Մուտք

Invalid username or password

Մոռացե՞լ եք գաղտնաբառը

Գալիք տարի սոցիալական ապահովության ոլորտին կտրամադրվի մոտ 487 մլրդ դրամ

Վերադարձ լուրերի բաժին

Հեղինակ

B4B.am

Խորագրեր

Լուրեր

09:53 , 16 Հուլիս 2019

Հայաստանում սոցիալական ապահովության ոլորտին 2020 թվականին կտրամադրվի շուրջ 486 մլրդ 905 մլն դրամ: Դա ներառում է նաև կենսաթոշակների արդեն հայտարարված բարձրացման գումարը: Այդ մասին հայտնել է ՀՀ աշխատանքի և սոցիալական հարցերի նախարար Զարուհի Բաթոյանը՝ ՀՀ ԱԺ առողջապահության եւ սոցիալական հարցերի մշտական հանձնաժողովում 2020 թվականի պետական բյուջեի նախագծով նախատեսված՝ բնագավառի ֆինանսական հատկացումների վերաբերյալ քննարկմանը:

«Բյուջեի բացվածքը դեռ ամբողջությամբ հրապարակված չէ: Դրանից հետո մենք պատրաստ ենք նաև ծրագրերի ցուցանիշները համատեղ քննարկելու: Այս պահին միայն կարող ենք ասել, որ սոցիալական ոլորտին տրամադրվելու է շուրջ 486 մլրդ 905 մլն դրամ, որը նաեւ ներառում է կենսաթոշակների բարձրացման գումարը»,- ասաց Բաթոյանը:

Արդյունավետության բարձրացման նպատակով մի շարք ծրագրերը միավորվել են: Կարեւոր է համարվել տարեցներին, երեխաներին, հաշմանդամներին, կանանց վերաբերող ծրագրերի հասցեականությունը: Լուրջ բարեփոխումներ կլինեն համայնքների ներքո գործող սոցիալական ծառայությունների ոլորտում. դրանք կանցնեն նախարարության ենթակայության:

Մշակվել է «Հաշմանդամություն ունեցող անձանց կարիքի ճանաչման մասին» օրենքի նախագիծ, որը, նախարարի հավաստմամբ, բնագավառը խորքային փոփոխության է ենթարկելու: Նրա հավաստմամբ՝ կարիքի գնահատման գործընթացն արդեն մեկնարկել է: Պատրաստվել է նաեւ «Հաշմանդամություն ունեցող անձանց իրավունքների մասին» օրենքի նախագիծ, որով հստակ սահմանվել են նրանց իրավունքները. դրույթներից մեկով լուծվում է տրանսպորտի եւ շինությունների ու այլ վայրերի մատչելիության խնդիրը: Օրենքի պահանջը չապահովելու համար նախատեսվել է տուգանք:

Զարուհի Բաթոյանը նշել է, որ նախարարության առաջնահերթություններից է նաեւ տարեցների խնամքի համայնքային ծառայությունների զարգացումը:

ԱՄԵՆԱԿԱՐԴԱՑՎԱԾ ԼՈՒՐԵՐ

Բեռլինը նույնպես կունենա Թումո կենտրոն

Փոխվարչապետ Մհեր Գրիգորյանը մասնակցել է Բեռլինի Թումո կենտրոնի հիմնադրման վերաբերյալ պայմանագրի ստորագրման արարողությանը:

Տիգրան Ավինյանն ընդունել է Ասիական զարգացման բանկի Հայաստանի գրասենյակի նորանշանակ տնօրենին

Անդրադարձ է կատարվել Երևանի և մարզային քաղաքների կայուն զարգացման, էներգետիկ ոլորտի, դպրոցների սեյսմիկ անվտանգության բարելավման, ինչպես նաև մասնավոր հատվածում իրագործվող և նախանշվող ծրագրերին։

Հանդիպում ԵՄ պատվիրակության հետ

ՀՀ ֆինանսների փոխնախարար Կարեն Բրուտյանը նախարարությունում հանդիպել է ԵՄ պատվիրակության հայաստանյան ներկայացուցչության անդամների հետ: Պատվիրակությունը գլխավորել է Վասիլիս Մարագոսը: