Մուտք

Invalid username or password

Մոռացե՞լ եք գաղտնաբառը

Աշխատատեղերի թիվն ավելի է 13422-ով, աշխատավարձի ֆոնդը՝ շուրջ 11 մլրդ դրամով

Վերադարձ լուրերի բաժին

14:23 , 24 Սեպտեմբեր 2020

Հակաճգնաժամային 1-ին և 2-րդ միջոցառմամբ սուբսիդավորման չափը երեկվա դրությամբ կազմում է 119 մլրդ դրամ: Այդ մասին Կառավարության նիստում հայտարարեց փոխվարչապետ Մհեր Գրիգորյանը:

Նա հիշեցրեց, որ սեփականատիրոջ կողմից 50, 100, հետագայում՝ 25 մլն դրամով կապիտալի համալրման դեպքում ավելի բարենպաստ պայմաններ ստեղծվեցին: Մ. Գրիգորյանն ասաց, որ երեկվա դրությամբ ստացվել է 32 հայտ, 28-ը բավարարվել են, և այդ հայտերով Կառավարությունը կսուբսիդավորի 8 մլրդ դրամի համարժեք վարկային պորտֆել:

Փոխվարչապետը տեղեկացրեց, որ սեփականատերերն իրենց կապիտալում ներդրել են շուրջ 3 մլրդ դրամ:

Վարչապետ Նիկոլ Փաշինյանն արձանագրեց, որ, ըստ էության, այդ գումարներն ընկերությունները օգտագործում են հումքի, սարքավորումների ձեռքբերման, աշխատավարձերի, հարկերի վճարման համար: Կառավարության ղեկավարն ասաց, որ այս ներդրումները օգնում են, որպեսզի աշխատատեղերը չփակվեն:

Փաշինյանը հայտնեց, որ այս տարվա օգոստոսին առկա է 13422-ով ավելի աշխատատեղ, քան 2019-ի օգոստոսին, իսկ օգոստոսին հուլիսի նկատմամբ՝ 4946 աշխատատեղով ավելի:

Նրա խոսքով՝ այս միտումը շարունակվում է նաև աշխատավարձերի առումով: Մասնավորապես, 2020-ի օգոստոսին 2019-ի օգոստոսի նկատմամբ երկրում աշխատավարձի ֆոնդը ավելի է եղել 10 մլրդ 974 մլն դրամով կամ 9.6 տոկոսով, սակայն հուլիսի նկատմամբ պակաս է եղել 2 մլրդ 663 մլն դրամով, ինչը պետք է վերլուծել և հասկանալ՝ ինչի հետ է կապված:

Կառավարության ղեկավարը տեղեկացրեց նաև, որ մեկ մարդու միջին աշխատավարձը 2020-ի օգոստոսին 2019-ի օգոստոսի նկատմամբ ավելի է եղել 13671 դրամով կամ 7.3 տոկոսով, սակայն 2020-ի հուլիսի նկատմամբ պակաս է եղել 5973 դրամով կամ 2.9 տոկոսով: «Այս թվերը դեռ պետք է վերլուծել և հասկանալ, սակայն արձանագրումն այն է, որ աշխատատեղերի թիվն ավելանում է, ինչը կարևոր է սոցիալական իրավիճակի գնահատման առումով»:

ՊԵԿ նախագահ Էդվարդ Հովհաննիսյանը նշեց, որ 2020-ի օգոստոսին հուլիսի նկատմամբ աշխատավարձի ֆոնդը պակաս է եղել, քանի որ հուլիսը արձակուրդային ամիս է, և աշխատակիցներին վճարվող աշխատավարձի չափն ավելին է:

1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Պետությունը չի կարող վերցնել ձեր բանկային հաշիվների վրա եղած կամ կանխիկ գումարները

ԱԺ-ն օրերս հավանություն տվեց Կառավարության հեղինակած «Ռազմական դրության իրավական ռեժիմի մասին» ՀՀ օրենքում լրացումներ կատարելու մասին» օրենքի նախագծին:

ՊԵԿ-ը շարունակում է մասնակցությունը համազգային դրամահավաքին

Կոմիտեի աշխատակիցները ևս 100 միլիոն դրամ են փոխանցել «Հայաստան» համահայկական և «Զինծառայողների կյանքին կամ առողջությանը պատճառված վնասների հատուցման» հիմնադրամներին:

Արհեստական բանականության հնարավորությունները` հարկային ստվերը բացահայտելիս

ՊԵԿ-ում կիրառվող վերլուծական մոդելները Համաշխարհային բանկի ներկայացուցիչների ուշադրությանն են արժանացել: