Մուտք

Invalid username or password

Մոռացե՞լ եք գաղտնաբառը

«Գլոբալ կրեդիտը» դարձավ անվանական արժեկտրոնային պարտատոմսերի թողարկող առաջին ընկերությունը

Վերադարձ լուրերի բաժին

13:38 , 13 Նոյեմբեր 2015

Այսօր՝ նոյեմբերի 13-ին, «NASDAQ OMX Armenia» ֆոնդային բորսայում հայտարարվեց «ԳԼՈԲԱԼ ԿՐԵԴԻՏ» ՈՒՎԿ ՓԲԸ-ի անվանական արժեկտրոնային պարտատոմսերի թողարկման մասին: Կազմակերպության Խորհրդի նախագահ Էդուարդ Մարությանը ներկայացնելով թողարկման նպատակները և հետագա ծրագրերը՝ նշեց, որ «ԳԼՈԲԱԼ ԿՐԵԴԻՏ» ունիվերսալ վարկային կազմակերպությունը ՀՀ ֆինանսական շուկայում գործող մասնավոր վարկային կազմակերպություններից առաջինն է, որն իր ծառայությունների նկատմամբ աճող պահանջարկը բավարարելու նպատակով իրականացնում է պարտատոմսերի հրապարակային տեղաբաշխում:

Այս կերպ «ԳԼՈԲԱԼ ԿՐԵԴԻՏ» ՈՒՎԿ ՓԲԸ-ն հնարավորություն է ընձեռում իրականացնել փոխշահավետ ներդրում և առավել արդյունավետ տեղաբաշխել ֆինանսական միջոցները: Ընկերության պարտատոմսերի թողարկման և տեղաբաշխման արդյունքում ներգրավված միջոցներն օգտագործվելու են ֆինանսական ծառայությունների ծավալների ավելացման, այդ թվում՝ նոր վարկատեսակների մշակման ու ներդրման, ինպես նաև կազմակերպության գործունեության աշխարհագրության ընդլայնման ուղղությամբ:

«ԳԼՈԲԱԼ ԿՐԵԴԻՏ» ՈՒՎԿ ՓԲԸ-ի գործադիր տնօրեն Լուիզա Իգրարյանն, անդրադառնալով ընկերությանը և թողարկվող պարտատոմսերին նշեց, որ կազմակերպությունն իր հաճախորդներին տարբեր ոլորտներում ֆինանսական ծառայություններ մատուցող, Հայաստանի ֆինանսական շուկայում ակտիվ գործունեություն ծավալող և աճի կայուն դինամիկա ունեցող ընկերություններից է, որն ակտիվների մեծությամբ ընդգրկված է 5 խոշոր մասնավոր վարկային ընկերությունների ցանկում:

Գործադիր տնօրենը նշեց նաև, որ պարտատոմսերի թողարկումն իրականացվելու է երկու տրանշով. առաջին տրանշով կտեղաբաշխվի 10.000 հատ անվանական արժեկտրոնային պարտատոմս՝ 1,000,000 ԱՄՆ դոլար ընդհանուր ծավալով, մեկ պարտատոմսը 100 ԱՄՆ դոլար անվանական արժեքով, 9.5% տարեկան ֆիքսված տոկոսադրույքով, 24 ամիս շրջանառության ժամկետով՝ վճարումները կիրականացվեն կիսամյակային պարբերականությամբ: Երկրորդ տրանշով կտեղաբաշխվի 10,000 հատ անվանական արժեկտրոնային պարտատոմս՝ 100,000,000 ՀՀ դրամ ծավալով, 10,000 ՀՀ դրամ անվանական արժեքով, 15% տարեկան ֆիքսված տոկոսադրույքով՝ եռամսյակային պարբերական վճարումներով և 12 ամիս շրջանառության ժամկետով:

Պարտատոմսերի տեղաբաշխող հանդիսացող «ՌԵՆԵՍԱ» ՓԲԸ-ի գործադիր տնօրեն Վաղինակ Սարոյանն իր խոսքում անդրադառնալով տեղաբաշխման պայմաններին և առանձնահատկություններին, տեղեկացրեց որ պարտատոմսերը տեղաբաշխվելու են նոյեմբերի 17-ին «ՆԱՍԴԱՔ ՕԷՄԷՔՍ Արմենիա» ԲԲԸ-ի առաջնային տեղաբաշխման հարթակում՝ ստանդարտ փակ (եվրոպական) մեկանգամյա աճուրդի անցկացման միջոցով: «ՌԵՆԵՍԱ» ՓԲԸ-ն հանդես է գալիս որպես տեղաբաշխող, իսկ «ՆԱՍԴԱՔ ՕԷՄԷՔՍ Արմենիա» ֆոնդային բորսայում պարտատոմսերի ցուցակումից հետո կիրականացնի նաև ամենօրյա գնանշումներ՝ պարտատոմսերի իրացվելիությունն ապահովելու նպատակով (շուկա ստեղծողի գործառույթներ): Պարտատոմսերը կարող են ձեռք բերել ինչպես ֆիզիկական անձինք, այնպես էլ անհատ ձեռնարկատերերն ու իրավաբանական անձինք:

Պարտատոմսերի տեղաբաշխմանը մասնակցել ցանկացողները կարող են դիմել «ՆԱՍԴԱՔ ՕԷՄԷՔՍ Արմենիա» ԲԲԸ ֆոնդային բորսայի անդամ հանդիսացող ընկերություններին, ինչպես նաև պետք է նախապես դիմեն «Հայաստանի Կենտրոնական Դեպոզիտարիա» ԲԲԸ-ի հաշվի օպերատորներին՝ նրանց միջոցով արժեթղթերի դեպո հաշիվների բացման և սպասարկման համար: Պարտատոմսեր ձեռք բերող անձը, դոլարային և դրամային բանկային հաշիվ չունենալու դեպքում, նախքան ներդրում իրականացնելը, պետք է ցանկացած բանկում իր անվամբ բացի համապատասխան հաշիվ:

ԱՄԵՆԱԿԱՐԴԱՑՎԱԾ ԼՈՒՐԵՐ

Սեպտեմբերին արտահանումը նվազել է, ներմուծումը՝ աճել

Այս տարվա սեպտեմբերին՝ նախորդ տարվա սեպտեմբերի համեմատությամբ արտաքին առևտրաշրջանառության ծավալը նվազել է 3.6%-ով և կազմել 583.5 մլն դոլար։

NASDAQ OMX Armenia-ի  կողմից ՎՏԲ-Հայաստան Բանկը հաղթող է ճանաչվել «Բորսայի լավագույն անդամ» անվանակարգում

«ՎՏԲ-Հայաստան Բանկ» ՓԲԸ-ին շնորհվել է «Բորսայի լավագույն անդամ արտարժույթի շուկայում 2017» մրցանակը

ՀՀ արտահանողներն ու արտադրողներն ապրանքները ռուսական սուպերմարկետներին կմատակարարեն առանց միջնորդների. Արտակ Շաբոյան

«Այսօրվա դրությամբ որոշ արտահանողներ արդեն իսկ ռուսական սուպերմարկետների հետ առանց միջնորդների համագործակցում են, սակայն անհրաժեշտ է այնպես անել, որ նրանց թիվը մեծանա