Մուտք

Invalid username or password

Մոռացե՞լ եք գաղտնաբառը

Արտահանման աճը շարունակում է դանդաղել

Վերադարձ լուրերի բաժին

00:05 , 23 Հուլիս 2018

2017 թվականի հունիսին Հայաստանի արտահանումը կազմել է 199.4 մլն դոլար։ 2017 թվականի հունիսի համեմատ արտահանման աճը կազմել է 6.7%։ Այս մասին տեղեկանում ենք ՀՀ Վիճակագրական կոմիտեից։

Ինչպես տեսնում եք գծապատկերում, ամսական կտրվածքով արտահանման աճը գնալով դանդաղում է։ Այս տարվա հունվարին՝ նախորդ տարվա հունվար համեմատ, արտահանումն աճել էր 40%-ով։ Հաջորդ ամիսներին արտահանման աճը գնալով դանդաղեց և ապրիլին հասավ 10.5%-ի։

Մայիսին արտահանման աճը կրկին արագացավ՝ մինչև 20.6%, սակայն հունիսին կրկին նվազեց մինչև 6.7%, որը ամենացածր ցուցանիշն է վերջին 1.5 տարիների ընթացքում։

Արտահանման աճի դանդաղումը պայմանավորված է հիմնականում պղնձի միջազգային գների անկմամբ և Հայաստանում հանքադյունաբերական արտադրանքի ծավալների նվազմամբ։

Ներմուծման աճը տարվա առաջին ամիսներին նույնպես դանդաղել է, սակայն ինչպես տեսնում եք, հունիսին ներմուծման աճը 3 անգամ բարձր է արտահանման աճից՝ 20.8%։

tac-june

Այս ամիսների դինամիկայի արդյունքում՝ կիսամյակի կտրվածքով ունենք արտաքին առևտրի այսպիսի պատկեր. արտահանումը 2018 թվականի հունվար-հունիսին կազմել է 1 մլրդ 165.2 մլն դոլար (հավելաճը նախորդ տարվա առաջին կիսամյակի համեմատ՝ 20%), ներմուծումը 2018 թվականի հունվար-հունիսին կազմել է 2 մլրդ 310.9 մլն դոլար (աճը նախորդ տարվա առաջին կիսամյակի համեմատ՝ 33.9%):

Ընդհանուր առևտրաշրջանառության ծավալը 2018 թվականի առաջին կիսամյակում կազմել է 3 մլրդ 476.1 մլն դոլար, որը 28.9%-ով գերազանցում է նախորդ տարվա նույն ժամանակահատվածի ցուցանիշը։

Արտաքին առևտրի հաշվեկշիռն առաջին կիսամյակի արդյունքներով բացասական է՝ – 1 մլրդ 145.7 մլն դոլարի չափով։

ԱՄԵՆԱԿԱՐԴԱՑՎԱԾ ԼՈՒՐԵՐ

ՈՒՂԻՂ. Նիկոլ Փաշինյանի գլխավորությամբ երթը մեկնարկել է

Հանրահավաքի մասնակիցները ՀՀ վարչապետ Նիկոլ Փաշինյանի ուղեկցությամբ երթով Արցախի պողոտայից երթով շարժվում են դեպի Հանրապետության հրապարակ։

Հայաստանի հանքարդյունաբերողներն ու նրանց վճարած հարկերը

Մետաղական հանքարդյունաբերությամբ զբաղվող 10 խոշորագույն ընկերությունները միասին այս տարվա առաջին կիսամյակում պետբյուջե են վճարել մոտ 55 մլրդ դրամի հարկեր և տուրքեր

Նիկոլ Փաշինյանի վարկանիշը 100 օր անց՝ 77.2%. օնլայն հարցման արդյունքները

Դատելով արդյունքներից՝ վարչապետը 100 օրվա գործունեությունից հետո պահպանում է չափազանց բարձր վարկանիշը։