Մուտք

Invalid username or password

Մոռացե՞լ եք գաղտնաբառը

Գերիշխող դիրքի չարաշահման և հակամրցակցային համաձայնությունների բացահայտման գործերի քանակը գրեթե երկուս ու կես անգամ ավելացել է

Վերադարձ լուրերի բաժին

21:05 , 27 Դեկտեմբեր 2019

ՀՀ տնտեսական մրցակցության պաշտպանության պետական հանձնաժողովի կողմից իրականացված վարույթները 2019 թվականին ավելի շատ են եղել, քան 2018-ին: Ամփոփելով տարին՝ ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը «Արմենպրես»-ի մամուլի սրահում հրավիրված ասուլիսում նշել է, որ այդ ակտիվությունը կապված է եղել քաղաքացիների, տնտեսավարողների դիմում-բողոքների հետ: «Հանձնաժողովի կողմից նախաձեռնությունների քանակը մենք մի փոքր քչացրել էինք և փորձում էինք տեսնել, թե տնտեսավարողներն ինչպես են արձագանքում: Պարզվեց, որ տնտեսավարողների բողոքների քանակը բավական շատ է: Անբարեխիղճ մրցակցության հատվածում ունենք բողոքների ավելացում 10 տոկոսով: Հետաքրքրիր պատկեր է նկատվում խախտումների ավելի խորը ուսումնասիրությունների արդյունքում պատասխանատվության մեխանիզմների ներդրման համակարգում: Օրինակ՝ գերիշխող դիրքի չարաշահման և հակամրցակցային համաձայնությունների բացահայտման գործերի քանակը գրեթե երկուս ու կես անգամ ավելացել է»,-ասաց Գեղամ Գևորգյանը:

Նա տեղեկացրել է, որ հանձնաժողովն այս տարի պետական մարմինների նկատմամբ պատասխանատվության միջոցներ է կիրառել: Դատական դեպարտամենտի, Առողջապահության նախարարության, Ոստիկանության: Նա տեղեկացրել է, որ խախտումներն, ըստ էության, մեծ չեն եղել, սակայն հանձնաժողովը ցույց է տալիս, որ տնտեսավարող սուբյեկտները կարող են նաև պետական մարմինների դեպքում համապատասխան միջոցների դիմել: Ներկայում հանձնաժողովը պետական գնումների ոլորտում մեծածավալ աշխատանք է իրականացնում:

Գեղամ Գևորգյանը նշել է, որ Հայաստանում տարածված խախտումներից է անբարեխիղճ մրցակցությունը: Այս տարի նման բացահայտված դեպքերից հանձնաժողովի նախագահն առանձնացրել է օղիների հետ կապված գործը, երբ փորձ է արվել այլ բրենդի ներքո ապրանքն իրացնել, դիալեզի սարքավորումների գնման հետ կապված խնդիր է եղել: Կաթնամթերքի ոլորտում հասարակության մոլորեցման դեպքեր ևս եղել են: Ներկայում հանձնաժողովը խոր ուսումնասիրություն է սկսում կաթնամթերքի, կարագի շուկայում, ամփոփումը կլինի հաջորդ ամիս: «Այս պահին կարող եմ ասել, որ կարագի ոլորտում անբարեխիղճ մրցակցության դրսևորում բուսական յուղի օգտագործման տեսքով չի հայտնաբերվել»,-նշել է Գեղամ Գևորգյանը:

Ucom-ն առաջարկում է ձեռք բերել 4 սուպեր տեսախցիկով Xiaomi Redmi 10 և ստանալ անլար բարձրախոս

Հավելենք, որ 5000 մԱ/ժ հզոր մարտկոցով Xiaomi Redmi 10-ը հնարավոր է օգտագործել ողջ օրվա ընթացքում և չանհանգստանալ սմարթֆոնը լիցքավորելու մասին։ Իսկ շնորհիվ 18 Վտ/ժ լիցքավորման տեխնոլոգիայի` այն լիցքավորվում է շատ արագ։

SME Banking Club-ը Յունիբանկին ընդգրկել է լավագույն բիզնես վարկեր առաջարկող բանկերի ցուցակում

Յունիբանկի կողմից տրամադրված բիզնես վարկերի ծավալը 2020 թվականի նույն ժամանակահատվածի համեմատ աճել է 30%-ով։

Յունիբանկն առաջարկում է 4.8% արժեկտրոնային եկամտաբերությամբ դոլարային պարտատոմսեր

Յունիբանկը թողարկել է դոլարային պարտատոմսեր արժեկտրոնային բարձր եկամտաբերությամբ՝ 4.8% տարեկան: