Մուտք

Invalid username or password

Մոռացե՞լ եք գաղտնաբառը

«Գազպրոմ Արմենիա»-ն պարզաբանում է ներկայացրել գնումների գործընթացի կազմակերպման վերաբերյալ

Վերադարձ լուրերի բաժին

Հեղինակ

B4B.am

Խորագրեր

Լուրեր

17:04 , 27 Փետրվար 2019

«Գազպրոմ Արմենիա» ընկերությունը պարզաբանում է ներկայացրել գնումների գործընթացի կազմակերպման վերաբերյալ՝ արձագանքելով «Հանրային քաղաքականության հետազոտությունների ազգային կենտրոն»-ի հրապարակմանը: b4b.am-ը ներկայացնում է ընկերության տրամադրած պարզաբանումը.

«Վերջին օրերին մամուլում տեղ գտավ «Հանրային քաղաքականության հետազոտությունների ազգային կենտրոնի» հրապարակումը, որի համաձայն նշված կենտրոնը, ուսումնասիրելով հանրային ծառայությունների ոլորտի որոշ կազմակերպությունների 2015-2018 թթ. գնումների պայմանագրերը, եկել էր այն եզրահանգման, որ նշված կազմակերպությունները գնումների հաշվետվություններ չեն ներկայացնում կամ գնումները չեն իրականացնում «Գնումների մասին» ՀՀ օրենքով սահմանված կարգի համաձայն:

Մասնավորապես, հրապարակման մեջ նշվում է, որ «Գազպրոմ Արմենիա» ՓԲԸ-ն 2016 թվականից սկսել է հաշվետվություններ չներկայացնել: Չանդրադառնալով Կենտրոնի կողմից իրականացված «ուսումնասիրությունների» որակին և գնումների ոլորտը կարգավորող գործող իրավական ակտերի պահանջների հետ ոչ մի առնչություն չունեցող սիրողական եզրահանգումներին, տեղեկացնում ենք, որ «Գազպրոմ Արմենիա» ՓԲԸ-ն թե՛ գնումների գործընթացի կազմակերպումը և թե՛ այդ գործընթացի հետ կապված հանրային հաշվետվողականությունն ապահովում է բացառապես գործող իրավական ակտերի դրույթներին համապատասխան: Այսպես.

«Գնումների մասին» ՀՀ օրենքի և Հայաստանի Հանրապետության հանրային ծառայությունները կարգավորող հանձնաժողովի 25.06.2014 թվականի N207Ա որոշմամբ հաստատված կարգի համաձայն՝ «Գազպրոմ Արմենիա» ՓԲԸ-ն կատարված գնումների մասին հաշվետվությունը Հայաստանի Հանրապետության հանրային ծառայությունները կարգավորող հանձնաժողով է ներկայացնում ոչ միայն տարեկան կտրվածքով (ինչպես նշված է հրապարակման մեջ), այլ նաև յուրաքանչյուր եռամսյակի համար՝ մինչև եռամսյակին հաջորդող երկրորդ ամսվա 15-ը, որը Հանձնաժողովի կողմից ենթարկվում է մոնիթորինգի.

«Գազպրոմ Արմենիա» ՓԲԸ-ն, նշված կարգի համաձայն, այդ հաշվետվությունները ներկայացնում է սկսած 2014 թվականի հուլիսի 1-ից և առ այսօր (այդ թվում նաև 2016-ից 2018թթ.-ին) նշված կարգի որևէ խախտում չունի, հետևաբար «ուսումնասիրության արդյունքում բացահայտված հանգամանքը»՝ 2016 թվականից սկսած նշված հաշվետվությունները չներկայացնելու վերաբերյալ ապատեղեկատվություն է.

Առհասարակ, «Գազպրոմ Արմենիա» ՓԲԸ-ի կողմից գնումների գործընթացի վերաբերյալ ամբողջական տեղեկատվությունը (գնումների պլանի, գնման մրցույթ անցկացնելու վերաբերյալ հայտարարությունների, այլ տեղեկությունների հրապարակում) հանրայնացվում է՝ սահմանված կարգով և ժամկետներում՝ տեղադրվելով ինչպես ՀՀ ֆինանսների նախարարության՝ gnumner.am կայքում, այնպես էլ ընկերության պաշտոնական կայքում»:

ԱՄԵՆԱԿԱՐԴԱՑՎԱԾ ԼՈՒՐԵՐ

Երևանում կկառուցվի 54 մլիլարդ դրամ արժողությամբ «Վերածնունդ» երիտասարդական ավանը

Երևանի Մոնթե Մելքոնյան, 44 հասցեում կկառուցվի «Վերածնունդ» երիտասարդական ավան: «Երևանի պետական համալսարանի շրջանավարտների միավորում» հասարակական կազմակերպության շնորհիվ ընդամենը մի քանի տարի հետո 6,7 հա ընդհանուր մակերեսով հողամասը կդառնա լիարժեք բնակության վայր իր բոլոր հարմարություններով: «Երևանի պետական համալսարանի շրջանավարտների միավորում» հասարակական կազմակերպության նախագահ Արսեն Քարամյանն ասել է, որ շենքերը լինելու են սեյսմակայուն: «Բնապահպանության տեսանկյունից բոլոր փաստաթղթերն […]

Թողարկվել է «Գալուստ Գյուլբենկյան-150» հուշադրամը

ՀՀ կենտրոնական բանկը տեղեկացնում է, որ մարտի 22-ից շրջանառության մեջ է դրել «Գալուստ Գյուլբենկյան-150» ոսկե հուշադրամը: «Գալուստ Գյուլբենկյան-150» Դիմերես` հայ բարերարի հավաքական կերպարը խորհրդանշող հուշակոթողը («Հայ բարերարների ճեմուղի» հուշահամալիր) և «ԵՐԱԽՏԱՊԱՐՏՈՒԹՅՈՒՆ» երկլեզու մակագրությունը: Դարձերես` Գ. Գյուլբենկյանի դիմանկարը և նրա ստորագրությունը: Տեխնիկական չափանիշները Անվանական արժեքը 10 000 դրամ Մետաղը և հարգը ոսկի 900 Քաշը 8,6 գ […]

Երևանի 2019 թ. բյուջեն 10 մլրդ դրամով կավելանա

Երևանի բյուջեի լրամշակված տարբերակը պատրաստ է և կներկայացվի ավագանու քննարկմանը՝ արտահերթ նիստում: Փոփոխությունների պատճառը քաղաքում իրականացնելիք մեծածավալ աշխատանքն է: Այդ մասին b4b.am-ին տեղեկացրեց Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունը: «Նախատեսված 8 միլիարդի աճը, որը լրամշակումով առաջարկելու ենք ավագանու հաստատմանը, կուղղվի մի շարք խոշոր ծախսային ծրագրերի, որոնց մեծ մասը նախկինում չի իրականացվել կամ […]