Մուտք

Invalid username or password

Մոռացե՞լ եք գաղտնաբառը

Առաջին եռամսյակի բյուջեն կատարվել է 19.2 մլրդ դրամի պակասուրդով

Վերադարձ լուրերի բաժին

19:47 , 17 Մայիս 2017

ՀՀ պետական բյուջեն 2017 թվականի առաջին եռամսյակում կատարվել է 19.2 մլրդ դրամ պակասուրդով՝ կազմելով առաջին եռամսյակի ծրագրի 27.6%-ը և 42%-ով զիջելով նախորդ տարվա նույն ժամանակահատվածի ցուցանիշը: Ինչպես տեղեկացնում է «Արմենպրես»-ը` վկայակոչելով ՀՀ ֆինանսների նախարարության կողմից հրապարակված հունվար-մարտի պետբյուջեի հաշվետվությունը, նույն ժամանակահատվածում ֆինանսավորման ներքին աղբյուրներում 4.5 մլրդ դրամ են կազմել փոխառու զուտ միջոցները, որոնք հիմնականում ստացվել են պետական գանձապետական պարտատոմսերի տեղաբաշխումից և 14.7%-ով գերազանցել եռամսյակային ծրագրային ցուցանիշը: 1.9 մլն դրամ հատկացվել է մուրհակների մարմանը` կազմելով եռամսյակային ծրագրի 86%-ը:

Ավելի քան 28.8 մլրդ դրամ են կազմել ֆինանսական զուտ ակտիվները` եռամսյակային ծրագրով նախատեսված 67.9 մլրդ դրամի դիմաց: Հաշվետու ժամանակահատվածում ՀՀ ռեզիդենտներին պետական բյուջեից տրամադրվել են 1.4 մլրդ դրամ վարկային միջոցներ` կազմելով եռամսյակային ծրագրի19.3%‑ը, ինչը հիմնականում պայմանավորված է ՌԴ աջակցությամբ իրականացվող Հայկական ԱԷԿ-ի N 2 էներգաբլոկի շահագործման նախագծային ժամկետի երկարացման, Վերակառուցման և զարգացման միջազգային բանկի աջակցությամբ իրականացվող Էլեկտրամատակարարման հուսալիության ու էներգետիկայի ոլորտի ֆինանսական առողջացման վարկային ծրագրերի շրջանակներում նախատեսված միջոցները չհատկացնելու հանգամանքով:

Ռեզիդենտներին պետական բյուջեից տրամադրված վարկերից վերադարձվել է եռամսյակային ծրագրով նախատեսված գումարների 49.4%‑ը՝ ավելի քան 3.5 մլրդ դրամ:Հաշվետու ժամանակահատվածում 26.7 մլրդ դրամ օգտագործվել է ներքին աղբյուրներում ձևավորված ազատ միջոցներից` նախատեսված 68.1 մլրդ դրամի դիմաց:

ԱՄԵՆԱԿԱՐԴԱՑՎԱԾ ԼՈՒՐԵՐ

Աջ ղեկով մեքենաները մինչև 2019թ. մարտի 1-ը կարող են ներմուծվել ՀՀ (տեսանյութ)

Նշված մաքսային ընթացակարգը հնարավորություն կտա աջակողմյան ղեկային համակարգ ունեցող տրանսպորտային միջոցներն առանց վերասարքավորման ներմուծել ՀՀ տարածք, ՀՀ տարածքում մինչև 6 ամսվա ժամկետում իրականացնել աջակողմյան ղեկային համակարգի փոխարինում

Մասշտաբային աշխատանքներ՝ բջջային նոր ցանցի կառուցման ուղղությամբ (լուսանկարներ)

ՎիվաՍել-ՄՏՍ-ը հանրապետության տարբեր մարզերում ցանցի արդիականացման լայնածավալ աշխատանքներ է իրականացնում:

Սպառման անհավասարությունը 2008-2017թթ. աճել է

Սպառման անհավասարությունը 2017 թվականին ավելացել է նաև 2016 թվականի համեմատ՝ 0.286-ից հասնելով 0.289-ի։