Մուտք

Invalid username or password

Մոռացե՞լ եք գաղտնաբառը

Գերխոշոր հարկատուները. Գրանդ Տոբակոն մոտենում է Գազպրոմ Արմենիային

Վերադարձ լուրերի բաժին

00:01 , 05 Փետրվար 2018

ՀՀ Պետական եկամուտների կոմիտեն հրապարակել է հանրապետության 1000 խոշոր հարկատուների ցանկը՝ 2017 թվականի հունվար-դեկտեմբեր ամիսների արդյունքներով։

Մենք առանձնացրել ենք 20 ամենախոշոր հարկատուներին՝ ներկայացնելով նրանց կողմից վճարված հարկերը 2017 թվականին և փոփոխությունը՝ 2016 թվականի համեմատ։

Հանրապետության TOP-20 հարկատուները միասին 2017 թվականին պետբյուջե են վճարել 281.3 մլրդ դրամ, ինչը 64.76 մլրդ դրամով ավելի շատ է այս նույն 20-ի կողմից 2016 թվականին վճարված հարկերի և տուրքերի ընդհանուր թվից։

Գազպրոմ Արմենիան շարունակում է զբաղեցնել ցանկի առաջին հորիզոնականը՝ չնայած, որ նախորդ տարվա համեմատ նվազեցրել է հարկերը 2.66 մլրդ դրամով կամ 6.28%-ով և հասցրել 39.7 մլրդ դրամը։

Փոխարենը՝ երկրորդ տեղում ամրապնդվել է Գրանդ Տոբակոն և 12.2 մլրդ դրամով ավելացնելով հարկերը՝ զգալիորեն կրճատել է տարբերությունը առաջատարի հետ (34.7 մլրդ դրամ)։

Խոշոր հարկատուների առաջին եռյակը եզրափակում է ՀԷՑ-ը՝ 22 մլրդ դրամով։

Ալեքս Գրիգին փոխարինած Ալեքս Հոլդինգը (Yerevan City սուպերմարկետների ցանց) 4-րդ տեղում է՝ 21.47 մլրդ դրամ։

Հինգերորդ տեղում հանգրվանել է Զանգեզուրի պղնձամոլիբդենային կոմբինատը։ Ընկերությունը 2016-ի համեմատ կրկնապատկել է հարկերը և հասցրել 18.67 մլրդ դրամի։

Առաջին քսանյակում տեղ գտած գրեթե բոլոր հանքարդյունաբերական ընկերությունները ավելացրել են հարկերը՝ բացի Թեղուտից։ Սակայն աճի անվիճելի առաջատարը Լիդիան Արմենիան է, որն արդեն սկսել է Ամուլսարի հանքի շինարարությունը և տասնապատկել հարկերը՝ վճարելով 7.8 մլրդ դրամ։

Հեռահաղորդակցության ոլորտի 3 խոշորագույն ընկերություններից միայն մեկը՝ Յուքոմն է ավելացրել հարկերը։ ՄՏՍ Հայաստանը (ՎիվաՍել) և Վեոն Արմենիան (Բիլայն) հարկերը նվազեցրել են և վճարել, համապատասխանաբար, 9.1 և 8.7 մլրդ դրամ։ Նշենք, որ այս ընկերությունների վճարած հարկերի նվազումը մասամբ պայմանավորված է կուտակված գերավճարների մաշեցմամբ։

Ցանկի նորեկը Նորֆոլկ Արմենիան է։ 2017 թվականի ամռանը գրանցված այս ընկերությունը 2017 թվականին պետբյուջե է վճարել 7 մլրդ դրամ և զբաղեցրել ցանկի 17-րդ հորիզոնականը։ Նշենք, որ սա Պետական եկամուտների կոմիտեի նախաձեռնությամբ ստեղծված ընկերությունն է, որը փաստացի փոխարինեց կարգոներին և զբաղվում է փոքր և միջին առևտրականների կողմից ներկրված ապրանքների մաքսազերծմամբ։

Taxes-top20

ԱՄԵՆԱԿԱՐԴԱՑՎԱԾ ԼՈՒՐԵՐ

ՈՒՂԻՂ. Նիկոլ Փաշինյանի գլխավորությամբ երթը մեկնարկել է

Հանրահավաքի մասնակիցները ՀՀ վարչապետ Նիկոլ Փաշինյանի ուղեկցությամբ երթով Արցախի պողոտայից երթով շարժվում են դեպի Հանրապետության հրապարակ։

Հայաստանի հանքարդյունաբերողներն ու նրանց վճարած հարկերը

Մետաղական հանքարդյունաբերությամբ զբաղվող 10 խոշորագույն ընկերությունները միասին այս տարվա առաջին կիսամյակում պետբյուջե են վճարել մոտ 55 մլրդ դրամի հարկեր և տուրքեր

Նիկոլ Փաշինյանի վարկանիշը 100 օր անց՝ 77.2%. օնլայն հարցման արդյունքները

Դատելով արդյունքներից՝ վարչապետը 100 օրվա գործունեությունից հետո պահպանում է չափազանց բարձր վարկանիշը։