ՏԵՍԱՆՅՈՒԹ: Արմավիրցի գործարարը թղթի թափոններից ջերմոցների համար բաժակներ է արտադրում

Վերադարձ լուրերի բաժին

Հեղինակ

B4B.am

Խորագրեր

Success story
Դեմքեր
Լուրեր
Տնտեսություն և բիզնես

19:06 , 17 Օգոստոս 2019

Դիտումներ28153

Ներկայում Հայաստանում չկա մեկանգամյա օգտագործման թղթյա բաժակների նմանատիպ արտադրություն: Ջերմոցային տնտնեսությունների, ինչպես նաև գյուղատնտեսությամբ զբաղվողների շրջանում կատարված հարցումներից հետո Խաչատուր Սարգսյանը եկել է այն եզրակացության, որ մեկանգամյա օգտագործման թղթյա բաժակների առկայության դեպքում, տնտեսվարողների ճնշող մեծամասնությունը կհետաքրքրվի արտադրանքով, և այն կունենա մեծ սպառում:

Գյուղատնտեսության մեջ բույսերի գերակշռող մեծամասնությունը նախապես ցանվում է բաժակների մեջ: Չունենալով այլընտրանքային տարբերակ՝ ներկայում բույսերը ցանվում են պոլիէթիլենային բաժակների մեջ, բույսը հասունանալուց հետո հանվում է պոլիեթիլենային բաժակներից, տեղադրվում հողի մեջ: Տեղափոխման ընթացքում բույսը ենթարկվում է սթրեսի և զգում է տեղափոխությունը, որից վնասվում են արմատները, իսկ պոլիէթիլենային բաժակը վերածվում է թափոնի և վնասում բնությանը:

Խաչատուր Սարգսյանի առաջարկած արտադրանքի շնորհիվ պրոցեսը կատարվում է նույնությամբ` սերմը, ցանվելով բաժակների մեջ, հասունանում է և թղթյա բաժակով տեղադրվում հողի մեջ: Այդ ընթացքում և հետո, բույսը չի կրում սթրես, չի զգում տեղափոխությունը, պաշտպանված է հողի տակ ապրող վնասատու միջատներից, իսկ թղթյա բաժակները չեն դառնում թափոն:

Կարևոր է նաև այն, որ պոլիէթիլենային բաժակներից բույսը տեղափոխվելով հողի մեջ՝ հողին ընտելանում է 10 օրվա ընթացքում, իսկ որոշներն ընդհանրապես չեն ընտելանում տեղափոխությանը և փչանում են՝ ֆերմերին հասցնելով բավական վնաս: Թղթյա բաժակներով տեղափոխվելով հողի մեջ՝ բույսը չի զգում տեղափոխությունը և ընտելանում է հողին անմիջապես՝ բացառելով կորստի գործոնը: Հանրային հեռուստաընկերության տեսանյութը՝ ստորև: