՝ գյուղատնտեսության խթանման ծրագիր, դրա բյուջեն 2019-ին կազմել է 3.6 մլրդ դրամ, փաստացի օգտագործվել է 3 մլրդ 116 մլն դրամ: Այն ներառել է գյուղատնտեսության ոլորտում տրամադրվող վարկերի սուբսիդավորում, եղել են 8 841 վարկառուներ:

2019-ին պետբյուջեով Էկոնոմիկայի նախարարության մասով նախատեսված էր 21,7 մլրդ դրամ ֆինանսավորում, որից 12,8 մլրդ դրամը գյուղատնտեսության ոլորտում իրականացվող ծրագրերի մասն էր: 12, 8 մլրդը միայն ծրագրային ֆինանսավորման թվերն են: Ծրագրերի իրականացման նպատակով փաստացի օգտագործված ֆինանսավորումը կազմել է 8,2 մլրդ դրամ, որը պլանային ցուցանիշի 63,6 տոկոսն է:

Արմենպրես

Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը

Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։

Նոր տուն՝ նոր հույսերով

2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:

Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք

Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին: