Մուտք

Invalid username or password

Մոռացե՞լ եք գաղտնաբառը

Արդյո՞ք շինարարությունն աճում է աննախադեպ տեմպով

Վերադարձ լուրերի բաժին

09:04 , 12 Նոյեմբեր 2018

«Արդեն բազմաթիվ ներդրումներ են արվել թե՛ դրսից, թե՛ ներսում. Հայաստանը պետք է զարգանա ներքին ներդրումների շնորհիվ, մենք որպես համակարգ, պետք է ինքնուրույն որոշում կայացնենք մեր երկիրը զարգացնելու համար: Ներքին ռեսուրսներով և ներքին խնայողություններով պետք է զարգանա մեր երկիրը. այսպիսին է Հայաստանի տնտեսական զարգացման հեռանկարը»,- այս մասին «Առաջին լրատվական»- ի հետ զրույցում ասել է վարչապետի խորհրդական Վարազդատ Կարապետյանը՝ հավելելով, որ ներքին խնայողություն ասելով՝ նկատի է առնվում նաև հայկական Սփյուռքը:

Վ. Կարապետյանի հավաստմամբ՝ ներդրումներ արդեն իսկ կան։ Մասնավորապես, ներդրումներ են կատարվել նաև շինարարության ոլորտում, և շինարարության աճի տեմպերն աննախադեպ են:

Արդյո՞ք շինարարության տեմպերն աննախադեպ են։ Այո, եթե հունվար-սեպտեմբերին շինարարության ոլորտի 7.6% աճը համեմատենք վերջին տարիների տխուր ցուցանիշների հետ, ապա աճն աննախադեպ է։

Սակայն դինամիկան է շատ տխուր. տարվա սկզբի բարձր աճը գնալով դանդաղել է, ինչի մասին վկայում է պաշտոնական վիճակագրությունը։

Այսպես, եթե այս տարվա առաջին եռամսյակում հանրապետությունում իրականացված շինարարության ծավալը նախորդ տարվա առաջին եռամսյակի համեմատ աճել էր 23%-ով, ապա երկրորդ եռամսյակում աճը դանդաղել է մինչև 9.1%։

Իսկ 2018 թվականի երրորդ եռամսյակում՝ 2017-ի նույն եռամսյակի համեմատ, շինարարության աճը կազմել է ընդամենը 2% (ծավալը՝ 118.1 մլրդ դրամ)։

Constr-SEP

Շինմոնտաժային աշխատանքների գծով դինամիկան ավելի տխուր է։ Առաջին եռամսյակի 14%-անոց աճը երկրորդ եռամսյակում նվազել է մինչև 6.8%, իսկ երրորդ եռամսյակում արձանագրվել է 0.2% անկում։

Այնպես որ, շինարարության աննախադեպ աճ կար տարվա սկզբին, սակայն այժմ, դատելով դինամիկայից, շինարարությունը վերադառնում է իր նախկին լճացած վիճակին։

ԱՄԵՆԱԿԱՐԴԱՑՎԱԾ ԼՈՒՐԵՐ

Ինչի՞ համար է The Economist-ը Հայաստանը ճանաչել տարվա երկիր

Ի՞նչ չափանիշով է The Economist-ը որոշում տարվա երկիրը։

Հայաստանի տնտեսության աճը կրկին արագացել է. ԵԱԶԲ

Հայաստանի տնտեսության աճը կրկին արագացել է, 2018 թ. օգոստոս-սեպտեմբեր ամիսների դադարից հետո:

Արժույթի միջազգային հիմնադրամի գործադիր խորհուրդը Հայաստանի ֆինանսական համակարգը գնահատել է կայուն

2012 թ.-ից ի վեր ֆինանսական համակարգի կայունությունն ամրապնդվել է, ինչին նպաստել են ՀՀ կենտրոնական բանկի կողմից ձեռնարկած մի շարք միջոցառումներ։