Մուտք

Invalid username or password

Մոռացե՞լ եք գաղտնաբառը

Բանկերից դեպի գրավատներ

Վերադարձ լուրերի բաժին

14:09 , 29 Մայիս 2016

Գործազրկության աճը, ինչպես նաև արտերկրից ստացվող միջոցների նվազումը իրենց ազդեցությունն են ունեցել ռեզիդենտ տնային տնտեսությունների վարկունակության, հետևաբար նաև այս հատվածին տրամադրվող վարկերի ծավալների վրա: Այս մասին նշվում է ՀՀ ԿԲ 2015 թվականի տարեկան հաշվետվության մեջ։

Դիտարկվող ժամանակահատվածում վարկային հաստատությունների նկատմամբ ռեզիդենտ տնային տնտեսությունների ընդհանուր պարտավորությունները նվազել են 3.0%-ով և կազմել 920.0 մլրդ դրամ:

Հաշվետվության մեջ մի ուշագրավ կետ կա. բանկերի կողմից տրամադրված վարկերի մակարդակը նվազել է 4.0%-ով, իսկ վարկային կազմակերպությունների և գրավատների նկատմամբ պարտավորություններն ավելացել են, համապատասխանաբար, 2.7% և 3.1%-ով։

Այս համակարգի հետ առնչված ցանկացած մարդ գիտի, որ բանկային վարկերի պայմաններն ավելի հարմար են, տոկոսադրույքներն էլ ավելի ցածր (համեմատության մեջ)։ ՈՒՎԿ-ներում և գրավատներում վարկ ստանալն ավելի հեշտ է և ավելի կարճ ժամանակ է պահանջում։ Սակայն տոկոսադրույքն ավելի բարձր է։

Ու երբ մեր հայրենակիցները բանկերից գնում են դեպի վարկային կազմակերպություններ ու գրավատներ, դա նշանակում է, որ նրանք այլ ելք չունեն և պատրաստ են ավելի բարձր տոկոսով վարկ վերցնել՝ օրվա կարիքները հոգալու համար։

Այս մասին ԿԲ հաշվետվության մեջ, բնականաբար, չի նշվում։ Փոխարենը՝ ԿԲ զեկույցի հեղինակները փորձել են այս վիճակագրության մեջ լուսավոր կետ գտնել. դա վկայում է սպառողական վարկավորման շուկայում մրցակցության բարձրացման մասին:

Չնայած մյուս կողմից նշվում է, որ որպես սպառողական վարկավորումը խոչընդոտող հիմնական գործոններ շարունակում են մնալ տնային տնտեսությունների եկամուտների կրճատումը, ինչպես նաև պարտքի բեռի բարձր մակարդակը:

ԱՄԵՆԱԿԱՐԴԱՑՎԱԾ ԼՈՒՐԵՐ

ԿԲ-ն կրկին անփոփոխ է թողել վերաֆինանսավորման տոկոսադրույքը՝ 6 տոկոս

ԿԲ խորհուրդը նպատակահարմար է գտնում պահպանել խթանող դրամավարկային պայմանները և անփոփոխ թողնել վերաֆինանսավորման տոկոսադրույքի գործող մակարդակը

«Մեր հարաբերություների պոտենցիալը առևտրի ոլորտում շատ ավելի մեծ է, քան ներկայում այն օգտագործվում է». այաստանում ԵՄ պատվիրակության ղեկավար

«ԵՄ-ն Հայաստանի համար ամենախոշոր, հեռանկարային շուկան է: Մենք, փաստորեն, երկրորդ խոշորագույն ներդրողն ենք Հայաստանում: ԵՄ-ի հետ առևտրի աճը տեսանելի և շոշափելի

Նիկոլ Փաշինյանն այցելել է Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես (լուսանկարներ)

Վարչապետը շրջայց է կատարել ցուցասրահներով, ծանոթացել ներկայացված հայկական արվեստի ու մշակույթի լավագույն նմուշներին՝ սկսած 4-րդ դարից մինչև 17-րդ դար: