Մուտք

Invalid username or password

Մոռացե՞լ եք գաղտնաբառը

Բացառիկ կարևորության նախաձեռնություն. իրանագետը՝ «Էներգաիմպէքս» ընկերության ստեղծման մասին

Վերադարձ լուրերի բաժին

17:14 , 04 Օգոստոս 2016

Հայաստանի միջոցով Իրանից գազի արտահանման նպատակ հետապնդող հայկական «Էներգաիմպէքս» ընկերության ստեղծումը պետք է գնահատել որպես բացառիկ կարևորության նախաձեռնություն՝ մեր երկրի տնտեսական և քաղաքական կարգավիճակին բոլորվին նոր որակ հաղորդելու առումով: Այս մասին ֆեյսբուքյան իր էջում գրել է իրանագետ Վարդան Ոսկանյանը։

Հիշեցնենք, որ ՀՀ կառավարության կողմից այսօր ընդունված որոշմամբ կստեղծվի «Էներգաիմպէքս» ՓԲԸ, որը հնարավորություն կընձեռի ավելացնել բնական գազի ներկրումը Իրանի Իսլամական Հանրապետության տարածքից՝ առավել արդյունավետ դարձնելով Իրան-Հայաստան գազամուղի օգտագործումը: Նույն որոշմամբ՝ ընկերության կանոնադրական կապիտալում ներդրում կատարելու նպատակով կառավարության պահուստային ֆոնդից ՀՀ էներգետիկայի և բնական պաշարների նախարարությանը գումար կհատկացվի:

«Հեր-Հեր» հիդրոէլեկտրակայանի գործունեության արդյունավետության բարձրացմամբ պայմանավորված գործադիրն ընդունել է «Գույք օտարելու թույլտվություն տալու մասին» որոշում՝ «Որոտանի հիդրոէլեկտրակայանների համալիր» ՓԲԸ-ի հաշվեկշռում հաշվառվող գույքի սահմանված կարգով օտարում «Արմ-Աէրո» ՓԲԸ-ին և վերջինիս կողմից շահագործում նույն անձնակազմով:

«Այս քայլով Հայաստանը փաստացիորեն հստակ ազդակ է հղում, որ էներգետիկ ոլորտում չի բավարարվելու միայն բարձրավոլտ էլեկտրական էներգիայի փոխանցման միջանցքի դերակատարություն ստանձնելով, այլ հարևան և բարեկամ Իրանի հետ սերտ փոխգործակցությամբ աստիճանաբար մուտք է գործելու նաև գազային տարանցման շուկա, ինչն, ըստ էության, ոչ միայն բարձրացնելու է մեր էներգետիկ անվտանգությունը, այլև զգալիորեն բարելավելու է Հայաստանի աշխարհաքաղաքական դիրքերը նաև միջազգային ասպարեզում:

Մեկ այլ ոչ պակաս կարևոր հանգամանք էլ այն է, որ նման ծրագերի միջոցով իրականում մեթոդաբար կոտրվում է նաև հայաստանցիներիս՝ սեփական երկիրը բացառապես որպես փակուղի դիտարկելու աշխարհայացքային կարծրատիպը, ինչը շատ դեպքերում նաև ինչ-որ առումով գրեթե համատարած կերպով մեզանում արմատավորված վատատեսության հիմնական պատճառներից է»,- գրել է իրանագետը:

ԱՄԵՆԱԿԱՐԴԱՑՎԱԾ ԼՈՒՐԵՐ

Տեղի է ունեցել ՀՀ կառավարության արտահերթ նիստ

Այսօր տեղի է ունեցել ՀՀ կառավարության արտահերթ նիստը, որը վարել է ՀՀ վարչապետ Նիկոլ Փաշինյանը:

Yerevan City-ները կարող են առանձնանալ «Ալեքս հոլդինգից»

B4B.am-ի տեղեկություններով, ներկայումս քննարկվում է Yerevan City սուպերմարկետների ցանցը «Ալեքս Հոլդինգի» կազմից դուրս բերելու և առանձին ընկերություն ստեղծելու հնարավորությունը։

Ամուլսարի «Անկախ խորհրդատվական խումբը» ներկայացրել է իր առաջին հաշվետվությունը

«Անկախ խորհրդատվական խմբի» կազմում ընդգրկված են կայուն զարգացման հարցերով զբաղվող հայ և միջազգային յոթ փորձագետ: