Մուտք

Invalid username or password

Մոռացե՞լ եք գաղտնաբառը

Բրենդային մինի-պատերազմներ. «Յուքոմն» ընդդեմ «Յուտաքսի»-ի

Վերադարձ լուրերի բաժին

22:52 , 25 Հոկտեմբեր 2017

Հեռահաղորդակցության ոլորտում գործող «Յուքոմ» ընկերությունը պահանջում է «Յուտաքսի» օնլայն տաքսի ծառայության գործողությունները որակել որպես անբարեխիղճ մրցակցություն և պարտադրել վերջինիս դադարեցնել «Utaxi» ապրանքային նշանի օգտագործումը՝ կանաչ և սպիտակ գույների ցանկացած համադրությամբ»: Պարզ ասած՝ արգելել օգտագործել Utaxi լոգոն:

Հիմնվելով «Յուքոմ» ՍՊԸ-ի դիմումի վրա՝ ՀՀ Տնտեսական Մրցակցության Պաշտպանության Պետական Հանձնաժողովը հարուցել է վարչական վարույթ «Յուտաքսի»-ի նկատմամբ:

«Յուտաքսի»-ն, բնականաբար, համաձայն չէ նման դիրքորոշման հետ, ինչի մասին հայտնել է իր ֆեյսբուքյան էջում։

Utaxi-ն բերում է հետևյալ 3 հիմնավորումները.

– օրենքով սահմանված կարգով և ժամկետներում իրականացրե ենք տվյալ ապրանքային նշանի հաստատումը:
– չեն հանդիսանում Ucom ընկերության մրցակից, գործունեություն են ծավալում բացարձակապես այլ ոլորտում:
– իրենց ուղղված նամակում շոշափվում է նաև Ucom-ի բարի համբավն ի շահ «Յուտաքսի» ՍՊԸ-ի օգտագործումը, որը համարում են առնվազն տարօրինակ:

«Տպավորությունն այն է, որ Ucom ընկերությունը ցանկանում է ձևավորել «U» տառի և «կանաչ և սպիտակ գույների ցանկացած համադրության» օգտագործման մենաշնորհ անկախ գործունեության ոլորտից՝ օգտագործելով իր լծակները պետական կառույցի վրա:

Կարծում ենք, որ սա փորձ է մեծ ընկերության կողմից պետական լծակների կիրառմամբ սահմանափակել այլ մրցակցային դաշտում գտնվող հայկական IT StartUp-ի մրցակցային հնարավորությունները»,- նշված է «Յուտաքսի»-ի հայտարարության մեջ:

«Յուտաքսի»-ն նաև նշում է, որ նույնիսկ հաշվի առնելով Ucom ընկերության թե՛ ֆինանսական, թե՛ իրավաբանական մեծ հնարավորությունները, Utaxi StartUp-ը օրինական բոլոր միջոցներով պաշտպանելու է իր շահերը:

Տվյալ վարչական վարույթի դռնբաց նիստը տեղի է ունենալու ս.թ. հոկտեմբերի 30-ին:

ԱՄԵՆԱԿԱՐԴԱՑՎԱԾ ԼՈՒՐԵՐ

939 մեքենա՝ 2039-ի փոխարեն. Ներկայացվել է Երևանի հասարակական տրանսպորտի նոր ցանցի նախագիծը

Երևանի քաղաքապետի տեղակալ Վահե Նիկոյանը ներկայացրել է խորհրդատու WYG ընկերության կողմից մշակված հասարակական տրանսպորտի նոր ցանցի նախագիծը

Էներգետիկ ենթակառուցվածքների և բնական պաշարների նախարարը հրաժարականի դիմում է ներկայացրել

«Այո, նախարարը հրաժարականի դիմում է ներկայացրել: Նա շարունակում է աշխատել, այսօր էլ հանդիպում է ունեցել»,- ասել է Վասակ Թարփոշյանը:

ՊԵԿ-ը 26.4 մլրդ դրամով գերակատարել է հարկային մուտքերը. 2017թ. տարեկան ցուցանիշները (գծապատկերներ)

2016 թվականի հունվար-դեկտեմբերի համեմատ ՊԵԿ-ի կողմից հավաքագրված հարկերն ու տուրքերը ավելացել են 78.1 մլրդ դրամով