Մուտք

Invalid username or password

Մոռացե՞լ եք գաղտնաբառը

«Արարատբանկը» թողարկել է 1 մլն ԱՄՆ դոլարի պարտատոմս

Վերադարձ լուրերի բաժին

14:31 , 03 Հունիս 2016

«ԱՐԱՐԱՏԲԱՆԿ»-ի գլխամասային գրասենյակում տեղի ունեցած ասուլիսի ժամանակ այսօր հայտարարվեց բանկի արժեկտրոնային պարտատոմսերի 11-րդ թողարկման մասին: Բանկի գործադիր տնօրենի տեղակալ Դավիթ Հարությունյանը, ներկայացնելով պարտատոմսերի նախորդ թողարկումների արդյունքները, ընդգծեց, որ բանկն արժեթղթերի շուկայի ամենաակտիվ մասնակիցներից է, և հաշվի առնելով նախորդ թողարկումների ժամանակ դրսևորված պահանջարկը` այս անգամ ևս առաջարկում է դոլարային պարտատոմսեր.

«2007 թվականից մենք շուկայում իրականացնում ենք պարտատոմսերի թողարկումներ, և սա արդեն 11-րդն է լինելու: Ներկայումս 5 թողարկումներ շրջանառվում են «ՆԱՍԴԱՔ ՕԷՄԷՔՍ ԱՐՄԵՆԻԱ» ֆոնդային բորսայում, որոնցից չորսը թողարկվել է ԱՄՆ դոլարով, իսկ մեկը` հայկական դրամով: Նշեմ, որ բավական ակտիվ առևտուր է ընթանում այդ արժեթղթերով, և եթե դիտարկելու լինենք, օրինակ, 2015 թվականի տվյալները, ապա բանկի կողմից թողարկված պարտատոմսերով կատարվել է շուրջ 130 գործարք` 1 մլն ԱՄՆ դոլար և 226 մլն ՀՀ դրամ ընդհանուր ծավալով»,- ասաց Դավիթ Հարությունյանը:

Անդրադառնալով նոր պարտատոմսերի թողարկմանը` նա նշեց, որ այս անգամ թողարկվել է 1 մլն ԱՄՆ դոլար ընդհանուր ծավալով 40000 հատ անվանական, ոչ փաստաթղթային, արժեկտրոնային պարտատոմս` 25 ԱՄՆ դոլար անվանական արժեքով, 7 տոկոս տարեկան տոկոսադրույքով և 3 տարի շրջանառության ժամկետով:

Պարտատոմսերի բաժանորդագրությունն իրականացվելու է հունիսի 6-ից մինչև 17-ը. «Ցանկացած իրավաբանական կամ ֆիզիկական անձ կարող է դիմել բանկի գլխամասային գրասենյակ կամ ցանկացած մասնաճյուղ, և մեր աշխատակիցները շատ արագ կիրականացնեն հայտի ձևակերպումն ու գործարքը: Նշեմ նաև, որ պարտատոմսերը ցուցակվելու են «ՆԱՍԴԱՔ ՕԷՄԷՔՍ ԱՐՄԵՆԻԱ» ֆոնդային բորսայում և գնանշվելու են շուկա ստեղծողների միջոցով:

Շուկայի մասնակիցներին հնարավորություն կընձեռվի արտարժութային պարտատոմսերով առքուվաճառք իրականացնելուց բացի` կնքել ռեպո գործարքներ: Արժեկտրոններով վճարումները կիրականացվեն եռամսյակը մեկ անգամ»,- հավելեց նա:

ԱՄԵՆԱԿԱՐԴԱՑՎԱԾ ԼՈՒՐԵՐ

ԿԲ-ն արձագանքում է դրամի մոտալուտ արժեզրկման մասին լուրերին

Ավելին, նմանատիպ լուր-հորինվածքները բացասական սպասումներ առաջացնելու և արհեստական վարքագիծ ձևավորելու միտում են պարունակում։

ԱՄՀ-ն ՀՀ ֆինանսական համակարգը գնահատել է կայուն, իսկ Բանկային վերահսկողության բազելյան հիմնարար սկզբունքներին համապատասխանությունը՝ բարձր՝ 97%

Արժույթի միջազգային հիմնադրամի գործադիր խորհուրդը Հայաստանի ֆինանսական համակարգը գնահատել է կայուն, իսկ Բանկային վերահսկողության բազելյան հիմնարար սկզբունքներին համապատասխանությունը՝ բարձր՝ 97%:

Թեստ Modex-ից. Որքանո՞վ եք ծանոթ Հայաստանի տնտեսությանը

Թեստը բաղկացած է 10 հարցից, և այն լրացնելու համար կպահանջվի ընդամենը 2 րոպե։