Մուտք

Invalid username or password

Մոռացե՞լ եք գաղտնաբառը

«Աշտարակ կաթը» 70 մլն դրամ է պարտք Ճամբարակի բնակչությանը

Վերադարձ լուրերի բաժին

12:16 , 05 Դեկտեմբեր 2016

«Աշտարակ կաթ» ընկերությունը շարունակում է պարտք մնալ Ճամբարակ քաղաքի բնակչությանը՝ ավելի քան 70 միլիոն դրամի չափով: Ինչպես «Արմենպրես»-ին տեղեկացրեց ճամբարակի քաղաքապետ Յուրա Ավալյանը, «Աշտարակ կաթը» կաթ է մթերել Ճամբարակ քաղաքի, ինչպես նաեւ շրջակա համայնքների բնակիչներից ու դրա դիմաց չի վճարել ամիսներ շարունակ, չի վճարել նաեւ Ճամբարակի պանրագործարանի աշխատողների աշխատավարձը շուրջ 7-8 ամիս, ինչի արդյունքում գոյացել է հսկայական պարտք, որի համար ճամբարակցիներն ահազանգում են ու մտահոգվում:

«Մեր տնտեսություններից մթերված կաթի դիմաց «Աշտարակ կաթը» գումար չունի, որ կարողանա վճարել կուտակված պարտքը, դրա համար ճամբարակցիները որոշեցին Ճամբարակի պանրագործարանից վերցնել արտադրված 60 տոննա պանիրը՝ իրենց պարտքերի դիմաց: Բայց այստեղ էլ ուրիշ խնդիր ունենք: «Ռոքֆորն» այնպիսի տեսակի պանիր է, որը հնարավոր չէ բարձր գներով վաճառել տեղական շուկայում: «Աշտարակ կաթի» հետ երկարատեւ բանակցություններից հետո բնակիչներն ու պարտատերը եկել են համաձայնության, որ պանիրը 2500 դրամի փոխարեն 2000 դրամով հանձնեն բնակիչներին&raquo ;,-նշեց Յուրա Ավալյանը:

Իրացման խնդրի շուրջ Ճամբարակի քաղաքապետը տարբեր ուղիներ ու շուկա է փնտրում, եւ դեկտեմբերի մեկի դրությամբ ճամբարակցի ռուսաստանաբնակ մի գործարարի հետ բանակցություններ են վարում ՝ պանրի ամբողջ քանակությունը ռուսաստանյան շուկա արտահանելու նպատակով: Այս տարբերակով բոլոր խնդիրները լուծում կգտնեն, եւ ճամբարակցիներն այլեւս մայրաքաղաքի շուկաներում օրերով կանգնելու կարիք չեն ունենա, իսկ վաճառքից ստացված գումարը ավելի կարճ ժամանակում կհասնի բնակիչներին»,-կարծում է քաղաքապետը:

Իսկ այն հարցին, թե անասնապահությամբ զբաղվողները ինչպես են սպառում ներկայում արտադրած կաթը, քաղաքապետը պատասխանեց, որ այս պահին կաթի իրացման խնդիր չունեն: «Կաթ են մթերում կաթնամթերք արտադրող մյուս ընկերությունները՝ «Դուստր Մարիանան», «Թամարան»: Բացի այդ, Ճամբարակում կան նաեւ մի քանի փոքր պանրագործարաններ, որոնք եւս կաթ են մթերում: Տարվա այս սեզոնին կաթի իրացման խնդիր չկա, քանի որ արտադրության ծավալները պակասում են, իսկ թե ամռանը խնդրի կարգավորումն ինչ տեսք կունենա,ցույց կտա ժամանակը»,-ասաց քաղաքապետը:

 

ԱՄԵՆԱԿԱՐԴԱՑՎԱԾ ԼՈՒՐԵՐ

Ես կոորդինացնելու եմ տնտեսական բլոկը և տարածքային զարգացումը. Կարեն Կարապետյան (տեսանյութ)

ՀՀ առաջին փոխվարչապետ Կարեն Կարապետյանի հարցազրույցը «Արմենիա» հեռուստաընկերությանը

«Սինոփսիս» ընկերությունը հայտարարություն է տարածել` քաղաքական գործընթացների կապակցությամբ

Սինոփսիսը ընդունում է իր աշխատակիցների ազատ կամքի դրսևորման իրավունքը, գտնելով, որ նրանք ազատ են արտահայտելու իրենց քաղաքացիական դիրքորոշումներն ու առաջնայնությունները

Converse Bank Yerevan Spring Run 2018 վազքի մարաթոնին կմասնակցի մոտ 1000 վազորդ

Կոնվերս Բանկը Converse Bank Yerevan Spring Run 2018 վազքի մարաթոնի հովանավորն է: