Մուտք

Invalid username or password

Մոռացե՞լ եք գաղտնաբառը

Բելառուս գործարարները՝ ՀՀ էկոնոմիկայի նախարարությունում

Վերադարձ լուրերի բաժին

Խորագրեր

Պաշտոնական

14:12 , 29 Հունվար 2016

Հունվարի 26-ին ՀՀ էկոնոմիկայի նախարարությունում տեղի է ունեցել հանդիպում Բելառուսի Հանրապետության Մոգիլև մարզի գործարարների հետ:

Հանդիպմանը մասնակցել են ՀՀ էկոնոմիկայի նախարարության աշխատակազմի ներդրումային քաղաքականության վարչության պետ Վահագն Լալայանը և արդյունաբերության զարգացման վարչության պետ Արմեն Եգանյանը, ՀՀ-ում Բելառուսի Հանրապետության դեսպանատան ավագ խորհրդական Դմիտրի Սեմյոնովիչը և Բելառուսի առևտրաարդյունաբերական պալատի Մոգիլևի ստորաբաժանման գլխավոր տնօրենի տեղակալ Տատյանա Ալեկսեևան:

ՀՀ էկոնոմիկայի նախարարության պաշտոնյաները բելառուս գործարարներին ներկայացրել են Հայաստանի գործարար և ներդրումային միջավայրի առավելությունները, ազատ տնտեսական գոտիներում գործունեություն ծավալելու հնարավորությունները:

Սննդի և տեքստիլ արդյունաբերության, նյարդավիրաբուժության, գյուղատնտեսական տեխնիկայի, կոմբայնների, տրակտորների արտադրության ոլորտներում գործունեություն ծավալող բելառուսական շուրջ 10 ընկերությունների ներկայացուցիչները նշել են, որ Հայաստան այցի հիմնական նպատակը բելառուսական ապրանքատեսակների նկատմամբ առկա պահանջարկի և հայ գործընկերների հետ նոր կապեր հաստատելու հնարավորությունների ուսումնասիրությունն է, արդեն իսկ հայկական շուկայում ներկայացված ընկերությունների համագործակցության ամրապնդումը, ինչպես նաև ապրանքաշրջանառության ավելացման հնարավորությունների քննարկումը:

Հաշվի առնելով Հայաստանի և Բելառուսի անդամակցումը Եվրասիական տնտեսական միությանը և դրանից բխող ազատ և անմաքս առևտուր իրականացնելու հնարավորությունները, հանդիպման ընթացքում քննարկվել են` նաև այս համատեքստում գործարար օղակների համագործակցության ակտիվացման հեռանկարները:

Հանդիպման ավարտին երկուստեք ընդգծվել է Հայաստանի և Բելառուսի գործարարների հետագա համագործակցության կարևորությունը և երկու երկրների տնտեսական կապերի շարունակական զարգացման անհրաժեշտությունը:

ԱՄԵՆԱԿԱՐԴԱՑՎԱԾ ԼՈՒՐԵՐ

ՊԵԿ-ը շարունակում է մասնակցությունը համազգային դրամահավաքին

Կոմիտեի աշխատակիցները ևս 100 միլիոն դրամ են փոխանցել «Հայաստան» համահայկական և «Զինծառայողների կյանքին կամ առողջությանը պատճառված վնասների հատուցման» հիմնադրամներին:

Արհեստական բանականության հնարավորությունները` հարկային ստվերը բացահայտելիս

ՊԵԿ-ում կիրառվող վերլուծական մոդելները Համաշխարհային բանկի ներկայացուցիչների ուշադրությանն են արժանացել:

Ռազմական դրության ժամանակահատվածում սահմանված հարկային արտոնություններ

Քայլերի հաջորդականությունը կարելի է իմանալ` զանգահարելով ՊԵԿ հեռախոսազանգերի կենտրոն. 060 544 444 08000 0007: