Մուտք

Invalid username or password

Մոռացե՞լ եք գաղտնաբառը

Բենզինը կթանկանա

Վերադարձ լուրերի բաժին

14:51 , 26 Փետրվար 2016

ՌԴ Պետդուման այսօր առաջին ընթերցմամբ ընդունել է կառավարության օրենսդրական նախաձեռնությունը, համաձայն որի՝ 2016 թվականի ապրիլի 1-ից 1 լիտր բենզինի ակցիային հարկը կավելանա 2 ռուբլով (մոտ 13 դրամով)։ Այս մասին տեղեկացնում է Ռեգնումը՝ նշելով, որ ավելանալու են նաև դիզելային վառելիքի և միջին դիստիլյատների ակցիզային հարկի դրույքաչափերը։

Մասնավորապես, 5-րդ կարգի ավտոմոբիլային բենզինի ակցիզային հարկը ապրիլի 1-ից սկսած կկազմի 10130 ռուբլի (1 տոննայի համար)։ Դիզելային վառելիքի ակցիզային հարկը կավելանա 1000 ռուբլով (1 տոննայի համար) և կկազմի 5293 ռուբլի։

ՌԴ ֆինանսների փոխնախարար Յուրի Զուբարևը ասել է, որ ակցիզային հարկի բարձրացման արդյունքում ՌԴ պետական բյուջեի եկամուտները կավելանան մոտ 70 մլրդ դռուբլով։ «Դա հարկադրված քայլ էր՝ դաշնային բյուջեի եկամուտները մոբիլիզացնելու համար», — խոստովանել է պաշտոնյան։

Նշենք, որ 2014 թվականից Հայաստանում սպառվող բենզինն ու դիզվառելիքը մատակարարվում է գլխավորապես Ռուսաստանից՝ «Роснефть» ընկերության միջոցով։ Սա նշանակում է, որ ՌԴ ակցիզային հարկի բարձրացումն ուղղակի ազդեցություն է ունենալու Հայաստան ներկրվող և հետաբար՝ բենզալցակայաններում վաճառվող բենզինի գնի վրա։

Ու եթե դրամ/ռուբլի փոխարժեքի էական տատանումներ չլինեն, ապա ապրիլի 1-ից հետո Հայաստանում բենզինը կարող է թանկանալ 13-15 դրամով։

 

Կարդացեք նաև՝

Բենզինի գնի «գաղտնիքի» բացահայտումը

Որքան կշահեք, եթե բենզին լցնելու համար մեքենայով հասնեք Վրաստան (ինֆոգրաֆիկա)

ԱՄԵՆԱԿԱՐԴԱՑՎԱԾ ԼՈՒՐԵՐ

Խորհրդարանը մերժեց եկամտային հարկի դրույքաչափը նվազեցնելու՝ «Ծառուկյան» դաշինքի նախաձեռնությունը

Ծառուկյան դաշինքն առաջարկում է ցածր աշխատավարձ ստացողների համար եկամտային հարկի բեռը թեթևացնել։

Volterman-ի շուրջ կրքերը թեժանում են. դրամապանակները խոստացված ժամկետներում չեն հասել գնորդներին

Առաջին դրամապանակները պետք է մատակարարվեին դառ անցած տարվա դեկտեմբերին

Նախագահի մոտ խորհրդակցություն է անցկացվել առանձին ապրանքատեսակների գնաճի և դրա հետևանքների մեղմման լուծումների վերաբերյալ

Սերժ Սարգսյանը պահանջել է գնաճի օբյեկտիվ պատճառների կամ հիմնավորումների մասին խոսելուց բացի ներկայացնել լուծումներ