Մուտք

Invalid username or password

Մոռացե՞լ եք գաղտնաբառը

ԳԾԱՊԱՏԿԵՐ: Համաշխարհային տնտեսության աճը 2019 թ. ընթացքում շարունակվել է ավելի ցածր տեմպերով

Վերադարձ լուրերի բաժին

«Համաշխարհային տնտեսության աճը 2019 թ. ընթացքում, նախորդ տարվա համեմատությամբ, շարունակվել է ավելի ցածր տեմպերով»,-նշված է Կենտրոնական բանկի՝ 2019 թ. առաջին կիսամյակի ֆինանսակայն կայունության հաշվետվության մեջ: Ըստ փաստաթղթի՝ համաշխարհային տնտեսության վերականգնման դանդաղումը հիմնականում պայմանավորված է եղել մի շարք առանցքային զարգացած երկրներում առկա հիմնախնդիրներով, ինչպես նաև զարգացող երկրներում տնտեսական աճի դանդաղ տեմպերով: Միևնույն ժամանակ, մասնագետների խոսքվ՝ կարճաժամկետ և միջնաժամկետ հեռանկարների համար գերակշռել են նվազման ուղղությամբ ռիսկերը: Առավել ընդգծված են եղել միջազգային առևտրային հարաբերություններում լարվածությունը, թույլ ներդրումային միջավայրը ու միջազգային ֆինանսական շուկաներում տատանողականության աճի դրսևորումները։

Կիսամյակի ընթացքում համաշխարհային տնտեսական աճի միտումը պահպանվել է, թեև նվազման ուղղությամբ ռիսկերը շարունակել են շոշափելի մնալ: Ըստ ԱՄՀ կանխատեսումների՝ 2019 թ. համաշխարհային տնտեսական աճը կկազմի 3.2% (2018 թ. տնտեսական աճը` 3.6%):

World_Economy_Growth_2012-2019_CBA
«2019 թվականին և՛ զարգացած, և՛ զարգացող երկրներում տնտեսական աճի տեմպերը կզիջեն նախորդ տարվա ցուցանիշներին՝ համապատասխանաբար կազմելով 1.9% և 4.1% (2018 թ.` 2.2% և 4.5%)»,- նշված է ՀՀ ԿԲ հաշվետվության մեջ: ԱՄՀ բոլոր կանխատեսումներն ու գնահատումները Կենտրոնական բանկի փորձագետները վերցրել են “World economic outlook update, July 2019” պարբերականից:

World_Oil_Brent_Price_2012-2019_CB

Համաշխարհային տնտեսությունում ակտիվության դանդաղման ներքո և նավթի գների նվազման պայմաններում կիսամյակի ընթացքում ձևավորվել է առավել թույլ գնաճային միջավայր: Զարգացած երկրներում 2019 թ. գնաճը ԱՄՀ-ն գնահատում է 1.6%, իսկ զարգացող երկրներում` 4.8%: Գնաճային ճնշումները, տնտեսական ակտիվության ներկա միտումների պահպանման պայմաններում, առաջիկայում կշարունակեն թույլ մնալ:

ԱՄԵՆԱԿԱՐԴԱՑՎԱԾ ԼՈՒՐԵՐ

Վարչապետը վերահաստատել է Հայաստանի ակտիվ համագործակցության պատրաստակամությունը՝ ի նպաստ ԵԱՏՄ հետագա զարգացման

Նիստի ընթացքում քննարկվել են եվրասիական ինտեգրման հարցերի լայն շրջանակ՝ առևտրի, ներքին շուկայի գործունեության, մրցակցության, արդյունաբերության, տեխնիկական կարգավորման և այլ ոլորտներին վերաբերող թեմաներ:

Հայաստանի տնտեսական աճի կանխատեսումները վատթարացել են

Ասիական զարգացման բանկը կանխատեսել է ՀՆԱ մինչև 4 տոկոս անկում:

Տեսանյութ: Օտարերկրյա ներդրումները ներկա իշխանության աքիլեսյան գարշապարն են

Տնտեսագետ Հայկազ Ֆանյանը կառավարության հակաճգնաժամային միջոցառումներից մի քանիսը, այդուամենայնիվ, համարում է ճիշտ ժամանակին ընդունված: