Մուտք

Invalid username or password

Մոռացե՞լ եք գաղտնաբառը

Արտաքին պարտքը կարող է լինել տնտեսության զարգացման խթան՝ չդառնալով հարկային բեռ գալիք սերունդների համար. Աշոտ Օսիպյան

Վերադարձ լուրերի բաժին

09:35 , 07 Մարտ 2019

ԱՐԱՐԱՏԲԱՆԿԻ վարչության նախագահ Աշոտ Օսիպյանի համոզմամբ՝ արտաքին պարտքը կարող է լինել տնտեսության զարգացման խթան՝ չդառնալով հարկային բեռ գալիք սերունդների համար։ Օսիպյանի գրառումը, որը հրապարակվել է բանկի ֆեյսբուքյան էջում, ներկայացնում ենք ստորև։

* * *

Հաշվի առնելով վերջին շրջանում լրագրողների և հետաքրքրված տարբեր շրջանակների ինձ ուղղված հարցերը՝ կապված պետության կողմից արտաքին պարտքի ավելացման նպատակահարմարության հետ, կփորձեմ հակիրճ ներկայացել իմ տեսակետը:

Նախ ես կարծում եմ, որ արտաքին պարտքի մեծությունից վախենալ պետք չէ, հատկապես որ համաշխարհային տնտեսությունում առկա է նման տենդենց, և պետական պարտքի միջոցով լուծվում են ներքին տնտեսական խնդիրներ, ապահովվում է զարգացում: Դա է ապացուցում այն փաստը, որ 2000-2009 թթ-ին համաշխարհային տնտեսության ընդհանուր պետական պարտք/ՀՆԱ հարաբերակցությունը 70%-ից հասել է 105%-ի, իսկ զարգացած երկրներում՝ 62-ից 83%-ի: Մի շարք երկրներում պետական պարտքի այդ աճը նպաստել է տնտեսական աճին: Իհարկե, պարտք ներգրավելիս անհրաժեշտ է ուշադրություն դարձնել այնպիսի մակրոտնտեսական ցուցանիշների, ինչպիսիք են՝ ֆիսկալ դեֆիցիտը, վճարահաշվարկային հաշվեկշիռը, փոխարժեքի ռեժիմը, ինչպես նաև շատ այլ հանգամանքներ՝ ընդհուպ ազգային առանձնահատկությունը:

Սակայն, կուզենայի սույն խնդրի վերաբերյալ ուշադրություն հրավիրել երկու հանգամանքի վրա: Նախ՝ ներգրավված միջոցների արդյունավետ օգտագործում, ինչը նշանակում է, որ պարտքը պետք է ներգրավված լինի կոնկրետ ծրագրերի ֆինանսավորման նպատակով, և որի արդյունքը պետք է լինի տնտեսության կառուցվածքային բարեփոխումը և տնտեսության արդյունավետության բարձրացումը:

Երկրորդ՝ ներգրավված պարտքի պայմանները. ժամկետը և տոկոսադրույքը: Հատկապես, պետք է ուշադրություն դարձնել ներգրավված միջոցների տոկոսադրույքին: Այն չպետք է գերազանցի իրական ՀՆԱ-ի աճին: Հակառակ դեպքում պարտքի ներգրավումը կդառնա ոչ արդյունավետ և երկրի տնտեսությունը կհայտնվի, ինչպես տնտեսագետներն են անվանում՝ «դինամիկ անարդյունավետության» իրավիճակում:

Ամփոփելով կարող եմ ասել, որ արտաքին պարտքի արդյունավետ օգտագործման և կառավարման պարագայում, այն հանդիսանում է տնտեսության զարգացման խթան, և պարտքի սպասարկման մասով գալիք սերունդների վրա հարկային բեռ չի ավելացնում:

Աշոտ Օսիպյան

ԱՄԵՆԱԿԱՐԴԱՑՎԱԾ ԼՈՒՐԵՐ

Որքանով է կենտրոնացված ՀՀ բանկային վարկերի շուկան

Վարկային պորտֆելի ծավալով առաջատարը շարունակում է մնալ Ամերիաբանկը: 2019 թվականի վերջի դրությամբ՝ 585.7 մլրդ դրամ։

Հուլիսի 1-ից Արցախի հետ ռոումինգն ավելի կէժանանա

Հակոբ Արշակյանը նշել է, որ Արցախում կան ընկերություններ, որոնք ռազմարդյունբերության ուղղությամբ բավականին լավ պոտենցիալ ունեն:

Ծխախոտի ներքին սպառումը նվազել է, իսկ արտահանումը՝ աճել

2015 թ.-ից սկսած՝ արտահանման կառուցվածքում երկրորդ տեղում է հայտնվել «սիգարետ և սիգար» ապրանքային խումբը՝ պղնձի հանքաքարի խտանյութից հետո: Թե որ ուղղություններով է մեծացել արտահանումը, իմացեք՝ ընթերցելով հոդվածը: