Մուտք

Invalid username or password

Մոռացե՞լ եք գաղտնաբառը

Բաց նամակ ՀՀ վարչապետ Նիկոլ Փաշինյանին

Վերադարձ լուրերի բաժին

00:31 , 03 Հունիս 2018

Հարգելի պարոն Փաշինյան,

«ՓՄՁ Համագործակցության Ասոցիացիա» հասարակական կազմակերպությունը (այսուհետ Ասոցիացիա), փոքր և միջին բիզնեսի ներկայացուցիչների անդամության վրա հիմնված ապաքաղաքական կառույց է, որը ստեղծված է աջակցելու ՀՀ-ում գործունեություն ծավալող Փոքր և Միջին ձեռնարկատերերին, պաշտպանելու վերջիններիս օրինական շահերը, նպաստելու պետություն-մասնավոր հատված երկխոսության կայացմանը, ՓՄՁ-ների համար օրենսդրական դաշտի բարելավմանը:

Ասոցիացիան ողջունում է ՀՀ ներկայիս կառավարության կողմից որդեգրած, բիզնես միջավայրում հավասար մրցակցության, արդարության վերականգնմանն ուղղված քայլերն ու տնտեսվարողներին օրինական դաշտ բերելու քաղաքականությունը: Մենք մշտապես սատարել ենք այն ծրագրերի և միջոցառումների նախաձեռնողներին, իրականացնողներին, ովքեր կբերեն, կամ բերում են ՀՀ-ում օրենքների գերակայության վերահաստատմանը, հովանավորչության բացառմանը:

Միաժամանակ ցանկանում ենք տեղեկացնել, որ խոշոր առևտրային ցանցերից որոշների գործունեութունը, տարիներ ի վեր, խնդիրներ են ստեղծել հայկական ապրանք արտադրող, այդ թվում գյուղմթերք, Գերփոքր բիզնեսի ներկայացուցիչների համար: Դրանք բնավ չեն եղել միայն վերջին օրերին շրջանառվող ԱԱԾ-ի կողմից ներկայացված, վերոհիշյալ ցանցերի հետ փոխկապակցված Ա/Ձ-երերի ակնհայտ ապօրինի մեխանիզմներով գործող փաստերը: Այդ խնդիրների մասին Գերփոքր բիզնեսի ներկայացուցիչները, թե առանձին և թե մեր Ասոցիացիայի միջոցով, մշտապես բարձրաձայնել են, ներկայացրել նամակներ ու առաջարկներ նախորդող առնվազն երկու կառավարության ներկայացուցիչներին:

Վերոգրյալ և նմանատիպ դեպքերի մասին տեղեկությունների հավաստի լինելը, հնարավոր է ճշտել, բացահայտել՝ բազմակողմանի, համապարփակ ուսումնասիրություն անելով ՀՀ պետական մարմիններում առկա, նախորդ երեք տարիներին վերաբերող տվյալների հիման վրա:

Հաշվի առնելով խոշոր առևտրային ցանցերի կողմից Ձեզ ուղղված բաց նամակն ու խնդրանքը, խոշոր առևտրային ցանցեր և դրանց մատակարարների շղթայի հարցը լուծելու քննարկում կազմակերպելու մասին, խնդրում ենք Ձեզ, նմանատիպ քննարկում կազմակերպել խոշոր առևտրային ցանցերի, ՓՄՁ շահերը ներկայացնող կառույցների և պետական այն կառույցների ներկայացուցիչների մասնակցությամբ, ովքեր պատասխանատու են հարկային, տնտեսական, ՓՄՁ զարգացման քաղաքականությունների մշակման և պահպանման հարցերում:

Վստահ ենք, որ նման քննարկման արդյունքում դուրս կբերվեն ՀՀ-ում գործող օրենսդրության տառին համապատասխան լուծումներ, անկախ դրանց գնաճային, կամ դրանք կանխող, սաստող տուժանքային մեխանիզմների կիրառման հնարավոր հետևանքների:

Հարգանքով,
«ՓՄՁ Համագործակցության Ասոցիացիայի» տնօրեն՝​​​Հակոբ Ավագյան

ԱՄԵՆԱԿԱՐԴԱՑՎԱԾ ԼՈՒՐԵՐ

Ինչով է պայմանավորված Յունիբանկի հաջողությունը մանրածախ վարկավորման շուկայում

2018 թվականի սեպտեմբերի 30-ի դրությամբ Հայաստանի բանկերի կողմից տրամադրված մանրածախ վարկերի ծավալը գերազանցեց 983.5 մլրդ դրամը

«Քայլ արա, ընտրիր Հայաատանը». Կոշիկի, տեսքտիլ և կաշվե արտադրանքի 40 տոկոսն արտահանվում է Եվրամիություն (տեսանյութ)

Բիզնես Արմենիան հրապարակել է տեքստիլ ոլորտի ներդրումային գրավչություններն ու արտադրական ներուժը ներկայացնող մարքեթինգային փաթեթը, որը ներառում է նաև ոլորտի ցուցանիշերը։

Վարկավորման ծավալներն աճել են. դրամով վարկերը գերազանցել են 1 տրլն դրամի շեմը

ՀՀ առևտրային բանկերի կողմից տրամադրված վարկերի ծավալը 2018 թվականի հոկտեմբերի վերջի դրությամբ կազմել է 2 տրլն 852.4 մլրդ դրամ