Մուտք

Invalid username or password

Մոռացե՞լ եք գաղտնաբառը

Աշխարհի լավագույն բիզնես-դպրոցները. 2018

Վերադարձ լուրերի բաժին

Հեղինակ

B4B.am

Խորագրեր

Դայջեսթ

12:30 , 12 Մարտ 2018

The Financial Times-ը կազմել է աշխարհի 100 լավագույն բիզնես-դպրոցների ցանկը, որոնք բիզնեսի կառավարման մագիստրոսական ծրագիր (MBA) են առաջարկում։

The FT Global MBA Ranking 2018-ը կազմվել է շրջանավարտների շրջանում անցկացված հարցման և բուհերից վերցված տվյալների հիման վրա։ Գնահատման համար օգտագործվել են 20 չափանիշներ, այդ թվում՝ ավարտելուց 3 տարի անց շրջանավարտների միջին աշխատավարձը, աշխատավարձի աճը, դասընթացների արժեքը՝ շրջանավարտների ընկալմամբ։

Եվ այսպես, ըստ վարկանիշի հեղինակների՝ աշխարհի լավագույն բիզնես դպրոցը Սթենֆորդն է՝ Stanford Graduate School of Business (ԱՄՆ): Ընդհանրապես, ամերիկյան բուհերը գերակշռում են. առաջին տասնյակում տեղ գտած 10 բուհերից 7-ը գտնվում են ԱՄՆ-ում։

Սթենֆորդը նախորդ տարվա ցանկում երկրորդն էր և առաջադիմել է հատկապես շրջանավարտների աշխատավարձի չափանիշով։

Սթենֆորդի շրջանավարտների միջին տարեկան աշխատավարձը 214.7 հազար դոլար է։ Դա 114%-ով ավելի շատ է, քան մինչև դասընթացը սկսելը։ Նշենք նաև, որ Սթենֆորդի բիզնես դպրոցի՝ 2014 թվականի ուստարվա 95 շրջանավարտների 87%-ը աշխատանք է գտել ավարտելուց հետո 3 ամսվա ընթացքում։

Նախորդ տարվա լավագույն բիզնես-դպրոցը՝ Ֆրանսիայում և Սինգապուրում գործող Insead-ը, այս տարի նահանջել է երկրորդ տեղը։

10 լավագույն բուհերի տվյալները ներկայացված են այս ցանկում։

3-րդ սյունակում ներկայացված է տվյալ բուհի շրջանավարտների միջին աշխատավարձը։

4-րդ սյունակում՝ աշխատավարձի տարբերությունը՝ մինչև ընդունվելը և ավարտելուց հետո։

Իսկ վերջին՝ «recommend» կատեգորիան արտացոլում է, թե շրջանավարտները ինչ են պատասխանել, երբ նրանց հարցրել են, թե ո՞ր երեք լավագույն բիզնես-դպրոցներն ավարտածներին աշխատանքի կընդունեին։

top-10

Ինչ էին «գովազդում» ԽՍՀՄ-ում (լուսանկարներ)

Հեռուստատեսությամբ գովազդային հոլովակներ չէին պտտվում, սակայն գովազդային բնույթի տեքստեր և կոչեր կարելի էր հանդիպել ամեն քայլափոխի, հատկապես՝ շենքերի տանիքներին

Ինչի՞ համար է The Economist-ը Հայաստանը ճանաչել տարվա երկիր

Ի՞նչ չափանիշով է The Economist-ը որոշում տարվա երկիրը։

Ռուսաստանի պետական ընկերությունները կհրաժարվեն արտասահմանյան սոֆթից

ՌԴ պետական ընկերությունները մի քանի ամիսների ընթացքում պետք է մշակեն հստակ պլան՝ մինչև 2021 թվականը ծրագրային ապահովման ոլորտում ներմուծման փոխարինում իրականացնելու համար