Մուտք

Invalid username or password

Մոռացե՞լ եք գաղտնաբառը

Բրիտանացի պատգամավորները կրկին մերժեցին Brexit-ին վերաբերող բոլոր այլընտրական գործարքները

Վերադարձ լուրերի բաժին

Հեղինակ

B4B.am

12:16 , 02 Ապրիլ 2019

Մեծ Բրիտանիայի խորհրդարանի Համայնքների պալատի պատգամավորները կրկին մերժել են Brexit-ի պայմանների վերաբերյալ Եվրամիության հետ համաձայնագրի՝ հավանություն չստացած նախագծի բոլոր այլընտրանքները: Այդ մասին հայտնի Է դարձել չորս առաջարկությունների քվեարկության արդյունքների հայտարարումից հետո, որոնք ընտրել էր Համայնքների պալատի խոսնակ Ջոն Բերքոուն:

Ընդամենը մի քանի քվե չի բավականացրել կառավարող Պահպանողական կուսակցությունից պատգամավոր Քենեթ Քլարքի առաջարկությանը, որին հավանություն Է տվել 273 պատգամավոր, դեմ է հանդես եկել 276 ժողովրդական ընտրյալ: Այդ նախաձեռնությունը նախարարների կաբինետից պահանջում էր Եվրամիության հետ ապագա ցանկացած համաձայնագրում կետ ներառել «Եվրամիության հետ մշտական եւ համապարփակ մաքսային միության մասին, որը տարածվի ամբողջ Մեծ Բրիտանիայի վրա»:

Պահպանողական Նիք Բոուլզի առաջարկությունը («Միասնական շուկա 2.0» կամ «Նորվեգական մոդել +») նույնպես չի գտել խորհրդարանականների մեծամասնության պաշտպանությունը: Նույնը վերաբերում է նաեւ Լեյբորիստական կուսակցությունից պատգամավորներ Ֆիլ Ուիլսոնի եւ Փիտեր Քայլի ուղղմանը, որը նախատեսում է հանրաքվեի անցկացում, որին պետք է դրվի Բրյուսելի հետ ձեռք բերված ցանկացած համաձայնագրի տեքստը: Չորրորդ տարբերակը ենթադրում է, որ պատգամավորները կքննարկեն այն տարբերակը, որը կառավարությունից պահանջում է Brexit-ի ժամկետների հերթական երկարաձգում, իսկ եթե դա հնարավոր չլինի, ապա պատգամավորները կքվեարկեն կա՛մ առանց համաձայնագրի Brexit-ի օգտին, կա՛մ էլ Լիսաբոնի պայմանագրի 50-րդ հոդվածի գործողության չեղարկման օգտին՝ Եվրամիությունում մնալու համար, հաղորդել է ՏԱՍՍ-ը:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանի տնտեսական աճի կանխատեսումները վատթարացել են

Ասիական զարգացման բանկը կանխատեսել է ՀՆԱ մինչև 4 տոկոս անկում:

Տեսանյութ: Օտարերկրյա ներդրումները ներկա իշխանության աքիլեսյան գարշապարն են

Տնտեսագետ Հայկազ Ֆանյանը կառավարության հակաճգնաժամային միջոցառումներից մի քանիսը, այդուամենայնիվ, համարում է ճիշտ ժամանակին ընդունված:

Հայաստանի ցուցանիշները համադրելի են համաշխարհային տնտեսական զարգացումներին

Մամուլում պարբերաբար շրջանառվում է այն թեզը, որ 2020 թվականի երկրորդ եռամսյակում արձանագրված 13.7 տոկոս ՀՆԱ անկումը պայմանավորված է համավարակի բացասական հետևանքները չեզոքացնելու աջակցության ծրագրերի ոչ արդյունավետությամբ: