Մուտք

Invalid username or password

Մոռացե՞լ եք գաղտնաբառը

Բանկային քաղվածքներ. այն, ինչ պետք է իմանա բանկի ցանկացած հաճախորդ

Վերադարձ լուրերի բաժին

20:23 , 15 Օգոստոս 2016

Այս տարվա հուլիսի 1-ից ուժ մեջ են մտել Կենտրոնական բանկի կողմից սահմանված՝ բանկային քաղվածքների միանման ձևանմուշները։ Ինչպես արդեն տեղեկացրել ենք, բանկային հաշիվներից, վճարային քարտերից կամ սպառողական վարկերից օգտվող քաղաքացիները, պարզ և միասնական ամսական քաղվածքների միջոցով հուլիսի 1-ից պետք է կարողանան հեշտությամբ հետևել իրականացված գործարքներին:

Ֆինանսական ծառայությունների վերաբերյալ սպառողներին տրամադրվող քաղվածքներից օգտվելիս քաղաքացիները հաճախ դժվարանում են ստուգել կատարված մուտքերի, ելքերի, սառեցումների, ապասառեցումների, ապաարգելադրումների վերաբերյալ տեղեկությունները:
Քաղվածքները երբեմն բարդ են, պարունակում են խիստ մասնագիտական տերմիններ, և քանի որ վերջիններս թողարկվում են տարբեր ֆինանսական կազմակերպությունների կողմից, տարբեր ձևաչափերի են:

Նոր ձևաչափի քաղվածքները պարզ են, պարունակում են տեղեկատվություն սառեցումների, ապասառեցումների, արգելադրումների, ապաարգելադրումների, փոխարժեքի վերաբերյալ: Քաղվածքներում ներառված տեղեկատվությունը տրամադրվելու է Unicode տիպի տառատեսակով:

Ի դեպ, շատ կարևոր տեղեկատվություն, որն անկասկած կհետաքրքրի բանկի հետ առնչություն ունեցած կամ ունեցող ցանկացած անձի։

Անկախ նրանից, դուք վարկառու եք, թե ավանդատու՝ բանկը պարտավոր է ձեզ երեսնօրյա պարբերականությամբ պարտադիր ներկայացման տեղեկատվություն (քաղվածք) ներկայացնել։ Բանկը դա սովորաբար անում է փոստային առաքման միջոցով, սակայն հաճախորդի գրավոր համաձայնությամբ՝ այդ տեղեկատվությունը կարող է մատուցվել էլեկտրոնային փոստի միջոցով կամ բանկի տարածքում։

Ըստ բանկային օրենսդրության՝ պարտադիր ներկայացման տեղեկատվությունը էլեկտրոնային կամ կապի այլ միջոցներով կամ բանկի տարածքում ստանալու սպառողի իրավունքը սահմանափակող պայմանը կամ համաձայնությունն առ ոչինչ է: Ընդ որում, կրեդիտավորողն իրավունք չունի սպառողին պարտադրելու, այդ թվում` սպառողի համար ոչ բարենպաստ իրավիճակ ստեղծելու, որ սպառողը հրաժարվի պարտադիր ներկայացման տեղեկատվությունը փոստային կապով ստանալու իր իրավունքից:

Մի խոսքով, եթե դուք գրավոր համաձայնություն չեք տվել, որ քաղվածքը բանկում եք ստանալու, և փոստով էլ քաղվածքներ չեք ստացել, ապա դա ձեր իրավունքի խախտում է։ Ու եթե դուք դա կարողանաք ապացուցել, ապա բանկը ձեր իրավունքների խախտման համար ձեզ պետք է 300 հազար դրամ տուգանք վճարի։

Այնպես որ, մի անտեսեք քաղվածքները։ Դրանք ավելի կարևոր են, քան կարող են թվալ։

 

ԱՄԵՆԱԿԱՐԴԱՑՎԱԾ ԼՈՒՐԵՐ

Եվրասիական զարգացման բանկը այս տարի Հայաստանում կանխատեսում է 3 տոկոս տնտեսական աճ

Եվրասիական զարգացման բանկի (ԵԶԲ) կանխատեսումներով՝ 2018 թվականին մասնակից-պետություններում սպասվում են տնտեսական աճի դրական տեմպեր

Երևանյան բնակարանների շուկայի ռեկորդն ու գների «հանելուկը»

2017 թվականին Երևանում կատարված բնակարանային առքուվաճառքների թիվը 2016 թվականի համեմատ աճել է 1943-ով կամ 24%-ով։

Նախազգուշացում՝ տուգանքի փոխարեն. ՏԶՆ նախարարությունն առաջարկում է մեղմացնել հարկատուների պատիժը՝ նվազ նշանակություն ունեցող վարչական իրավախախտումների ժամանակ

Նախագծով առաջարկվող փոփոխությունն ուղղված է որպես նվազ նշանակություն ունեցող վարչական իրավախախտումների հստակեցմանը և դրանց ժամանակ հարկատուների նկատմամբ առավել մեղմ վարչական տուգանքների սահմանմանը