Մուտք

Invalid username or password

Մոռացե՞լ եք գաղտնաբառը

Գազային սկանդալ. Վրաստանի ՀԿ-ները պահանջում են հրապարակել Հայաստան գազի տարանցման վերաբերյալ պայմանագրի մանրամասները

Վերադարձ լուրերի բաժին

Հեղինակ

B4B.am

Խորագրեր

Աշխարհ

17:17 , 17 Հունվար 2017

Վրաստանի 80 հասարակական կազմակերպություններ նամակով դիմել են Վրաստանի կառավարությանը՝ պահանջելով հրապարակել ռուսական մենաշնորհային «Գազպրոմ» ընկերության հետ Հայաստան մատակարարվող գազի տարանցման վճարման վերաբերյալ օրեր առաջ կնքված ռուս-վրացական պայմանագրի մանրամասները։

Հիշեցնենք, որ «Գազպրոմ Էքսպորտի» հետ Վրաստանի պայմանագրի ժամկետը լրացել էր 2017թ. հունվարի 1-ին: Վրաստանը նախորդ պայմանագրի համաձայն որպես գազի տարանցման դիմաց վճար ստանում էր Հայաստանին մատակարարվող ռուսական գազի ընդահուր ծավալի 10 տոկոսը: Փաստաթուղթը կազմվել էր 2016 թվականի ապրիլին՝ վերջին համաձայնագրի ժամկետի լրանալուց երեք ամիս անց: Վրաստանը ռուսական գազ չի գնում 2007 թվականից: Հանրապետությանը գազի հիմնական մատակարարն Ադրբեջանն է, որը 2016 թվականի մարտի սկզբին համաձայնել է ավելացնել մատակարարումների ծավալը:

Վրաստանի Տնտեսական քաղաքականության հետազոտության կենտրոնի գործադիր տնօրեն Նինո Էվգենիձեն «Ռուսթավի-2» հեռուստաընկերության հետ զրույցում հայտարարել է, թե Վրաստանի և Ռուսաստանի միջև նման կարգի պայմանագրի կնքումը կոմերցիոն չէ, քանի որ «Ռուսաստանն օկուպացրել է մեր երկիրը»։

Վրաստանի ՀԿ-ների ներկայացուցիչները մտավախություն ունեն, որ պայմանագրում պարունակվում են ռիսկեր։

Վրաստանի ընդդիմությունը «Գազպրոմի» հետ պայմանագիրը անվանել էր «դավաճանություն» և «կապիտուլյացիա»։

Գումարի չափը, որը Վրաստանը կստանա Հայաստան գազամատակարարումների տարանցման դիմաց, հայտարարվել էր «կոմերցիոն գաղտնիք»։ Ընդ որում՝ Վրաստանի կառավարությունում ընդունում են, որ այդ գումարը քիչ է, քան այն 10 տոկոսի արժեքը, որը Վրաստանն ավելի վաղ ստանում էր հին պայմանագրով։

Մի շարք փորձագետներ արդեն հայտարարել են, որ այդկերպ Վրաստանն իրեն կախման մեջ է դնում Ռուսաստանից և արդեն չի կարող ազդել Ռուսաստանի որոշման վրա՝ հրաժարվել գազի վաճառքից անհրաժեշտության դեպքում։

ԱՄԵՆԱԿԱՐԴԱՑՎԱԾ ԼՈՒՐԵՐ

Թրամփն ԱՄՆ-ի տնտեսությունը հաջող է համարում

Թրամփը վերջին ժամանակներս մշտապես քննադատության է ենթարկում ԴՊՀ-ի եւ դրա նախագահ Ջերոմ Փաուելի քաղաքականությունը:

Վարչապետ Նիկոլ Փաշինյանը Իրանի նախագահ Հասան Ռոհանիի հետ քննարկել է երկկողմ գործակցությունը

Կողմերը քննարկել են նաև Իրան-Եվրասիական տնտեսական միություն համագործակցության զարգացման հեռանկարները, ինչպես նաև մտքեր փոխանակել տարածաշրջանում տեղի ունեցող զարգացումների վերաբերյալ:

ՏԵՍԱՆՅՈՒԹ: Հայաստանի վարչապետը և Եվրոպական խորհրդի նախագահը ներկայացրել են բանակցությունների արդյունքները

«Ուրախ եմ հիմա գտնվել այստեղ, և Հայաստանի դրական դինամիկան նոր հնարավորություններ է ստեղծել մեր համագործակցության համար»,- Դոնալդ Տուսկ: