Մուտք

Invalid username or password

Մոռացե՞լ եք գաղտնաբառը

«Արմենիան հելիքոփթերսը» արտոնություն է ստացել՝ ֆրանսիական ուղղաթիռ ներմուծելու համար

Վերադարձ լուրերի բաժին

09:02 , 20 Ապրիլ 2018

ՀՀ Կառավարության երեկվա որոշմամբ՝ «Արմենիան հելիքոփթերս» ՍՊԸ-ը կօգտվի գերակա ոլորտում իրականացվող ներդրումային ծրագրի շրջանակում տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու արտոնությունից:

Ինչպես նշվում է պաշտոնական հաղորդագրության մեջ՝ ընկերությունը ներմուծվող սարքավորումն օգտագործելու է փոքր ավիացիայի ոլորտում: Սարքավորումը ներմուծելու է «Հայաստանի զարգացման և ներդրումների կորպորացիա» ունիվերսալ վարկային կազմակերպություն ՓԲԸ-ն: Նշվում է նաև, որ ծրագրի շրջանակում նախատեսվում է իրականացնել 1 848 266 832 ՀՀ դրամի ներդրում, իսկ «Հայաստանի զարգացման և ներդրումների կորպորացիա»-ն տրամադրելու է 1 032 500 000 ՀՀ դրամի լիզինգ: Նախատեսվում է ստեղծել 10 աշխատատեղ՝ 1 040 000 ՀՀ դրամ միջին աշխատավարձով։

Թե կոնկրետ ինչով է զբաղվելու այս տարվա փետրվարին գրանցված «Արմենիան հելիքոփթերս»-ը և ինչ ծրագիր է իրականացնելու, հաղորդագրության մեջ չի նշվում։

E-gov.am կայքում նույնպես որոշմանը վերաբերող փաստաթղթերում նման տեղեկատվություն չկա։ Նշված է միայն, որ ընկերությունը պատրաստվում է ներկրել ընդամենը 1 սարքավորում՝ 1 հատ ֆրանսիական արտադրության Eurocopter EC130T2 քաղաքացիական ուղղաթիռ՝ 1 մլրդ 550 մլն դրամ մաքսային արժեքով։

Փաստորեն, 1.8 մլրդ դրամ ներդրումային ծրագրից 1.55 մլրդ դրամը ուղղաթիռի ներկրումն է, «Արմենիան հելիքոփթերս»-ն էլ ամենևին չի նշանակում հայկական ուղղաթիռներ։

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]