Մուտք

Invalid username or password

Մոռացե՞լ եք գաղտնաբառը

Բեռնարդ Մեդոֆֆ. ինչպես խաբել 1 միլիոն մարդու

Վերադարձ լուրերի բաժին

Հեղինակ

B4B.am

Խորագրեր

Դայջեսթ

19:01 , 19 Օգոստոս 2018

Պատմության էջերում տեղ են գտնում ոչ միայն դրական, այլև բացասական կերպարները։ Այդ թվում՝ խաբեբաներն ու խարդախները։

Իհարկե, շարքային խաբեբաների մասին աշխարհը չի էլ իմանում։ Սակայն ի՞նչպես կարելի է չխոսել մի մարդու մասին, ով իր մեքենայությունների և ֆինանսական բուրգի շնորհիվ հաջողացրել է 65 միլիարդի վնաս պատճառել իրեն հավատացած մարդկանց։ Խոսքը վերաբերում է ամերիկացի երբեմնի ֆինանսական մագնատ Բեռնարդ Մեդոֆֆին։

1960-ականներին նա հիմնադրեց  Madoff Investment Securities ընկերությունը, որը հետագայում պիտի ճանաչվեր վերջին տասնամյակի աշխարհի ամենախոշոր ֆինանսական բուրգը: Ընկերությունը օգտվել է իր հաճախորդների վստահությունից, իրականացրել կեղծ գործարքներ և «սեփական շահերի» համար օգտագործել ինչպես ֆիզիկական անձանց, այնպես էլ տարբեր ընկերությունների ու հեջ-ֆոնդերի կողմից ներդրումների տեսքով ընկերությունում ի պահ տրված ֆինանսական միջոցները:

Ավելի քան կեսդարյա գործունեությունից հետո բուրգը փլուզվեց 2008 թվականին։ Դա համաշխարհային ֆինանսական ճգնաժամի ամենաթեժ պահն էր։ Սակայն, ինչպես ասում են, չկա չարիք առանց բարիք։ Ճգնաժամը լուրջ դժվարությունների առջև կանգնեցրեց Մեդոֆֆին, և նա այլևս չէր կարողանում նոր ներդրողներ գտնել։ Իսկ նոր ներդրողները օդի պես պետք էին, որովհետև նրանց միջոցներով Մեդոֆֆը պետք է վճարեր նախկին ներդրողների տոկոսները և մայր գումարները։

Ու երբ նախկին հաճախորդները փաստի առաջ կանգնեցին՝ չկարողանալով ետ ստանալ իրենց գումարները, ակնհայտ դարձավ, որ տեղի է ունեցել մեծ խարդախություն։ Նշենք, որ Madoff Investment Securities ընկերության գործողությունների արդյունքում տուժել է ավելի քան 1 մլն ֆիզիկական և իրավաբանական անձ:

Բուրգը կայծակնային արագությամբ փլվեց իսկ Մեդոֆֆը դատապարտվեց 150 տարի ազատազրկման։

ԱՄԵՆԱԿԱՐԴԱՑՎԱԾ ԼՈՒՐԵՐ

Ինչ էին «գովազդում» ԽՍՀՄ-ում (լուսանկարներ)

Հեռուստատեսությամբ գովազդային հոլովակներ չէին պտտվում, սակայն գովազդային բնույթի տեքստեր և կոչեր կարելի էր հանդիպել ամեն քայլափոխի, հատկապես՝ շենքերի տանիքներին

Ինչի՞ համար է The Economist-ը Հայաստանը ճանաչել տարվա երկիր

Ի՞նչ չափանիշով է The Economist-ը որոշում տարվա երկիրը։

Ռուսաստանի պետական ընկերությունները կհրաժարվեն արտասահմանյան սոֆթից

ՌԴ պետական ընկերությունները մի քանի ամիսների ընթացքում պետք է մշակեն հստակ պլան՝ մինչև 2021 թվականը ծրագրային ապահովման ոլորտում ներմուծման փոխարինում իրականացնելու համար