Մուտք

Invalid username or password

Մոռացե՞լ եք գաղտնաբառը

Բացվել է ԱՐՏԱԴՐՎԱԾ Է ՀԱՅԱՍՏԱՆՈՒՄ ցուցահանդեսը

Վերադարձ լուրերի բաժին

14:04 , 18 Օգոստոս 2015

Ապրիլի 26-ին` «Մերիդիան» Էքսպո կենտրոնում բացվել է «Արտադրված է Հայաստանում» եռօրյա ցուցահանդեսը:

Ցուցահանդեսի պաշտոնական բացմանը ողջույնի խոսքով հանդես է եկել ՀՀ էկոնոմիկայի նախարար Կարեն Ճշմարիտյանը: Իր խոսքում նախարարը նշել է, որ «Արտադրված է Հայաստանում» ցուցահանդեսը կարևորագույն իրադարձություն է, քանի որ այն Հայոց ցեղասպանության 100-րդ տարելիցի ոգեկոչումից հետո մեկ անգամ ևս ապացուցում է, որ մենք` հայերս, ապրել ենք, ապրում և ապրելու ենք: Իսկ դրա կարևորագույն նախապայամանը, նախարարի համոզմամբ, մարդկանց աշխատանքն է և այդ աշխատանքի հետևանքով ստեղծված արդյունքը, որը և զարգացնելու է մեր երկիրը: «Այստեղ ցուցադրվում է այն ներուժը, որը գույություն ունի Հայաստանի տնտեսության մեջ: Մարդիկ աշխատում են ու նոր ուղղություններ են փնտրում (արտադրության նոր ուղղություններ և նոր շուկաներ), և չեն բավարարվում եղածով: Այդ գործոնը բիզնեսի համար ամենակարևոր հատկությունն է: Նրանք բոլորն էլ ընդունել են Հայաստանի կառավարության այն մոտեցումները, որոնք վերաբերում են նոր շուկաների որոնմանը: Մարդիկ ստեղծել են հոյակապ դիզայնով և յուրահատուկ համով, անվտանգության բոլոր ցուցանիշներին համապասխան ապրանքատեսակներ: Ցուցահանդեսին ներկա շատ փոքր և միջին ձեռնարկությունների գործունեությունն այսօր խթանվել է ՀՀ կառավարության աջակցությամբ, – ասել է Կարեն Ճշմարիտյանը:

Ցուցահանդեսը ողջունել են նաև Հայաստանի արդյունաբերողների և գործարարների (գործատուների) միության նախագահ Արսեն Ղազարյանը և ՀՀ նախագահի խորհրդական, Հայ ոսկերիչների համաշխարհային միության (AJA) նախագահ Գագիկ Գևորգյանը:

Այնուհետև Էկոնոմիկայի նախարարը երկար շրջել է ցուցահանդեսի տաղավարներով, մանրամասն հետաքրքրվել ընկերությունների արտադրանքով, արտահանման շուկաներով, եղած խնդիրներով և տեղում հանձնարարություններ տվել նախարարության պաշտոնյաներին` ուսումնասիրել դրանք և առաջարկություններ ներկայացնել վերջիններիս լուծման համար:

Հիշեցնենք, որ «Արտադրված է Հայաստանում» ցուցահանդեսին մասնակցում են Հայաստանի տնտեսության գրեթե բոլոր ոլորտները ներկայացնող (սննդամթերք, բնական հյութեր, զովացուցիչ ըմպելիքներ, բնական և հանքային ջրեր, գինի, կոնյակ և գարեջուր, ծխախոտ, թեթև արդյունաբերություն, փայտամշակում, կենցաղային քիմիա, շինանյութ և ապակյա տարաներ, դեղագործություն, ոսկեգործություն, ադամանդագործություն և ժամագործություն, հանքարդյունաբերություն և մետալուրգիա, ճշգրիտ ճարտարագիտություն, տեղեկատվական տեխնոլոգիաներ, զբոսաշրջություն) և արտահանման ներուժ ունեցող շուրջ 330 ընկերություններ:

Ցուցահանդեսի հիմնական նպատակն է ներկայացնել Հայաստանի արդյունաբերության եղած ներուժը, արդյունաբերության զարգացման հնարավորությունները, ինչպես նաև աջակցել հայաստանյան ընկերությունների հետագա զարգացմանը և արտահանման խթանմանը:

Ցուցահանդեսի կազմակերպիչներն են ՀՀ էկոնոմիկայի նախարարությունը և Հայաստանի զարգացման հիմնադրամը: Ցուցահանդեսն անց է կացվում արտահանմանն ուղղած արդյունաբերական քաղաքականության պետական աջակցության ծրագրերի շրջանակում:

Ցուցահանդեսին հրավիրված են արտասահմանյան պետական և մասնավոր հատվածի ներկայացուցիչներ, դիստրիբյուտորներ, պոտենցիալ գնորդներ և ներդրողներ:

Ցուցահանդեսի շրջանակում նախատեսված են երկկողմ հանդիպումներ, մասնակից կազմակերպությունների արտադրանքի համտեսներ և շնորհանդեսներ:

ԱՄԵՆԱԿԱՐԴԱՑՎԱԾ ԼՈՒՐԵՐ

Վերջին տարիներին առաջին անգամ մայիսին օդանավով Հայաստան ժամանածներն ավելի շատ են եղել մեկնածներից

2018 թվականի մայիսին օդային ճանապարհով Հայաստան է ժամանել 110 390 մարդ, մեկնել՝ 107 225 մարդ։

ՏԵՍԱՆՅՈՒԹ. Բրոնոզյանի փորձագետներն այցելել են Ամուլսար և փոխել կարծիքը շատ հարցերի շուրջ

«Լիդիան Արմենիա» ընկերությունը հյուրընկալեց Հ․Բրոնոզյանին և նրա պատվերով Ամուլսարի ծրագրի փաստաթղթերի հիման վրա հետազոտություն կատարած արտասահմանյան փորձագետներին

Հայաստանն ու Չինաստանը գրանցել են առևտրաշրջանառության ավելի քան 40 տոկոսի աճ. ՀՀ առևտրային կցորդի հարցազրույցը

Հրանտ Աբաջյանը մեր երկրի տնտեսական ներուժը ներկայացնող «Հայաստան՝ դարպաս դեպի խոշոր շուկաներ» խորագրով շնորհանդեսով է հանդես եկել։