Մուտք
Invalid username or password
Բջջային օպերատորները կրճատել են գովազդային ծախսերը
Վերադարձ լուրերի բաժին
18:02 , 17 Հոկտեմբեր 2016
Դիտումներ2444
Հայաստանյան բջջային կապի օպերատորները՝ «Ղ-Տելեկոմ» (Vivacell), «Արմենտել» (Beeline) և «Յուքոմ» (Ucom, նախկին Orange), 2016 թվականի առաջին կիսամյակում շարժական կապի ծառայությունների գովազդի և մարքեթինգի վրա ծախսել են 1 մլրդ 771.6 մլն դրամ։ Այս մասին են վկայում նրանց կողմից հրապարակված հաշվետվությունների տվյալները։
Այդ թվում, Vivacell-ը 2016 թվականի առաջին կիսամյակում գովազդի և մարքեթինգի վրա ծախսել է 919.8 մլն դրամ, Ucom-ը՝ մոտ 420 մլն դրամ, Beeline-ը` 431.9 մլն դրամ։
Նշենք նաև, որ 3 ընկերություններից 2-ը՝ Vivacell-ը և Ucom-ը կրճատել են գովազդային և մարքեթինգային ծախսերը։ Մասնավորապես, Vivacell-ը 2016 թվականի առաջին կիսամյակում գովազդի և մարքեթինգի վրա ծախսել է 919.8 մլն դրամ՝ նախորդ տարվա նույն ժամանակահատվածի 1 մլրդ 5 մլն-ի դիմաց։ Ucom-ի դեպքում գովազդային ծախսերի կրճատումն ավելի զգալի է։ Ընկերությունը 2015 թվականի առաջին կիսամյակում գովազդին ուղղել էր մոտ 874 մլն դրամ, այս տարվա առաջին կիսամյակում՝ մոտ 420 մլն դրամ։ Beeline-ը, հակառակը, շարժական կապի ծառայությունների գովազդին և մարքեթինգին ուղղվող ծախսերն ավելացրել է շուրջ 35 մլն դրամով և հասցրել 431.9 մլն դրամի։
Ընդհանուր առմամբ, այս երեք ընկերությունները միասին 2016 թվականի առաջին կիսամյակում գովազդին և մարքեթինգին ուղղել են 549 մլն դրամով կամ 23.7%-ով ավելի քիչ գումար, քան նախորդ տարվա առաջին կիսամյակում։
Դիտումներ 2444
ԱՄԵՆԱԿԱՐԴԱՑՎԱԾ ԼՈՒՐԵՐ
ՎՏԲ-Հայաստան Բանկի և Ucom ընկերության համագործակցությունը
Ucom ընկերության հետ համագործակցության շրջանակներում բոլոր ցանկացողները կարող են ձևակերպել ապառիկ վարկեր Ucom-ի 78 վաճառքի և սպասարկման կենտրոններում և ձեռք բերել ապրանքներ առանց Բանկ այցելելու:
1000 խոշոր հարկ վճարողների կողմից 2021 թ. առաջին եռամսյակում պետբյուջե է վճարվել ավելի քան 260 մլրդ 170 մլն դրամ
Պետական եկամուտների կոմիտեի կայքում հրապարակվել է 2021 թ. հունվար-մարտ ամիսներին 1000 խոշոր հարկ վճարողների կողմից պետական բյուջե վճարված գումարների վերաբերյալ ցանկը:
Թուրքիայից վերջնական սպառման ապրանքների ներմուծման արգելքի ժամկետը երկարաձգվելու է. փոխվարչապետ
Փոխվարչապետը նշեց, որ հումքի և կոմպոնենտների ներմուծման վրա սահմանափակումը չի տարածվում, որպեսզի արտադրողների մոտ խնդիրներ չառաջանան:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։