Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: Արցախի երեխաների ամառային հանգստի կազմակերպում Հայաստանի բանկերի միության նախաձեռնությամբ

Վերադարձ լուրերի բաժին

Հեղինակ

B4B.am

Խորագրեր

Լուրեր

15:47 , 06 Օգոստոս 2019

Արդեն չորրորդ տարին անընդմեջ իրականացվում է Արցախի Հանրապետության բոլոր վարչական շրջանների երեխաների ամառային հանգստի կազմակերպման ծրագիրը՝ Հայաստանի բանկերի միության նախաձեռնությամբ և առևտրային բանկերի աջակցությամբ: Այդ մասին b4b.am-ին հայտնեց Հայաստանի բանկերի միության մամուլի ծառայությունը:

Այս տարի երեխաների հանգստի համար ընտրվել էր Լոռու մարզի «Գուգարք» ճամբարը, որտեղ իրենց ամառային հանգիստն էին վայելում մայրաքաղաք Ստեփանակերտի, ինչպես նաև Ասկերանի, Մարտակերտի ու Մարտունու շրջանների 10-15 տարեկան 70 դպրոցականներ:

Արցախցի երեխաները ճամբար էին ժամանել 2019 թվականի հուլիսի 20-ին, որտեղ էլ անց են կացրել մարզամշակութային տարբեր միջոցառումներով ու իրադարձություններով հագեցած տասն օրեր:

Պատանի ճամբարականներին այցելել են Հայաստանի բանկերի միության աշխատակիցները՝ ճամբարի կազմակերպած գեղարվեստական միջոցառումներին համադրելով ֆինանսական գրագիտությանն ուղղված մի շարք նախաձեռնություններ:

Ճամբարային հանգստի օրերի ընթացքում Արցախի Հանրապետության պատանի քաղաքացիներին այցելել են նաև Ավանդների հատուցումը երաշխավորող հիմնադրամի ու Ֆինանսական համակարգի հաշտարարի գրասենյակի ներկայացուցիչները:

Ակնհայտ է, որ դպրոցականների շրջանում մեծապես կարևորվում է նմանատիպ նախաձեռնությունների իրականացումը, որը հանգստի հնարավորություններից բացի ընձեռում է նաև հայրենաճանաչության, Հայաստանի և սփյուռքի իրենց հասակակիցների հետ շփման, հետագա համագործակցության լավագույն հնարավորություններ:

Երեխաներն իրենց ակտիվ հանգստի օրերին ուղևորվել են դեպի Դսեղ, մեծն վարպետ Հովհաննես Թումանյանի տուն-թանգարան: Երեխաների համար հիշարժան է դարձել նաև արևածագը մոմավառությամբ դիմավորելու արարողությունը՝ աշխարհահռչակ շանսոնյե Շառլ Ազնավուրի հնչյունների ներքո:

Բացառիկ հետաքրքիր տպավորություններով լեցուն ճամբարական օրերի հուշերից բացի Արցախի երեխաներն իրենց բնակավայրեր կվերադառնան նաև Հայաստանի բանկերի միության տրամադրած հուշանվերներով, որոնք նրանց անհրաժեշտ կլինեն նոր ուսումնական տարին պատշաճ սկսելու համար:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: