Մուտք
Invalid username or password
Գեղարքունիքի մարզում 2019թ. նախատեսվում է 66 կմ ճանապարհի հիմնանորոգում ու կառուցում
Վերադարձ լուրերի բաժին
13:19 , 11 Մայիս 2019
Դիտումներ431
Գեղարքունիքի մարզում 2019 թ. 66 կիլոմետր ճանապարհ կհիմնանորոգվի կամ ամբողջովին նորը կկառուցվի։ Այդ մասին մայիսի 11-ին մեկնարկած «Իմ քայլը հանուն Գեղարքունիքի մարզի» գործարար համաժողովի ընթացքում ասաց Գեղարքունիքի մարզպետ Գնել Սանոսյանը։
«Միայն այս տարի Գեղարքունիքի մարզում Տրանսպորտի, կապի և տեղեկատվական տեխնոլոգիաների նախարարության նախագծերի միջոցով կհիմնանորոգվի կամ ամբողջովին նոր կկառուցվի 66 կմ ճանապարհ՝ մոտ 6 մլրդ դրամով։ Մարզպետարանի և Տարածքային կառավարման և զարգացման նախարարության սուբվենցիոն ծրագրերի միջոցով ևս 2.5 մլրդ դրամի ճանապարհաշինարարական աշխատանքներ կարվեն։ Մոտ 22 ոռոգման ցանցեր կկառուցվեն այս տարի, խմելու ջրի ցանցեր։ Բազմաթիվ նախագծեր կան, որոնք հիմա հաստատման փուլում են, որպեսզի մենք հողերի կատեգորիաները փոխենք և կարողանանք մեր գործընկերներին տրամադրել արևային կամ քամու էլեկտրակայաններ կառուցելու համար»,- ասաց Սանոսյանը։
Մարզպետը նշեց, որ ճանապարհների բարեկարգումն ուղղված է մարզի զբոսաշրջության զարգացմանը խթանելուն։
«Զբոսաշրջության զարգացման առումով նախորդ տարի ասֆալտապատվեց Հայրավանք գնացող ճանապարհը։ Այս տարի նախագծում ունեք Արծվանիստի վանական համալիր գնացող ճանապարհի ասֆալտապատումը, որպեսզի մեր մարզի զբոսաշրջության պոտենցիալը մեր պատմաճարտարապետական հուշարձաններ գնացող ճանապարհները բարեկարգելու միջոցով կարողանանք իրացնել»,- նշեց Գնել Սանոսյանը։
Ներդրումային բիզնես-ծրագրերի համաժողովի նպատակն է մարզի տնտեսության և համայնքների զարգացման գործընթացներին ներգրավել Հայաստանում և արտերկրում իրենց գործունեությունն իրականացնող գործարարների:
Դիտումներ 431
ԱՄԵՆԱԿԱՐԴԱՑՎԱԾ ԼՈՒՐԵՐ
23.10.2020: Շաբաթական ամփոփ տվյալներ կենտրոնական բանկից
Հոկտեմբերի 12-18-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 33.6 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 33 մլն ԱՄՆ դոլար:
ՊԵԿ-ը հորդորում է եկամտահարկի վերադարձման դիմումները ներկայացնել էլեկտրոնային եղանակով
Համավարակով պայմանավորված՝ ՊԵԿ-ը կոչ է անում հնարավորինս հետևել սահմանափակումներին և հորդորում՝ փաստաթղթերը հարկային մարմին ներկայացնել բացառապես էլեկտրոնային եղանակով կամ անհրաժշետության դեպքում՝ փոստային առաքմամբ:
Ռազմական դրության ժամանակահատվածում սահմանված հարկային արտոնությունները
Լրացուցիչ հարցերի դեպքում կարող եք դիմել ՀՀ պետական եկամուտների կոմիտեի հեռախոսազանգերի կենտրոն՝ 060 544 444 կամ 0 8000 0007 հեռախոսահամարներով։
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։